ନୂଆଦିଲ୍ଲୀ,୧୮/୦୪; ଆମେରିକା ରୁଷୀୟ ତୈଳ ଏବଂ ପେଟ୍ରୋଲିୟମ ଉତ୍ପାଦ ଉପରେ ପ୍ରତିବନ୍ଧକକୁ କୋହଳ କରିଛି । ଆଉ ଗୋଟିଏ ମାସ କଟକଣା ଛାଡ କରିଛି । ଏପ୍ରିଲ ୧୭ ତାରିଖରେ ଆମେରିକାର ଟ୍ରେଜେରୀ ବିଭାଗ ମାଧ୍ୟମରେ ଏକ ନୂଆ ଲାଇସେନ୍ସ ଜାରି କରିଛି । ଏହି ଲାଇସେନ୍ସ ଅଧିନରେ, ଦେଶଗୁଡିକ ଏବେ ମେ ୧୬ ପର୍ଯ୍ୟନ୍ତ ସମୁଦ୍ରରେ ଲୋଡ୍ ହୋଇଥିବା ରୁଷୀୟ ତେଲ କ୍ରୟ କରିପାରିବ । ଏହି ନିଷ୍ପତ୍ତି ଭାରତ ସମେତ ଅନେକ ଆମଦାନୀକାରୀ ଦେଶ ପାଇଁ ଅଶ୍ୱସ୍ତିକର ଖବର । ଏହା ଶସ୍ତା ରୁଷୀୟ ଅଶୋଧିତ ତୈଳର ନିରନ୍ତର ଉପଲବ୍ଦତା ସୁନିଶ୍ଚିତ କରିବ । ଟ୍ରମ୍ପ ପ୍ରଶାସନ ଏପରି ଛାଡକୁ ବୃଦ୍ଧି କରିବାର କୌଣସି ଯୋଜନା ନଥିବା କହିବାର ମାତ୍ର ୨ ଦିନ ପରେ ୟୁ-ଟର୍ଣ୍ଣ ନେଇ ନିଷ୍ପତ୍ତି ନେଇଛି ।
ବିଶ୍ୱ ଶକ୍ତି ସଙ୍କଟ ଏବଂ ଯୁଦ୍ଧର ପ୍ରଭାବ- ଏହି ଲାଇଲେନ୍ସ ହେଉଛି ଟ୍ରମ୍ପ ପ୍ରଶାସନର ବିଶ୍ୱବ୍ୟାପୀ ଶକ୍ତି ମୂଲ୍ୟ ନିୟନ୍ତ୍ରଣ କରିବା ପାଇଁ ପ୍ରୟାସର ଅଂଶ, ଯାହା ଇରାନ ଉପରେ ଆମେରିକା ଏବଂ ଇସ୍ରାଏଲ ଯୁଦ୍ଧ ସମୟରେ ବୃଦ୍ଧି ପାଇଛି । ନୂଆ ଲାଇସେନ୍ସ ଏପ୍ରିଲ ୧୧ରେ ଶେଷ ହୋଇଥିବା ୩୦ ଦିନିର ଛାଡକୁ ବଦଳାଇବ । ଚୁକ୍ତିନାମାର ସ୍ପଷ୍ଟ ସର୍ତ୍ତ ଅନୁସାରେ ଇରାନ, କ୍ୟୁବା ଏବଂ ଉତ୍ତର କୋରିଆ ସହିତ ଜଡିତ ଯେକୌଣସି କାରବାରକୁ ଏହି ଛାଡରୁ ବାଦ ଦିଆଯିବ । ଟ୍ରେଜେରୀ ସେକ୍ରେଟାରୀ ସ୍କଟ୍ ବେସାଣ୍ଟ କହିଥିଲେ ଯେ, ଆମେରିକା ଆଉ ରୁଷ ଏବଂ ଇରାନୀ ତେଲ ପାଇଁ ଛାଡକୁ ବୃଦ୍ଧି କରିବ ନାହିଁ । ରୁଷିଆନ ଫେଡେରେସନରୁ ଆସିଥିବା ଅଶୋଧିତ ତେଲ ଏବଂ ପେଟ୍ରୋଲିୟମ ଉତ୍ପାଦକୁ ଜାହାଜରେ ଲୋଡିଂ କରିବା ପାଇଁ ଆମେରିକା ପ୍ରତିବନ୍ଧକ ଛାଡ଼କୁ ମଇ ୧୬, ୨୦୨୬ ପର୍ଯ୍ୟନ୍ତ ବୃଦ୍ଧି କରିଛି । ଏହା ଭାରତକୁ ଏକ ବଡ଼ ଆଶ୍ୱସ୍ତି ପ୍ରଦାନ କରିବ ।
ପ୍ରତିବନ୍ଧକ କୋହଳ ଭାରତକୁ ଲାଭ ହେବ- ଭାରତ ପ୍ରତିବନ୍ଧକ ଛାଡ଼ର ଏକ ପ୍ରମୁଖ ଲାଭାର୍ଥୀ ଥିଲା । ସରକାରୀ ଅଧିକାରୀଙ୍କ ଉଦ୍ଧୃତି ଅନୁଯାୟୀ, ପ୍ରତିବନ୍ଧକ ଛାଡ଼ କାର୍ଯ୍ୟକାରୀ ହେବା ପରେ ଭାରତ ରୁଷରୁ ପ୍ରାୟ ୩୦ ନିୟୁତ ବ୍ୟାରେଲ ତେଲ ଅର୍ଡର କରିଥିଲା । ରିଲାଏନ୍ସ ଭଳି ଭାରତୀୟ ରିଫାଇନାରୀଗୁଡ଼ିକ ପୂର୍ବରୁ ରୋସନେଫ୍ଟ ଏବଂ ଲୁକଏଲ ଭଳି ରୁଷୀୟ ଯୋଗାଣକାରୀଙ୍କଠାରୁ ସେମାନଙ୍କର କ୍ରୟ ହ୍ରାସ କରିଥିଲା କାରଣ ଆମେରିକା ଏହି ପ୍ରମୁଖ ଶକ୍ତି କମ୍ପାନୀଗୁଡ଼ିକ ଉପରେ ପ୍ରତିବନ୍ଧକ ଲଗାଇଥିଲା ।
ଏହା ବି ପଢନ୍ତୁ...Hormuz; 'ଆମେରିକା ଅବରୋଧ ନହଟାଇଲେ ଆକ୍ସନ ନେବୁ'... ହୋର୍ମୁଜକୁ ନେଇ ପୁଣି ଧମକ ଦେଲା ଇରାନ
ଆମେରିକା ତାର ମତ ବଦଳାଇଲା- ଆମେରିକାର ମତରେ ଏକ ସ୍ପଷ୍ଟ ପରିବର୍ତ୍ତନ କରିଛି । ଆମେରିକା ଘୋଷଣା କଲା ଯେ ଏହା ଏକ ନୂତନ ୩୦-ଦିନିଆ ସାଧାରଣ ଲାଇସେନ୍ସ ଜାରି କରିବ, ଯାହା ଦ୍ୱାରା ଭାରତ ସମେତ ବିଶ୍ୱର ଦେଶଗୁଡ଼ିକୁ ଆମେରିକାର ପ୍ରତିବନ୍ଧକର ଶିକାର ନହୋଇ ରୁଷରୁ ଶକ୍ତି କ୍ରୟ କରିବାକୁ ଅନୁମତି ଦିଆଯିବ। ଆମେରିକାର ଅର୍ଥ ସଚିବ ସ୍କଟ୍ ବେସେଣ୍ଟ କହିବାର ମାତ୍ର ଦୁଇ ଦିନ ପରେ ଏହି ନିଷ୍ପତ୍ତି ଆସିଛି ଯେ ଆମେରିକା ମାର୍ଚ୍ଚ ମାସରେ ଜାରି ହୋଇଥିବା ଦୁଇଟି ୩୦-ଦିନିଆ ଲାଇସେନ୍ସକୁ ନବୀକରଣ କରିବ ନାହିଁ କିନ୍ତୁ ୨ ଦିନ ପରେ ୟୁ-ଟର୍ଣ୍ଣ ନେଇଛି ।
ମାର୍ଚ୍ଚରେ କେତେ ରୁଷ ତେଲ କିଣିଛି ? ଏକ ୟୁରୋପୀୟ ଥିଙ୍କ ଟ୍ୟାଙ୍କରୁ ମିଳିଥିବା ତଥ୍ୟ ଅନୁଯାୟୀ, ମାର୍ଚ୍ଚ ମାସରେ ଭାରତ ରୁଷରୁ ଅଶୋଧିତ ତୈଳ ଆମଦାନୀ ଦ୍ରୁତ ଗତିରେ ବୃଦ୍ଧି ପାଇଛି । ସେଣ୍ଟର ଫର୍ ରିସର୍ଚ୍ଚ ଅନ୍ ଏନର୍ଜି ଆଣ୍ଡ କ୍ଲିନ୍ ଏୟାର (CREA) ରିପୋର୍ଟ କରିଛି ଯେ, ମାର୍ଚ୍ଚ ମାସରେ ନୂଆଦିଲ୍ଲୀର ମସ୍କୋରୁ ଅଶୋଧିତ ତୈଳ କ୍ରୟ ଫେବୃଆରୀରେ ୧.୫୪ ବିଲିୟନରୁ ତିନି ଗୁଣ ଅଧିକ ବୃଦ୍ଧି ପାଇ ୫.୮ ବିଲିୟନ ହୋଇଛି । ରିପୋର୍ଟ ଅନୁଯାୟୀ, ଭାରତ ମାର୍ଚ୍ଚ ମାସରେ ରୁଷରୁ ୩୭୧ ନିୟୁତ ମୂଲ୍ୟର କୋଇଲା ଏବଂ 196 ନିୟୁତ ମୂଲ୍ୟର ତୈଳ ଉତ୍ପାଦ ମଧ୍ୟ ଆମଦାନୀ କରିଛି ।
