ଜଗତସିଂହପୁର : ଜଗତସିଂହପୁରର ବଡବାଗ ଗାଁରେ ବାଣ ବିସ୍ଫୋରଣ। ଏହି ବିସ୍ଫୋରଣରେ ଏକ କୋଠା ଘର ଭୁଶୁଡ଼ି ପଡ଼ିଛି। ପରିବାରର ଜଣଙ୍କର ମୃତ୍ୟୁ ହେବା ସହ ଆଉ ଜଣେ ଭଙ୍ଗା ଛାତ ତଳେ ଚାପି ହୋଇ ରହିଥିବା ସନ୍ଦେହ କୁହାଯାଉଛି। ଦୁଇ ଗୁରୁତରଙ୍କୁ ଉଦ୍ଧାର କରି ହସ୍ପିଟାଲ ନିଆ ଯାଇଛି ଏବଂ ଏହି ଘରେ ଦୁଇ ଭାଇ ଓ ସେମାନଙ୍କ ପତ୍ନୀ ରହୁ ଥିଲେ।
ଖବର ପାଇ ତୁରନ୍ତ ଅଗ୍ନିଶମ ବାହିନୀ ଆସି ଉଦ୍ଧାର କାର୍ଯ୍ୟ ଜାରି ରଖିଛି। ଉଦ୍ଧାର କାର୍ଯ୍ୟର ତଦାରଖ କରୁଛନ୍ତି ଏସପି। ଭଙ୍ଗା ଛାତ ଉଠାଇବାକୁ ଜଗ୍ର ନିଆଯାଉଛି ସହାୟତା। ସଂପୃକ୍ତ ଅଞ୍ଚଳରେ ଦୁଃଖର ଛାୟା ଖେଳି ଯାଇଛି। ପରିବେଶ ଶୋକାକୁଳ ହୋଇ ଯାଇଛି। ଅନେକ ଲୋକଙ୍କ ଗହଳି ଲାଗିଛି। ଅଗ୍ନିଶମ ବାହିନୀ ଓ ସ୍ଥାନୀୟ ଲୋକଙ୍କ ଦ୍ୱାରା ଉଦ୍ଧାର କାର୍ଯ୍ୟକୁ ଜୋରସୋରରେ କରାଯାଉଛି।
