ନୂଆଦିଲ୍ଲୀ: ବିବାହ ଋତୁରେ ଅଳଙ୍କାର ଦୋକାନ ଗୁଡିକରେ ଜୋରସୋର୍ରେ କାରବାର ଚାଲିଥିବା ବେଳେ ବୁଧବାର ପୁଣିଥରେ ସୁନାଦର ବୃଦ୍ଧି ପାଇଥିବା ଦେଖିବାକୁ ମିଳିଛି। ରାଜଧାନୀ ଦିଲ୍ଲୀରେ ଆଜି (ବୁଧବାର) ୯୯.୯୯ ପ୍ରତିଶତ ଶୁଦ୍ଧତା ବିଶିଷ୍ଠ ସୁନାର ଦର ୧୦ ଗ୍ରାମ ପ୍ରତି ୭୦୦ ଟଙ୍କା ବୃଦ୍ଧି ପାଇ ୯୧,୯୫୦ ରହିଛି, ଯାହାକି ସର୍ବୋଚ୍ଚ ରେକର୍ଡ। ସୂଚନାଥାଉକି, ଗତକାଲି (ମଙ୍ଗଳବାର) ୯୯.୯ ପ୍ରତିଶତ ଶୁଦ୍ଧତା ବିଶିଷ୍ଠ ସୁନା ୧୦ ଗ୍ରାମ ପ୍ରତି ୯୧.୨୫୦ଟଙ୍କାରେ ବନ୍ଦ ଥିଲା । ଏଥି ସହ ୯୯.୫ ପ୍ରତିଶତ ସୁଦ୍ଧତା ବିଶିଷ୍ଟ ସୁନା ୧୦ ଗ୍ରାମ ପ୍ରତି ୯୧,୫୦୦ ଟଙ୍କାରେ ପହଞ୍ଚିଥିଲା ।
ସୁନା ସହିତ, ରୂପା ମୂଲ୍ୟରେ ମଧ୍ୟ ତୀବ୍ର ବୃଦ୍ଧି ଘଟୁଛି। ବୁଧବାର ଦିନ, ଦିଲ୍ଲୀରେ ରୂପା ମଧ୍ୟ ୧୦୦୦ ଟଙ୍କା ବୃଦ୍ଧି ପାଇ ରେକର୍ଡ ସର୍ବୋଚ୍ଚ ସ୍ତରରେ ପହଞ୍ଚିଛି ଯାହା ପ୍ରତି କିଲୋଗ୍ରାମ ୧,୦୩,୫୦୦ ଟଙ୍କା ଥିଲା, ଯେତେବେଳେ ମଙ୍ଗଳବାର ଦିନ ରୂପାର ମୂଲ୍ୟ କିଲୋଗ୍ରାମ ୧,୦୨,୫୦୦ ଟଙ୍କାରେ ବନ୍ଦ ହୋଇଥିଲା।
ସୁନା ମୂଲ୍ୟ ଏତେ ଶୀଘ୍ର କାହିଁକି ବଢ଼ୁଛି?
ପଶ୍ଚିମ ଏସିଆରେ ବଢ଼ୁଥିବା ଉତ୍ତେଜନା ଏବଂ ଆମେରିକାର ଅର୍ଥନୈତିକ ମାନ୍ଦାବସ୍ଥା ନେଇ ଚିନ୍ତା ସୁରକ୍ଷିତ ସୁନା ଚାହିଦାକୁ ବଜାୟ ରଖିଛି, ଯାହା ଫଳରେ ସୁନା ମୂଲ୍ୟରେ ନିରନ୍ତର ବୃଦ୍ଧି ଘଟିଛି। ବିଶେଷଜ୍ଞମାନେ କହିଛନ୍ତି ଯେ ପର୍ବପର୍ବାଣୀ ଏବଂ ବିବାହ ଋତୁରେ ଗ୍ରାହକଙ୍କ ଚାହିଦା ପୂରଣ କରିବା ପାଇଁ ସ୍ଥାନୀୟ ଦୋକାନୀ ମାନେ ପ୍ରଚୁର ପରିମାଣରେ ସୁନା କିଣୁଛନ୍ତି। ଏହା ବ୍ୟତୀତ, ବିଦେଶୀ ବଜାରରେ ଦୃଢ଼ ଧାରା ଯୋଗୁଁ ସୁନା ମୂଲ୍ୟ ଚଳିତ ବର୍ଷ ସର୍ବୋଚ୍ଚ ସ୍ତରରେ ପହଞ୍ଚିଛି।
