ନୂଆଦିଲ୍ଲୀ,୩/୫ : ଭାରତର ପ୍ରସିଦ୍ଧ କବାଡ଼ି ଖେଳାଳୀ ଦୀପକ ହୁଡ୍ଡାଙ୍କ ନାଁରେ ମାମଲା ରୁଜୁ । ଦୀପକଙ୍କ ଉପରେ ତାଙ୍କ ସ୍ତ୍ରୀ ସ୍ବିଟୀ ବୁରା ଗମ୍ଭୀର ଅଭିଯୋଗ ଲଗାଇଛନ୍ତି । ହୁଡ୍ଡା ଭାରତ ଲାଗି ଏସୀୟ କ୍ରୀଡ଼ାରେ କାସ୍ୟଂ ପଦକ ଜିତି ସାରିଛନ୍ତି । ସେହିଭଳି ତାଙ୍କ ସ୍ତ୍ରୀ ସ୍ବିଟୀ ଅର୍ଜୁନ ପୁରସ୍କାର ଜିତିଛନ୍ତି । ଏହାସହ ସେ ବକ୍ସିଂରେ ପୂର୍ବତନ ବିଶ୍ବ ଚାମ୍ପିୟନ୍ସ ମଧ୍ୟ ରହି ସାରିଛନ୍ତି । ଏବେ ସ୍ବିଟୀ ହୁଡ୍ଡା ଏବଂ ତାଙ୍କ ପରିବାର ଉପରେ ଯୌତୁକ ଲାଗି ମାରପିଟ୍ କରିବାର ଅଭିଯୋଗ ଲଗାଇଛନ୍ତି । ଉଭୟେ ୨୦୨୨ରେ ବିବାହ କରିଥିଲେ ।
ସ୍ବିଟୀ ହରିୟାଣାର ହିସାରରେ ହୁଡ୍ଡାଙ୍କ ବିରୁଦ୍ଧରେ ମାମଲା ରୁଜୁ କରିଛନ୍ତି । ଯେଉଁଠାରେ ମହିଳା ଥାନାର ଏସଏଚଓ ସୀମା କହିଛନ୍ତି କି, ସ୍ବିଟୀ ବୁରାଙ୍କ ଦ୍ବାରା ନିଜ ସ୍ବାମୀ ଦୀପକ ହୁଡ୍ଡାଙ୍କ ବିପକ୍ଷରେ ଦିଆଯାଇଥିବା ଅଭିଯୋଗ ଆଧାରରେ ୨୫ଫେବୃଆରୀରେ ମାମଲା ରୁଜୁ କରାଯାଇଛି । ଯେତେବେଳେ ତାଙ୍କୁ ପଚରାଉଚରା କରାଯାଇଥିଲା କି କ’ଣ ହୁଡ୍ଡାଙ୍କୁ ନିଜ ପକ୍ଷ ରଖିବା ଲାଗି କୁହାଯାଇଥିଲା ତ ସୀମା କହିଥିଲେ କି, ଆମେ ତାଙ୍କୁ ଦୁଇ-ତିନି ଥର ନୋଟିସ ଦେଇଥିଲୁ କିନ୍ତୁ ସେ ଆସିନଥିଲେ । ’ ପିଟିଆଇର ସୂଚନା ମୁତାବକ ଯେତେବେଳେ ହୁଡ୍ଡାଙ୍କୁ ପଚରାଯାଇଥିଲା କି ସେ ଥାନାରେ କ’ଣ ପାଇଁ ପହଞ୍ଚିଥିଲେ । ସେତେବେଳେ ସେ ନିଜକୁ ବଞ୍ଚାଇବା ଲାଗି କହିଥିଳେ କି ଏହି ଅଭିଯୋଗ ପରେ ତାଙ୍କ ସ୍ବାସ୍ଥ୍ୟ ଉପରେ ପ୍ରଭାବ ପକାଇଥିଲା । ଯେଉଁ କାରଣରୁ ସେ ଥାନାକୁ ଯାଇପାରିନଥିଲେ । ମାତ୍ର ସେ କହିଥିଲେ କି ସେ ଥାନାକୁ ନିଶ୍ଚିତ ଯିବେ ।
