ନୂଆଦିଲ୍ଲୀ, ୨୧/୦୭ : କ୍ୟାସ୍ ସ୍କାଣ୍ଡାଲରେ ଫଶିଥିବା ଜଷ୍ଟିସ୍ ଯଶବନ୍ତ ବର୍ମାଙ୍କ ପାଇଁ ବଢ଼ୁଛି ଅଡ଼ୁଆ । ବିଚାରପତିଙ୍କ ବିରୋଧରେ ମହାଭିଯୋଗ ପ୍ରସ୍ତାବ ପାରିତ ପ୍ରକ୍ରିୟା ଆରମ୍ଭ । ଆଜିଠୁ ମୌସୁମୀ ଅଧିବେଶନ ଆରମ୍ଭ ହୋଇଥିବା ବେଳେ ସାଂସଦଙ୍କ ସମର୍ଥନ ଲୋଡିଛନ୍ତୁ ସରକାର । ବର୍ତ୍ତମାନ ସୁଦ୍ଧା ୨୦୯ଜଣ ସାଂସଦଙ୍କ ସମର୍ଥନ ମିଳିଛି । ଏଥିରେ ଲୋକସଭାରୁ ୧୪୫ଜଣ ରହିଥିବା ବେଳେ ରାଜ୍ୟସଭାର ୬୩ଜଣ ସାଂସଦ ଜଷ୍ଟିସ୍ ଯଶବନ୍ତ ବର୍ମା ବିରୋଧରେ ହସ୍ତାକ୍ଷର କରିଛନ୍ତି ।
ଲୋକସଭା ଅଧ୍ୟକ୍ଷ ଓମ ବିର୍ଲା ଏବଂ ରାଜ୍ୟସଭା ସଭାପତି ଜଗଦୀପ ଧନକଡ଼ଙ୍କୁ ସାଂସଦଙ୍କ ଦ୍ବାରା ଦିଆଯାଇଥିବା ସମର୍ଥନ ପତ୍ରକୁ ପ୍ରଦାନ କରାଯାଇଛି । ଏହା ପରେ ବିଚାରପତିଙ୍କ ବିରୋଧରେ ମହାଭିଯୋଗ କାର୍ଯ୍ୟାନୁଷ୍ଠାନ ଆରମ୍ଭ ହୋଇଯାଇଛି । ସମ୍ବିଧାନର ଅନୁଚ୍ଛେଦ ୧୨୪,୨୧୭ ଏବଂ ୨୧୮ ଅନୁଯାୟୀ, ମହାଭିଯୋଗ ପ୍ରସ୍ତାବରୁ ବିଜେପି, କଂଗ୍ରେସ, ଟିଡିପି, ଜେଡିୟୁ, ସିପିଏମ୍ ସମେତ ବିଭିନ୍ନ ରାଜନୈତିକ ଦଳର ସାଂସଦଙ୍କ ସମର୍ଥନ ମିଳିଛି । ଏହି ପ୍ରସ୍ତାବ ଉପରେ ଅନୁରାଗ ସାଂସଦ ଅନୁରାଗ ଠାକୁର, ବିରୋଧୀ ଦଳ ନେତା ରାହୁଲ ଗାନ୍ଧି, କେନ୍ଦ୍ରମନ୍ତ୍ରୀ ରବିଶଙ୍କର ପ୍ରସାଦ, ପ୍ରିୟଙ୍କା ଗାନ୍ଧି, ରାଜୀବ ପ୍ରତାପ ରୁଡି, ସୁପ୍ରିୟା ସୁଲେ, କେଶି ବେଣୁଗୋପାଳ ଏବଂ ପିପି ଚୌଧୁରୀ ଆଦି ସାଂସଦମାନେ ମହାଭିଯୋଗ ପ୍ରସ୍ତାବ ଉପରେ ହସ୍ତାକ୍ଷର କରିଛନ୍ତି ।
ରାଜ୍ୟସଭା ସଭାପତି ବା ଉପରାଷ୍ଟ୍ରପତି ଜଗଦୀପ ଧନକଡ କହିଛନ୍ତି, ସୁପ୍ରିମକୋର୍ଟଙ୍କ ମୁଖ୍ୟ ନ୍ୟାୟଧୀଶ, ହାଇକୋର୍ଟଙ୍କ ମୁଖ୍ୟ ବିଚାରପତି ଏବଂ ଜଣେ ସଦସ୍ୟଙ୍କୁ ନେଇ ତିନି ସଦସ୍ୟ ବିଶିଷ୍ଟ ଏକ କମିଟି ଗଠନ ହେବ । ଏହି କମିଟିର ରିପୋର୍ଟ ଆସିବା ପରେ ବାଚସ୍ପତି ବା ଚେୟାମ୍ୟାନ ମୋଶନ ନିଷ୍ପତ୍ତି ନିଆଯିବ । ଲୋକସଭାରେ ମୋଶନ ଆସିଛି କି ନାହିଁ ଏହାକୁ ସ୍ପଷ୍ଟ କରିବା ପାଇଁ ଉପରାଷ୍ଟ୍ରପତି ରାଜ୍ୟସଭା ସଚିବ ଏହାକୁ ନେଇ ପ୍ରଶ୍ନ କରିଥିଲେ । କେନ୍ଦ୍ରମନ୍ତ୍ରୀ ଅର୍ଜୁନ ରାମ ମେଘଓ୍ବାଲ ଏହାର ଜବାବରେ କହିଛନ୍ତି, ଲୋକସଭାରେ ସଦସ୍ୟମାନେ ବାଚସ୍ପତିଙ୍କୁ ମୋଶନ ପ୍ରସ୍ତାବ ଦେଇଛନ୍ତି ।
ସମ୍ବିଧାନ ଅନୁଯାୟୀ, ସୁପ୍ରିମକୋର୍ଟ କିମ୍ବା ହାଇକୋର୍ଟର କୌଣସି ନ୍ୟାୟାଧୀଶଙ୍କୁ ହଟାଇବାକୁ ହେଲେ ସର୍ବନିମ୍ନ ଲୋକସଭାର ଶହେ ଏବଂ ରାଜ୍ୟସଭାର ୫୦ ସଦସ୍ୟଙ୍କ ସମର୍ଥନ ଅବଶ୍ୟକ । ତେବେ ଏହି ମହାଭିଯୋଗ ପ୍ରସ୍ତାବକୁ ଗ୍ରହଣ କରାଯିବ କି ନାହିଁ, ଏହାର ନିର୍ଣ୍ଣୟ ଲୋକସଭା ଅଧ୍ୟକ୍ଷ କିମ୍ବା ସଭାପତି ନେବେ ।
ଜଷ୍ଟିସ୍ ଯଶବନ୍ତ ବର୍ମାଙ୍କ ବିରୋଧରେ ଦୁର୍ନୀତିର ଅଭିଯୋଗ ଆସିଛି । ମାର୍ଚ୍ଚ ୧୫ ତାରିଖରେ ଦିଲ୍ଲୀ ସ୍ଥିତ ସରକାରୀ ବାସଭବନରେ ନିଆଁ ଲାଗିବା ପରେ ବିପୁଳ ପରିମାଣ ଟଙ୍କା ଜବତ ହୋଇଥିଲା । ଏହି ସମୟରେ ସେ ଦିଲ୍ଲୀ ହାଇକୋର୍ଟରେ ବିଚାରପତି ଥିଲେ । କ୍ୟାସ୍ ସ୍କାଣ୍ଡାଲରେ ଫଶିବା ପରେ ସୁପ୍ରିମକୋର୍ଟ ଜଷ୍ଟିସ୍ ବର୍ମାଙ୍କୁ ଆହ୍ଲାବାଦ ହାଇକୋର୍ଟକୁ ବଦଳି କରିଥିଲେ । ତାଙ୍କ ନାଁରେ ମହାଭିଯୋଗ ପ୍ରସ୍ତାବ ପାରିତ ହେବା ପରେ ଏବେ ତାଙ୍କ ବିରୋଧରେ ସଂସଦୀୟ ଯାଞ୍ଚ େବ ।...
