ସଭିଁଙ୍କ ଜୀବନରେ ବିବାହ ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ। ଯଦି ଜଣକୁ ନିଜର ପ୍ରିୟ ଜୀବନ ସାଥୀ ମିଳିଯାଏ, ତେବେ ସେହି ବ୍ୟକ୍ତିର ଅନେକ ସମସ୍ୟା ସହଜ ହୋଇଯାଏ। କିନ୍ତୁ ଆପଣ ଜାଣନ୍ତି କି ଜ୍ୟୋତିଷ ଶାସ୍ତ୍ର ଅନୁସାରେ , ହାତ ପାପୁଲିରେ ଏପରି ରେଖା ଥାଏ। ଯାହା ଆପଣଙ୍କ ବୈବାହିକ ଜୀବନ ସହିତ ଜଡ଼ିତ । ପାପୁଲିରେ ଥିବା ଏହି ବିଶେଷ ରେଖାକୁ ଦେଖି ଜାଣି ପାରିବେ ପ୍ରେମ ଏବଂ ବିବାହ ଦୃଷ୍ଟିରୁ ଆପଣ କେତେ ଭାଗ୍ୟବାନ । ତେବେ ଆସନ୍ତୁ ଜାଣିବା ।
ଜ୍ୟୋତିଷ ଶାସ୍ତ୍ର ଅନୁଯାୟୀ, ଛୋଟ ବା କାଣି ଆଙ୍ଗୁଠି ତଳେ ଥିବା ରେଖାଗୁଡ଼ିକୁ ପ୍ରେମ ରେଖା ବା ବିବାହ ରେଖା କୁହାଯାଏ। ଆଉ ଏହି ରେଖାରୁ ଆପଣଙ୍କ ପ୍ରେମ ସମ୍ପର୍କ ଓ ବୈବାହିକ ଜୀବନ ବିଷୟରେ ଜଣାପଡ଼ିଥାଏ । ଶାସ୍ତ୍ର ଅନୁଯାୟୀ, ଆପଣଙ୍କ ହାତରେ ଥିବା ରେଖାଗୁଡ଼ିକ ଆପଣଙ୍କ ପ୍ରେମ ଜୀବନ ବିଷୟରେ ଅନେକ କିଛି କହିପାରେ । ମଙ୍ଗଳ ଏବଂ ବୁଦ୍ଧ ପର୍ବତରେ ଯଦି ଆପଣଙ୍କର ଏକାଧିକ ରେଖା ଅଛି, ତେବେ ଆପଣଙ୍କ ପ୍ରେମ ଜୀବନରେ ଅସୁବିଧା ହୋଇପାରେ । ଅଲଗା ହେବାର ମଧ୍ୟ ସମ୍ଭାବନା ରହିଛି ।
ସେହିପରି ଯଦି ବିବାହ ରେଖା ସୂର୍ଯ୍ୟ ରେଖାକୁ ସ୍ପର୍ଶ କରେ, ତେବେ ଆପଣଙ୍କ ବିବାହ ଏକ ଧନୀ ପରିବାରରେ ହେବାର ଯୋଗ ରହିଛି । ଯଦି ବିବାହ ରେଖା ଦୁଇ ଭାଗରେ ବିଭକ୍ତ ତେବେ ତାହା ଛାଡପତ୍ରକୁ ସୂଚିତ କରେ । ସେହିପରି ଯଦି ଆପଣଙ୍କ ବିବାହ ରେଖା ଅଙ୍କାବଙ୍କା ରହିଛି। ତେବେ ଏହାର ଅର୍ଥ ଆପଣଙ୍କ ବିବାହ କିମ୍ବା ପ୍ରେମ ସଂପର୍କରେ ଅନେକ ଉତ୍ଥାନ-ପତନ ଦେଖାଦେଇପାରେ । କିନ୍ତୁ ଯଦି ଆପଣଙ୍କର ବିବାହ ରେଖା ପରିଷ୍କାର ଏବଂ ଗଭୀର ରହିଛି । ତେବେ ଏହାର ଅର୍ଥ ହେଉଛି ଆପଣ ବୈବାହିକ ଜୀବନ ସମ୍ପୂର୍ଣ୍ଣ ଭଲ ରହିବ ।
