ଭୁବନେଶ୍ଵର, ୧୮/୦୨ : ମଦ ପିଇବାକୁ ଟଙ୍କା ଦେଲାନି ବୋଲି ଜେଜେମାଆର ତଣ୍ଟି ଉପରେ ଠିଆ ହୋଇଗଲା ନାତି। ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା ବାଲିସାହିରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ। ଅଭିଯୁକ୍ତକୁ ଅଟକ ରଖି ତଦନ୍ତ କରୁଛି ପୋଲିସ।
ସୂଚନାନୁଯାୟୀ, କଙ୍କଡ଼ାହାଡ଼ ଥାନା ବାଲିସାହିର ଶ୍ରୀମତି ଦଣ୍ଡପାଟ ଘରେ ଥିବା ବେଳେ ନାତି ଲିକୁ ସିଂହ ମଦ ପିଇବାକୁ ଟଙ୍କା ମାଗିଥିଲା। ଜେଜେମାଆ ବାରଣ କରିବାରୁ ଲିକୁ ତାଙ୍କୁ ମାଡ଼ ମାରିବା ସହ ତଣ୍ଟି ଉପରେ ଠିଆ ହୋଇଯାଇଥିଲା। ଏହି ସମୟରେ ଲିକୁର ମାଆ ବାରଣ କରିବାରୁ ତାଙ୍କୁ ମଧ୍ୟ ମାଡ଼ ମାରିଥିଲା। ତେବେ ଘଟଣାସ୍ଥଳରେ ଜେଜେମାଆର ମୃତ୍ୟୁ ହୋଇଥିଲା। ଖବର ପାଇ କଙ୍କଡ଼ାହାଡ଼ ପୋଲିସ ଅଭିଯୁକ୍ତ ଲିକୁ ସିଂହକୁ ଅଟକ ରଖିଛି। ଘଟଣା ସ୍ଥଳରେ କାମାକ୍ଷାନଗର ଏସଡିପିଓ ଜ୍ଞାନରଞ୍ଜନ ମିଶ୍ର, ଜିଲ୍ଲା ସାଇଣ୍ଟିଫିକ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
ଏହି ଖବରଟିକୁ ପଢନ୍ତୁ-ବାଇକ୍କୁ ଧକ୍କା ଦେଇ ଡିଭାଇଡର ଉପରକୁ ଚଢିଗଲା ଗୋରୁ ବୋଝେଇ ଟ୍ରେଲର, ୩୪ ଗୋରୁ ଉଦ୍ଧାର
