ହାଇଦ୍ରାବାଦ, ୨୨/୧ : ‘ଗେମ୍ ଚେଞ୍ଜର’ ଭଳି ପିଲ୍ମକୁ ପ୍ରଡ୍ୟୁସ କରିଥିବା ପ୍ରଯୋଜକ ଦିଲ ରାଜୁଙ୍କ ପରେ ବୁଧବାର ବି ହାଇଦ୍ରାବାଦର କେତେକ ସ୍ଥାନରେ ଆଇଟି ରେଡର ଖବର ସାମ୍ନାକୁ ଆସିଛି । ଏଥିରେ ସବୁଠାରୁ ବଡ଼ ନାଁ ରହିଛି ‘ପୁଷ୍ପା ୨’ର ନିର୍ଦ୍ଦେଶକ ସୁକୁମାରଙ୍କ। ‘ସାକ୍ଷୀ ପୋଷ୍ଟ’ର ରିପୋର୍ଟ ଅନୁସାରେ ବୁଧବାର ସୁକୁମାରଙ୍କ ଘରେ ଏବଂ ଅଫିସରେ ରେଡ କରାଯାଇଛି । ଖାଲି ଏତିକି ନୁହେଁ ଆଇଟି ଅଧିକାରୀ ସୁକୁମାରଙ୍କୁ ହାଇଦ୍ରାବାଦରୁ ତାଙ୍କ ଘର ବି ନେଇଯାଇଥିଲେ ।
ଆଇଟି ରେଡ ବୁଧବାର ସକାଳେ କେତେ ଘଣ୍ଟା ପର୍ଯ୍ୟନ୍ତ ଚାଲିଥିଲା। ରିପୋର୍ଟରେ ଏହା ବି କୁହାଯାଇଛି କି ସୁକୁମାର ହାଇଦ୍ରାବାଦ ଏୟାରପୋର୍ଟରୁ କେଉଁ ଆଡ଼େ ଯାଉଥିଲେ କିନ୍ତୁ ଆଇଟି ବିଭାଗ ତାଙ୍କୁ ଏୟାରପୋର୍ଟରୁ ହିଁ ଉଠାଇ ନେଲେ । ମାତ୍ର ଏବେ ପର୍ଯ୍ୟନ୍ତ ସ୍ପଷ୍ଟ କରାଯାଇନାହିଁ କି ଏହି ରେଡ୍ କାହିଁକି ହୋଇଛି । ପ୍ରକାଶ ଯେ, ନିର୍ଦ୍ଦେଶକ ଏବଂ ଇନକମ ଟ୍ୟାକ୍ସ ଡିପାର୍ଟମେଣ୍ଟ ତରଫରୁ ବୟାନ ସାମ୍ନାକୁ ଆସିନାହିଁ ।
ସୁକୁମାର ନିକଟରେ ଅଲ୍ଲୁ ଅର୍ଜୁନଙ୍କ ‘ପୁଷ୍ପା ୨’କୁ ନେଇ ଚର୍ଚ୍ଚାରେ ଥିଲେ । ତାଙ୍କର ଏହି ଫିଲ୍ମ ବକ୍ସ ଅଫିସରେ ବ୍ଲକ ବଷ୍ଟର ରହିଥିଲା । ଯେଉଁଥିରେ ଅଲ୍ଲୁଙ୍କ ବ୍ୟତୀତ ଫହାଦ ଫାସିଲ ଏବଂ ରଶ୍ମିକା ମନ୍ଦାନା ମୁଖ୍ୟ ଭୂମିକାରେ ଥିଲେ । ଫିଲ୍ମ ବକ୍ସ ଅଫିସରେ ୧୮୦୦କୋଟିରୁ ଅଧିକର ବ୍ୟବସାୟ ବି କରିଥିଲା ।
୨୧ଜାନୁଆରୀ ମଙ୍ଗଳବାର ବି ଇନକମ୍ ଟ୍ୟାକ୍ସ ତରଫରୁ ରେଡର ଖବର ସାମ୍ନାକୁ ଆସିଥିଲା । ଯେଉଁଥିରେ ଜଣାପଡ଼ିଥିଲା କି ବିଭାଗର ୫୫ଟିମ୍ ୮ରୁ ଅଧିକ ସ୍ଥାନରେ ରେଡ୍ କରିଥିଲେ । ଏଥିରେ ପୁଷ୍ପା ୨ର ପ୍ରଯୋଜକ ନବୀନ ୟେରନେନୀ ଏବଂ ମୈତ୍ରୀ ମୁଭି ମେକର୍ସର ସଂସ୍ଥାପକ ରବିଶଙ୍କର ୟେଲମଞ୍ଚିଲିରୁ ନେଇ ଦିଲ ରାଜୁଙ୍କ ନାଁ ସାମିଲ ଥିଲା ।
