ରାଉରକେଲା,୧୯/୦୬: ନକଲି ବିଦେଶୀ ମଦ ଜବତ କରିଛି ଅବକାରୀ ଦଳ । ମଦ ବୋଝେଇ ଦୁଇଟି କାର୍କୁ ଜବତ କରିବା ସହ ୨ଜଣ ମଦ ମାଫିଆ ଏବଂ ଜଣେ ଚାଲାଣକାରୀଙ୍କୁ ଗିରଫ କରାଯାଇଥିବା ଅବକାରୀ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
ସୂଚନା ମୁତାବକ, ୨ ଜଣ ମଦ ମାଫିଆ ଦୁଇଟି କାର୍ ଯୋଗେ ଝାଡ଼ଖଣ୍ଡରୁ ନକଲି ବିଦେଶୀ ମଦ ରାଉରକେଲା ଆଣି ସେକ୍ଟର ୧୯ ସ୍ଥିତ ମୁଣ୍ଡା ମାର୍କେଟଠାରେ ସହଯୋଗୀ ଚାଲାଣକାରୀଙ୍କୁ ଅପେକ୍ଷା କରିଥିଲେ । ଏ ସମ୍ପର୍କରେ ଅବକାରୀ ଇନ୍ସପେକ୍ଟର କୌଣସି ସୂତ୍ରରୁ ଖବର ପାଇଥିଲେ । ଖବର ପାଇବା ପରେ ଟିମ୍ ସହ ସେହି ମାର୍କେଟରେ ଚଢ଼ାଉ କରି ମଦ ବୋଝେଇ ୨ କାର୍କୁ ଜବତ କରିଥିଲେ । ଏହା ସହ ୨ ଜଣ ମଦ ମାଫିଆଙ୍କୁ ଗିରଫ କରିଥିଲେ । ୨ମାଫିଆଙ୍କ ବୟାନ ଅନୁସାରେ ଚାଲାଣକାରୀଙ୍କୁ ମଧ୍ୟ ଗିରଫ କରାଯାଇଛି ।
