ଘଷିପୁରା,୨୮/୦୬: ଲଗାଣ ବର୍ଷାରେ ଭାଙ୍ଗିଲା ଘର । ଭିଜିଲା ଜିନିଷ ପତ୍ର । ଲଘୁଚାପ ଜନିତ ଲଗାଣ ବର୍ଷା ଯୋଗୁଁ କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ କୋଳିମାଟି ପଞ୍ଚାୟତ ନୂଆପଡା ଗ୍ରାମରେ ୨ ଜଣଙ୍କ ଘର ଭାଙ୍ଗି ଯାଇଛି । ତୁରନ୍ତ ପ୍ରଶାସନ ସ୍ତରରେ ତଦନ୍ତ କରାଯାଇ ଥଇଥାନ ପାଇଁ ଦାବି ହେଉଛି ।
ସୂଚନା ମୁତାବକ, ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ଆନନ୍ଦପୁର ବ୍ଲକ କୋଳିମାଟି ପଞ୍ଚାୟତ ନୂଆପଡା ଗାଁରେ ଦୁଇ ଜଣଙ୍କ ଘର ଭାଙ୍ଗିଯାଇଛି । ଦର୍ଶନିଆ ମହାକୁଡ଼ ଓ ନରୋତ୍ତମ ମହାରଣାଙ୍କ ଘର ଭାଙ୍ଗି ଯାଇଛି । ଭଗବାନଙ୍କ କୃପାରୁ ସେହି ସମୟରେ ସେମାନେ ଘର ବାହାରକୁ ଆସି ଯିବାରୁ ଜୀବନ ବଞ୍ଚି ଯାଇଛି । ଘରର ଜିନିଷ ପତ୍ର ସହ ଧାନ ଚାଉଳ ଭିଜିଯାଇଛି । ଶୁକ୍ରବାର ରାତିରୁ ଆନନ୍ଦପୁର ଅଞ୍ଚଳରେ ଲଗାଣ ବର୍ଷା ଲାଗି ରହିଛି । ତୁରନ୍ତ ପ୍ରଶାସନ ସ୍ତରରେ ତଦନ୍ତ କରାଯାଇ ଥଇଥାନ ପାଇଁ ଦାବି ହେଉଛି ।
