ନୂଆଦିଲ୍ଲୀ ୨୯/୦୩: ଦେଶର ସର୍ବବୃହତ୍ତ ପ୍ରତିରକ୍ଷା ଡିଲ୍କୁ ଅନୁମୋଦନ ମିଳିଛି । ଭାରତୀୟ ସେନା ଓ ବାୟୁସେନା ଲାଗି ହିନ୍ଦୁସ୍ତାନ ଏରୋନଟିକାଲ୍ ଲିମିଟେଡ (ହାଲ୍) ଠାରୁ ୧୫୬ ମେଡ୍ ଇନ୍ ଇଣ୍ଡିଆ ହାଲୁକା ଲଢ଼ୁଆ ହେଲିକପ୍ଟର କିଣାଯିବ । ଏଥିଲାଗି ୬୨ ହଜାର କୋଟିର ଡିଲ୍କୁ କେନ୍ଦ୍ର କ୍ୟାବିନେଟ ମଞ୍ଜୁରି ଦେଇଛି । ୨୦୨୪ ଜୁନରେ ହାଲ୍ ଏହି ଡିଲ୍ ଲାଭ କରିଥିଲା । ୧୫୬ ହେଲିକପ୍ଟର ମଧ୍ୟରୁ ୯୦ଟି ଭାରତୀୟ ସେନା ଏବଂ ୬୦ଟିକୁ ବାୟୁସେନାକୁ ମିଳିବ । ଏହି ହେଲିକପ୍ଟରଗୁଡ଼ିକ ହାଲ୍ର ତୁମୁକ୍ରୁ ପ୍ଲାଣ୍ଟରେ ପ୍ରସ୍ତୁତ ହେବ । ଚୀନ, ପାକିସ୍ତାନ ସୀମାରେ ଅପରେସନ ଲାଗି ଏହି ହେଲିକପ୍ଟର ବ୍ୟବହାର କରାଯିବ ।
ସରକାରଙ୍କ ଏଭଳି ନିଷ୍ପତ୍ତି ନିଯୁକ୍ତି ଏବଂ ପ୍ରତିରକ୍ଷା ଇକୋସିଷ୍ଟମ ଦୃଢ଼ୀକରଣରେ ଯୋଗଦାନ ଦେବ ବୋଲି ପ୍ରତିରକ୍ଷା ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି । ୫୦୦୦ରୁ ୧୬୪୦୦ ଫୁଟର ଏହା ଉଡ଼ିବାର କ୍ଷମତା ରଖୁଛି । ଏହାକୁ ବିଶେଷ କରି ସିଆଚେନ ଗ୍ଲେସିୟର ଏବଂ ପୂର୍ବ ଲଦାଖ ଭଳି ଏରିଆରେ ନିୟୋଜିତ କରାଯିବା ଲକ୍ଷ୍ୟ ରହିଛି । ଏଥିରେ ଆକାଶ ମାର୍ଗରୁ ଭୂମିକୁ ଏବଂ ଆକାଶ ମାର୍ଗରୁ ଆକାର୍ଶ ମାର୍ଗକୁ ମିଶାଇଲ ଯୋଗେ ଟାର୍ଗେଟ କରିବା କ୍ଷମତା ରହିବ । ୨୦୨୨ ଅକ୍ଟୋବରରେ ପ୍ରଚଣ୍ଡ ହେଲିକପ୍ଟରକୁ ଭାରତୀୟ ସେନାରେ ସାମିଲ କରାଯାଇଥିଲା । ଉଲ୍ଲେଖଯୋଗ୍ୟ, ଚଳି ଆର୍ôଥକ ବର୍ଷରେ ପ୍ରତିରକ୍ଷା ମନ୍ତ୍ରଣାଳୟ ୨.୦୯ ଲକ୍ଷ କୋଟିର ପ୍ରତିରକ୍ଷା ଡିଲ୍ କରିଛି।
