ପାଟନା : ଭାରତୀୟ ଜନତା ପାର୍ଟି (ବିଜେପି) ନେତା ତଥା କେନ୍ଦ୍ର ମନ୍ତ୍ରୀ ଗିରିରାଜ ସିଂହ ଗୁରୁବାର ବିରୋଧୀ ଦଳ ଇଣ୍ଡିଆ ବ୍ଲକ୍ ଉପରେ ଦୁର୍ନୀତିଗ୍ରସ୍ତ ନେତାଙ୍କ ସମର୍ଥନ କରିବାର ଅଭିଯୋଗ କରିଛନ୍ତି ଏବଂ ବିହାର ବିଧାନସଭା ନିର୍ବାଚନରେ ଏନଡିଏର ବିଜୟ ନେଇ ଆଶା ପୋଷଣ କରିଛନ୍ତି। ସିଂହ କହିଛନ୍ତି ଯେ, ତାଙ୍କର ବିଶ୍ୱାସ ଅଛି ଯେ, ଗଠବନ୍ଧନ ୨୦୬ରୁ ଅଧିକ ସିଟ୍ରେ ଜିତିବ, ଯାହା ୨୦୧୦ର ବିଧାନସଭା ନିର୍ବାଚନରୁ ମଧ୍ୟ ଭଲ ପ୍ରଦର୍ଶନ ହେବ, କାରଣ ଲୋକେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନେତୃତ୍ୱରେ ବିକାଶରେ ଭରସା ପ୍ରଦାନ କରିଛନ୍ତି।
ସେ କହିଛନ୍ତି ଯେ, ଇଣ୍ଡିଆ ବ୍ଲକ୍ର ଅଂଶ , ରାଷ୍ଟ୍ରୀୟ ଜନତା ଦଳ ଆରଜେଡି ପ୍ରମୁଖ ଲାଲୁ ପ୍ରସାଦ ଯାଦବ ଜଣେ ଦୁର୍ନୀତିଗ୍ରସ୍ତ ବ୍ୟକ୍ତି,ଯିଏ କେବଳ ନିଜ ପରିବାର ପାଇଁ ଜିଇଁଛନ୍ତି, ଏବଂ ଏଥିପାଇଁ କେହିବି ବ୍ୟକ୍ତି ତାଙ୍କୁ ଭୋଟ୍ ଦେବାକୁ ଚାହିଁବ ନାହିଁ। ସିଂହ ଏଏନଆଇକୁ କହିଛନ୍ତି , ସେ ଅଖିଳେଶ ଯାଦବ ହୁଅନ୍ତି କି ଲାଲୁ ଯାଦବ ହୁଅନ୍ତୁ , ତେଜସ୍ୱୀ ଯାଦବ ହୁଅନ୍ତୁ କିମ୍ୱା ରାହୁଲ ଗାନ୍ଧୀ , ବିହାରରେ କେହି କାହିଁକି ଏହି ଲୋକମାନଙ୍କୁ ଭୋଟ୍ ଦେବ ? ଲାଲୁ ଯାଦବଙ୍କ ଭଳି ଦୁର୍ନୀତି ଗ୍ରସ୍ତ ଲୋକଙ୍କୁ କେହି ଭୋଟ୍ କାହିଁକି ଦେବ, ଯିଏକି ନିଜର ପୂରା ଜୀବନ କେବଳ ନିଜର ପରିବାର ପାଇଁ ଜିଇଁଛନ୍ତି ? ସେ ନା ଗରିବଙ୍କୁ ସାହାଯ୍ୟ କରିଛନ୍ତି ନା ଯାଦବଙ୍କୁ। ଏଥିପାଇଁ ବିହାରର ଲୋକ ନରେନ୍ଦ୍ର ମୋଦି ଏବଂ ନୀତିଶ କୁମାରଙ୍କ ନେତୃତ୍ୱରେ ବିକାଶ ପାଇଁ ଭୋଟ୍ ଦେଇଛନ୍ତି।
ବିଜେପି ନେତା ଏନଡିଏ ଗଠବନ୍ଧନର ୨୦୧୦ରୁ ଭଲ ପ୍ରଦର୍ଶନ ଉପରେ ମଧ୍ୟ ଆଶା ବ୍ୟକ୍ତି କରିଛନ୍ତି ଏବଂ କହିଛନ୍ତି , ଆମେ ୨୦୧୦ରୁ ୨୦୬ଟି ସିଟ୍ ଜିତି ଥିଲୁ ଏବଂ ଆମେ ଏହାଠାରୁ ମଧ୍ୟ ଅଧିକ ସିଟ୍ ଜିତିବୁ। ୨୦୧୦ରେ ନୀତିଶ କୁମାରଙ୍କ ନେତୃତ୍ୱର ବିଜେପି ଗଠବନ୍ଧନ ୨୪୩ଟି ସିଟ୍ ବିଧାନସଭାରେ ୨୦୩ଟି ସିଟ୍ ସହ ସ୍ପଷ୍ଟ ବହୁମତ ହାସଲ କରିଥିଲା। ଜେଡିୟୁ ୧୧୫ ସିଟ୍ ଜିତି ଥିଲା। ସେପଟେ ବିଜେପି ୯୧ଟି ସିଟ୍ ଜିତି ଥିଲା। ବର୍ତ୍ତମାନର ଗଠବନ୍ଧନ ବ୍ୟବସ୍ଥାରେ , ଜେଡିୟୁ ଓ ବିଜେପି ଉଭୟ ୧୦୧-୧୦୧ ସିଟ୍ରେ ନିର୍ବାଚନ ଲଢିବା ନେଇ ସହମତି ପ୍ରକାଶ କରିଥିଲେ, ଅନ୍ୟ ସବୁ ସିଟ୍ ନିଜର ଗଠବନ୍ଧନ ସହଯୋଗୀଙ୍କୁ ବାଣ୍ଟି ଦେଇଥିଲେ। ୨୦୧୫ରେ ଜେଡି(ୟୁ) ପୁନଃ ଇଲେକ୍ସନ ହାସଲ କରିବା ପାଇଁ କଂଗ୍ରେସ ଓ ଆରଜେଡି ସହ ଗଠବନ୍ଧନ କରି ଥିଲା।
