ବାଙ୍ଗିରିପୋଷି,୧୪/୧୧: ସାମାନ୍ୟ ଟଙ୍କା ପାଇଁ ସ୍ତ୍ରୀକୁ ମାରିଲା ସ୍ବାମୀ। କୁରାଢିରେ ନିର୍ଘାତ ପିଟିବାରୁ ଘଟଣା ସ୍ଥଳରେ ମୃତ୍ୟୁ । ମୃତ ସ୍ତ୍ରୀ ଶାଳଘାଟି ଗ୍ରାମର କୌଶଲ୍ୟା ଦେହୁରୀ (୩୫) ଏବଂ ହତ୍ୟାକାରୀ ସ୍ବାମୀ ହେଉଛନ୍ତି ପଦନ ଦେହୁରୀ (୪୫)ବୋଲି ଜଣାପଡ଼ିଛି । ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅନ୍ତର୍ଗତ ବ୍ରାହ୍ମଣଗାଁ ପଞ୍ଚାୟତର କଦମଡିହା ଗ୍ରାମ ନିକଟରେ ଏଭଳି ଘଟଣା ଘଟିଛି।
ସୂଚନା ମୁତାବକ, ଉଭୟ କୌଣସି କାର୍ଯ୍ୟ ନେଇ ନିକଟସ୍ଥ ଗ୍ରାମ କଦମଡିହା ଗ୍ରାମକୁ ଯାଇଥିଲେ । ସେଠାରେ ସାମାନ୍ୟ କିଛି ଟଙ୍କା ପାଇଁ ଦୁଇ ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏଥିରେ ଉତକ୍ଷିପ୍ତ ହୋଇ ପଦନ ଧରିଥିବା ଏକ କୁରାଢିରେ କୌଶଲ୍ୟାକୁ ଆକ୍ରମଣ କରିବାରୁ ଘଟଣା ସ୍ଥଳରେ ହିଁ ସେ ଟଳି ପଡ଼ିଥିଲେ । ସ୍ତ୍ରୀର ମୃତ୍ୟୁ ପରେ ସେ ଘଟଣା ସ୍ଥଳରେ ବସି ରହିଥିବା ବେଳେ ସ୍ଥାନୀୟ ଗ୍ରାମବାସୀ ତାଙ୍କୁ ଅଟକ ରଖି ପୁଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବାଙ୍ଗିରିପୋଷି ପୋଲିସ ପହଞ୍ଚି ହତ୍ୟାକାରୀ ସ୍ବାମୀକୁ ଗିରଫ କରିବା ସହ ତଦନ୍ତ ଜାରି ରଖିଛି ।
