ନୂଆଦିଲ୍ଲୀ,୧୬/୦୮: ବିଶ୍ୱର ପ୍ରଥମ ମାନବୀୟ ରୋବୋଟ୍ ଖେଳ ଆରମ୍ଭ ହୋଇଛି । ଚୀନର ବେଜିଂରେ ଆରମ୍ଭ ହୋଇଛି ରୋବୋଟ ଅଲମ୍ପିକ । ଏଥିରେ ୧୬ ଦେଶର ୨୮୦ ଦଳରୁ ୫୦୦ରୁ ଅଧିକ ମାନବୀୟ ରୋବୋଟ୍ ଫୁଟବଲ୍ ଏବଂ ବକ୍ସିଂଠାରୁ ଆରମ୍ଭ କରି ୨୬ଟି ପ୍ରତିଯୋଗିତାରେ ଭାଗ ନେଇଛନ୍ତି । ୩ ଦିନିଆ ପ୍ରତିଯୋଗିତା ଗୁରୁବାର ସନ୍ଧ୍ୟାରେ ଚୀନର ବେଜିଂରେ ଆରମ୍ଭ ହୋଇଛି । ବିଶ୍ୱ ମାନବୀୟ ରୋବୋଟ୍ ଖେଳ କୃତ୍ରିମ ବୁଦ୍ଧିମତ୍ତା ଏବଂ ରୋବୋଟିକ୍ସରେ ଅଗ୍ରଗତି ଉପରେ ଗୁରୁତ୍ୱ ଦେଇଛି ।
ରୋବୋଟଗୁଡ଼ିକ ଫୁଟବଲ୍, ଟ୍ରାକ୍ ଆଣ୍ଡ୍ ଫିଲ୍ଡ ଏବଂ ଟେବୁଲ୍ ଟେନିସ୍ ଭଳି କ୍ରୀଡାରେ ପ୍ରତିଯୋଗିତା କରିଛନ୍ତି । ବହୁଚ୍ୟାଲେଞ୍ଜର ମୁକାବିଲା କରିଛନ୍ତି । ଆମେରିକା, ଜର୍ମାନୀ ଏବଂ ବ୍ରାଜିଲ ସମେତ ଦେଶର ୧୯୨ ବିଶ୍ୱବିଦ୍ୟାଳୟ ଏବଂ ୮୮ ଘରୋଇ ଉଦ୍ୟୋଗର ପ୍ରତିନିଧିତ୍ୱ କରୁଛନ୍ତି । ୟୁନିଟାରୀ ଏବଂ ଫୁରିୟର ଭଳି ଚୀନ୍ କମ୍ପାନୀର ରୋବୋଟ ମଧ୍ୟ ପ୍ରତିଯୋଗୀଙ୍କ ମଧ୍ୟରେ ଅଛନ୍ତି ।
ଫୁଟବଲ୍ ମ୍ୟାଚ୍ ସମୟରେ, ରୋବୋଟ୍ ପରସ୍ପର ସହିତ ଧକ୍କା ହୋଇ ବାରମ୍ବାର ପଡ଼ିଯାଉଥିବା ଦେଖିବାକୁ ମିଳିଥିଲା । କୋଟ୍ରେ ଦୌଡିବା ସମୟରେ ରୋବୋଟ୍ ମଧ୍ୟ ପଡ଼ିଯାଉଥିଲେ । ସବୁଠାରୁ ଦ୍ରୁତ ରୋବୋଟ୍ ମଧ୍ୟରୁ ଗୋଟିଏ ୧,୫୦୦ ମିଟର ଦୌଡ଼ ୬:୨୯:୩୭ ସମୟରେ ସମାପ୍ତ କରିଥିଲା ଯାହା ବର୍ତ୍ତମାନର ମାନବ ରେକର୍ଡ ୩:୨୬:୦୦ ଠାରୁ ବହୁତ କମ୍ । ୨୦୨୨ ଶୀତକାଳୀନ ଅଲିମ୍ପିକ୍ସ ପାଇଁ ନିର୍ମିତ ବେଜିଂର ନ୍ୟାସନାଲ୍ ସ୍ପିଡ୍ ସ୍କେଟିଂ ଓଭାଲ୍ରେ ମାନବୀୟ ଖେଳ ପାଇଁ ଟିକେଟ୍ ୧୮୦ ୟୁଆନ୍ରୁ ୫୮୦ ୟୁଆନ୍ ପର୍ଯ୍ୟନ୍ତ ଥିଲା ।
'ଜିତିବା ସବୁକିଛି ନୁହେଁ'- "ଆମେ ଏଠାକୁ ଖେଳିବା ଏବଂ ଜିତିବା ପାଇଁ ଆସିଛୁ। କିନ୍ତୁ ଆମେ ଗବେଷଣାକୁ ନେଇ ମଧ୍ୟ ଆଗ୍ରହୀ । ଏହି ପ୍ରତିଯୋଗିତାରୁ ନୂଆ ଏବଂ ରୋମାଞ୍ଚକର ପଦ୍ଧତି ପରୀକ୍ଷା କରିପାରିବେ। ଯଦି ଆମେ କିଛି ଚେଷ୍ଟା କରୁ ଏବଂ ଏହା କାମ କରେ ନାହିଁ, ତେବେ ଆମେ ଖେଳ ହାରିଯାଉ । ଜିତିବା ସବୁକିଛି ନୁହେଁ ବୋଲି କହିଛନ୍ତି ଏଚଟିଡବ୍ଲୁକେ ଜର୍ମାନୀ ରୋବୋଟ ଫୁଟବଲ ଟିମ୍ ସଦସ୍ୟ ମ୍ୟାକ୍ସ ପୋଲଟର କହିଛନ୍ତି ।
