ବେଙ୍ଗାଲୁରୁ: ଗୁଜୁରାଟ ଟାଇଟନ୍ସ (ଜିଟି) ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁକୁ ୮ ୱିକେଟରେ ପରାସ୍ତ କରିଛି। ଏହି ମ୍ୟାଚ୍ରେ ଜସ୍ ବଟଲର୍ ଚମତ୍କାର ପ୍ରଦର୍ଶନ କରିଥିଲେ। ସେ ୩୯ ବଲରେ ଅପରାଜିତ ୭୩ ରନ୍ କରିଥିଲେ। ବଟଲରଙ୍କ ଇନିଂସରେ ୬ଟି ଛକା ଏବଂ ୫ଟି ଚୌକା ସାମିଲ ଥିଲା। ରଦରଫୋର୍ଡ ଅପରାଜିତ ୩୦ ରନ କରିଥିଲେ। ସାଇ ସୁଦର୍ଶନ ୪୯ ରନର ଏକ ଚମତ୍କାର ଇନିଂସ ଖେଳିଥିଲେ। ଆରସିବି ଗୁଜରାଟକୁ ୧୭୦ ରନର ଟାର୍ଗେଟ ଦେଇଥିଲା। ଜବାବରେ ଗୁଜରାଟ ୧୭.୫ ଓଭରରେ ମ୍ୟାଚ୍ ଜିତି ନେଇଥିଲା।
ଆରସିବି ବିପକ୍ଷ ମ୍ୟାଚ୍ରେ ୧୭୦ ରନ୍ର ଟାର୍ଗେଟକୁ ପିଛା କରୁଥିବା ବେଳେ, ଗୁଜରାଟ ଟାଇଟନ୍ସ ଦଳୀୟ ସ୍କୋର ୩୨ ରନ୍ରେ ଶୁଭମନ ଗିଲ୍ ମାତ୍ର ୧୪ ରନ୍ କରି ଆଉଟ୍ ହୋଇଥିଲେ। ପରେ ସାଇ ସୁଦର୍ଶନଙ୍କୁ ଜସ୍ ବଟଲରଙ୍କ ସମର୍ଥନ ମିଳିଥିଲା ଏବଂ ସେମାନେ ମିଶି ପ୍ରଥମ ୬ ଓଭରରେ ଦଳର ସ୍କୋରକୁ ୪୨ ରନରେ ପହଞ୍ଚାଇଥିଲେ। ଏହା ପରେ ଦ୍ବିତୀୟ ୱିକେଟ ପାଇଁ ଉଭୟଙ୍କ ମଧ୍ୟରେ ୪୭ ବଲରେ ୭୫ ରନର ଭାଗୀଦାରି ଦେଖିବାକୁ ମିଳିଥିଲା। ସାଇ ସୁଦର୍ଶନ ୩୬ ବଲ୍ରେ ୪୯ ରନ୍ କରି ଆଉଟ୍ ହୋଇଥିଲେ । ବଟଲର୍ ଶେଷ ପର୍ଯ୍ୟନ୍ତ ବ୍ୟାଟିଂ କରିଥିଲେ ଏବଂ ଦଳକୁ ବିଜୟୀ କରାଇଥିଲେ।
ଏହି ମ୍ୟାଚ୍ରେ, ଗୁଜରାଟ ଟାଇଟନ୍ସ ଦଳର ବୋଲରମାନେ ମଧ୍ୟ ଭଲ ପ୍ରଦର୍ଶନ କରିଥିଲେ । ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ୮ ୱିକେଟ୍ ନେବାରେ ସଫଳ ହୋଇଥିଲେ। ପାୱାରପ୍ଲେରେ ହିଁ RCB ତିନୋଟି ୱିକେଟ ହରାଇଥିଲା । ଏହା ପରେ ଲିଆମ୍ ଲିଭିଂଷ୍ଟୋନ୍ ୫୪ ରନ କରିଥିଲେ । ଫଳରେ ଆରସିବିର ସ୍କୋର ୧୬୯ରେ ପହଞ୍ଚି ପାରିଥିଲା । ଜିତେଶ ଶର୍ମା ୩୩ ଏବଂ ଟିମ୍ ଡେଭିଡ୍ ୩୨ ରନ କରିଥିଲେ। ଗୁଜରାଟ ପକ୍ଷରୁ ମହମ୍ମଦ ସିରାଜ ତିନୋଟି ୱିକେଟ୍ ନେଇଥିବା ବେଳେ ସାଇ କିଶୋର ଦୁଇଟି ୱିକେଟ୍ ନେଇଥିଲେ। ଏହା ବ୍ୟତୀତ ଅର୍ଶଦ ଖାନ, ପ୍ରସିଦ୍ଧ କୃଷ୍ଣ ଏବଂ ଇଶାନ୍ତ ଶର୍ମା ମଧ୍ୟ ଗୋଟିଏ ଲେଖାଏଁ ୱିକେଟ୍ ନେବାରେ ସଫଳ ହୋଇଥିଲେ।
