ମୁମ୍ୱାଇ : ଟିଭି ଅଭିନେତ୍ରୀ ହିନା ଖାନ କ୍ୟାନସରରେ ପୀଡ଼ିତ। ହିନା ଖାନ ଅନେକ ସମୟରେ ନିଜର ଇନଷ୍ଟାଗ୍ରାମ ମାଧ୍ୟମରେ ନିଜର ପ୍ରଶଂସକଙ୍କୁ ନିଜର ସ୍ୱାସ୍ଥ୍ୟ ସଂପର୍କିତ ଅପଡେଟ୍ ଦେଇଥାନ୍ତି। କିଛି ଦିନ ପୂର୍ବେ ହିନା ଖାନ ହସ୍ପିଟାଲରୁ ନିଜର ଫଟୋ ସେୟାର କରିଥିଲେ। ଏବେ ସେ ଆଉ ଏକ ପୋଷ୍ଟ ସେୟାର କରିଛନ୍ତି। ହିନା ଖାନ ହସ୍ପିଟାଲରୁ ଫେରି ଆସିଛନ୍ତି ଏବଂ ସେ ନିଜର ଫଟୋ ସେୟାର କରି ନିଜର ହେଲଥ୍ ବିଷୟରେ କହିଛନ୍ତି। ସେ କହିଛନ୍ତି ଗତ ୧୫-୨୦ ଦିନ ତାଙ୍କ ପାଇଁ ଖୁବ୍ ମୁସ୍କିଲ ଥିଲା।
ହିନା ଖାନ ଯେଉଁ ଲାଟେଷ୍ଟ ପୋଷ୍ଟ ସେୟାର କରିଛନ୍ତି, ଏଥିରେ ସେ ବ୍ଲାକ୍ କ୍ୟାପ୍ ପିନ୍ଧି ଥିବାର ନଜର ଆସୁଛି। ସେ ନୀଳ ରଙ୍ଗର ଶାଲ ଢାଙ୍କି ହୋଇଛନ୍ତି। ହିନା ଖାନ ହାତରେ କଫି ମଗ୍ ଧରିଛନ୍ତି। ହିନା ଖାନ ଅନେକ ଗୁଡ଼ିଏ ଫଟୋ ସେୟାର କରି ଏକ ପୋଷ୍ଟ ଲେଖିଛନ୍ତି। ସେ ଲେଖିଛନ୍ତି ଯେ, ୧୫-୨୦ ଦିନ ତାଙ୍କ ପାଇଁ ଶାରୀରିକ ଓ ମାନସିକ ଅବସ୍ଥା ଖୁବ୍ ସମସ୍ୟାରେ ଥିଲା।
ହିନା ଖାନ ଲେଖିଛନ୍ତି – ଗତ ୧୫-୨୦ ଦିନ ମୋ ପାଇଁ ଶାରୀରିକ ଓ ମାନସିକ ଭାବେ ଖୁବ୍ କଠିନ ଥିଲା। ବିପଦ ଆସିଥିଲା। ମୁଁ ଭୟଶୂନ୍ୟ ହୋଇ ତାର ସାମ୍ନା କରିଛି। ମୁଁ ଏହି ବିପଦ ଆଗରେ କେମିତି ମୁଣ୍ଡ ନୁଆଁଇ ପାରିବି ...ମୁଁ ତା ସହ ଲଢିଲି ଓ ଏବେ ଲଢୁଛି। ସବୁ ଯନ୍ତ୍ରଣାରୁ ବାହାରିବା ପାଇଁ ମୋତେ ପଜିଟିଭ୍ର ଅନୁଭବକୁ ଜାରି ରଖିବା ପାଇଁ ହସ ହସ ମୁଖରେ ବାଲାନ୍ସ ଜାରି ରଖିବାର ଆବଶ୍ୟକ ରହିଛି ...ଏହି ଆଶା କି ପ୍ରକୃତ ଖୁସି ଆସିବ । ମୁଁ ତାହା କରି ଦେଖାଇଛି।
ହିନା ଲେଖିଛନ୍ତି , ଏହା ମୋର ବାର୍ତ୍ତା ଆପଣ ସମସ୍ତଙ୍କ ପାଇଁ ଓ ନିଜ ପାଇଁ ... କେବଳ ଏହା କହିବାରେ ଜୀବନ ଚାଲେ ନାହିଁ କି ଚାଲିଥାଏ ତ , ଆମର ପରିସ୍ଥିତି ଯାହା ବି ହୋଇଥାଉ, ଆମକୁ ପ୍ରତିଦିନ ଥରକୁ ଥର ପସନ୍ଦ କରିବାକୁ ହେବ। ଆଶା ଆପଣ ନିଜ ଜୀବନରେ ଯାହା ବି ମୁସ୍କିଲ ଦେଇ ଗତି କରୁଛନ୍ତି , ଆପଣଙ୍କୁ ମଧ୍ୟ ଏମିତି ଶକ୍ତି ମିଳିଛି। ଆଶା ଆମେ ସବୁ ବିଜୟୀ ହେବା।
ହିନା ଖାନଙ୍କର ଏହି ପୋଷ୍ଟରେ ତାଙ୍କର ପ୍ରଶଂସକ ଖୁବ୍ ଭଲ ପାଇବା ଦେଇଛନ୍ତି। ଜଣେ ଫ୍ୟାନ୍ ଲେଖିଛନ୍ତି ଯେ, ଆପଣଙ୍କର ଆଗାମୀ ପୋଷ୍ଟ ହେବ କି, ଆପଣ କ୍ୟାନସରକୁ ହରାଇ ଦେଇଛନ୍ତି। ଆଉ ଜଣେ ପ୍ରଶଂସକ ଲେଖିଛନ୍ତି , ଆପଣ ଜଣେ ପ୍ରେରଣା। ଅନ୍ୟ ଜଣେ ୟୁଜର ଲେଖିଛନ୍ତି କି ଆପଣ ମୋର ରୋଲ୍ ମଡେଲ , କ୍ୟୁଟ୍ ଶେରନି ଖାନ।
