ନୂଆଦିଲ୍ଲୀ,୦୭/୦୬; ଭାରତୀୟ ମହିଳା ଫୁଟବଲ୍ ଦଳ ଦୀର୍ଘ ୭ ବର୍ଷ ଅପେକ୍ଷାର ଅନ୍ତ ଘଟାଇ ଚଳିତ ବର୍ଷ ସାଫ୍ ଚାମ୍ପିଅନସିପ୍ ଚାମ୍ପିଅନ ହେବାର ଗୌରବ ଅର୍ଜନ କରିଛି । ଶନିବାର ଅନୁଷ୍ଠିତ ଫାଇନାଲରେ ଭାରତୀୟ ଦଳ ବାଂଲାଦେଶକୁ ୩-୧ ଗୋଲରେ ପରାସ୍ତ କରି ଷଷ୍ଠ ଥର ପାଇଁ ସାଫ୍ ମହିଳା ଚାମ୍ପିଅନସିପ୍ ଜିତିଛି । ଓଡ଼ିଆ ଝିଅ ପ୍ୟାରୀ ଖାଖା ବିଜୟରେ ପ୍ରମୁଖ ଭୂମିକା ତୁଲାଇଥିଲେ । ଚାମ୍ପଅନ ଟିମ୍କୁ ଶୁଭେଚ୍ଛା ଜଣାଇଛନ୍ତି କେନ୍ଦାକ୍ରୀଡ଼ା ମନ୍ତ୍ରୀ ମନସୁଖ ମାଣ୍ଡଭ୍ୟ ।
ପଣ୍ଡିତ ଜବାହଲଲାଲ ନେହେରୁ ଷ୍ଟାଡିୟମରେ ଖେଳାଯାଇଥିବା ଫାଇନାଲ୍ ମ୍ୟାଚ୍ ସଂଘର୍ଷପୂର୍ଣ୍ଣ ହୋଇଥିଲା । ୪୨ତମ ମିନିଟରେ ପ୍ୟାରୀ ଗୋଟିଏ ଦର୍ଶନୀୟ ଗୋଲ୍ କରି ଭାରତର ଖାତା ଖୋଲିଥିଲେ । ମାତ୍ର ବାଂଲାଦେଶ ଇନଜ୍ୟୁରୀ ଟାଇମରେ ଗୋଲ୍ ପରିଶୋଧ କରିଥିଲା । ସାନଫିଦା ନୋଙ୍ଗ୍ରମ (୪୬ତମ ମିନିଟ୍) ଏବଂ ଲିଣ୍ଡା କୋମ୍ ସେର୍ଟୋ (୮୨ତମ ମିନିଟ୍) ଗୋଲ କରିଥିଲେ । ବାଂଲାଦେଶର ଏକମାତ୍ର ଗୋଲ ଋତୁ ପୋର୍ନା ଚକମା (୪୫ତମ ଏବଂ ୨ୟ ମିନିଟ୍) କରିଥିଲେ। ଆୟୋଜକ ଦଳ ଗ୍ରୁପ ପର୍ଯ୍ୟାୟରେ ସମାନ ପ୍ରତିଦ୍ୱନ୍ଦ୍ୱୀଙ୍କୁ ୩-୦ ଗୋଲରେ ପରାସ୍ତ କରିଥିଲା । ଟିମ୍ ଇଣ୍ଡିଆର ଏହି ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି କେନ୍ଦ୍ର କ୍ରୀଡାମନ୍ତ୍ରୀ ମନସୁଖ ମାଣ୍ଡଭ୍ୟ । ଭାରତୀୟ ଫୁଟବଲ୍ ପାଇଁ ଏହା ଗର୍ବର ମୁହୂର୍ତ୍ତ ବୋଲି କହିଛନ୍ତି । SAFF ମହିଳା ଚାମ୍ପିଅନସିପ୍ ୨୦୨୬ ଟ୍ରଫି ଉଠାଇବା ପାଇଁ ଆମର ବ୍ଲୁ ଟାଇଗ୍ରେସକୁ ହାର୍ଦ୍ଦିକ ଅଭିନନ୍ଦନ ।
Proud moment for Indian football!
— Dr Mansukh Mandaviya (@mansukhmandviya) June 6, 2026
Heartiest congratulations to our Blue Tigresses on lifting the SAFF Women’s Championship 2026 trophy. pic.twitter.com/r18vV2CY7H
ଏହା ବି ପଢନ୍ତୁ...୫ ଜଣ ଖେଳାଳିଙ୍କ ମନ ଖରାପ ! ଆୟରଲ୍ୟାଣ୍ଡ ଏବଂ ଇଂଲଣ୍ଡ ଟି-୨୦ ସିରିଜ ପାଇଁ ଟିମ୍ ଇଣ୍ଡିଆରୁ ପଡ଼ିଲେ ବାଦ୍
ଭାରତ ଗୋଟିଏ ବି ମ୍ୟାଚ୍ ନ ହାରି ଟୁର୍ଣ୍ଣାମେଣ୍ଟରେ ଅଭିଯାନ ଶେଷ କରିଛି । ଟୁର୍ଣ୍ଣାମେଣ୍ଟରେ ୧୮ ଟି ଗୋଲ କରିଛି । ଯାହା ସେମାନଙ୍କର ପ୍ରାଧାନ୍ୟତାର ଏକ ସ୍ପଷ୍ଟ ଉଦାହରଣ । ଭାରତୀୟ ଦଳ ମାଳଦ୍ୱୀପ ବିରୁଦ୍ଧରେ ୧୧-୦ ବିଜୟ ସହିତ ସେମାନଙ୍କର ଅଭିଯାନ ଆରମ୍ଭ କରିଥିଲା ଏବଂ ତା’ପରେ ବାଂଲାଦେଶକୁ ୩-୩ ଗୋଲରେ ପରାସ୍ତ କରି ଗ୍ରୁପ୍ B ଶୀର୍ଷରେ ପହଞ୍ଚିଥିଲା । ଲଗାତାର ପାଞ୍ଚ ଥର ଟାଇଟଲ୍ ଜିତିବା ପରେ, ଭାରତ ପୂର୍ବ ଦୁଇଟି ସଂସ୍କରଣରେ ଫାଇନାଲରେ ପହଞ୍ଚିପାରି ନଥିଲା । ବାଂଲାଦେଶ ନେପାଳକୁ ପରାସ୍ତ କରି ଉଭୟ ଥର (୨୦୨୨ ଏବଂ ୨୦୨୪) ଟ୍ରଫି ଜିତିଥିଲା। ଭାରତ ଶେଷ ଥର ପାଇଁ ୨୦୧୯ରେ ଏହି ଟାଇଟଲ ଜିତିଥିଲା । ଏହା ସହିତ ୨୦୧୦, ୨୦୧୨, ୨୦୪, ୨୦୧୬ ସଂସ୍କରଣରେ ବି ବିଜେତା ହୋଇଥିଲା ।
ଏହି ବିଜୟ ଆୟୋଜକ ଦଳ ପାଇଁ ଏକ ସ୍ମରଣୀୟ ଟୁର୍ଣ୍ଣାମେଣ୍ଟ ହୋଇ ରହିବ । ଆୱେକା ସିଂହ ୪ଟି ଗୋଲ ସହିତ ଟୁର୍ଣ୍ଣାମେଣ୍ଟର ସର୍ବାଧିକ ସ୍କୋରର ହୋଇଛନ୍ତି । ସାନଫିଦା ନୋଙ୍ଗ୍ରମ ସବୁଠାରୁ ମୂଲ୍ୟବାନ ଖେଳାଳି ବିବେଚିତ ହୋଇଛନ୍ତି । ପାନ୍ଥୋଇ ଚାନୁ ଏଲାଙ୍ଗବାମଙ୍କୁ ଶ୍ରେଷ୍ଠ ଗୋଲକିପର ପୁରସ୍କାର ମିଳିଥିଲା।
ଗ୍ରେସ୍ ଡାଙ୍ଗମେଇଙ୍କ ଅବସର ଘୋଷଣା- ଭାରତୀୟ ଦଳର ତାରକା ଗ୍ରେସ୍ ଡାଙ୍ଗମେଇ ଆନ୍ତର୍ଜାତୀୟ ଫୁଟବଲରୁ ଅବସର ଘୋଷଣା କରିଛନ୍ତି । SAFF ଚାମ୍ପିଅନସିପ୍ ଜିତିବା ପରେ ସନ୍ନ୍ୟାସ ଘୋଷଣା କରିଛନ୍ତି । ମଣିପୁରର ୩୦ ବର୍ଷୀୟା ଫରୱାର୍ଡ ୨୦୧୩ରେ ଡେବ୍ୟୁ କରିଥିଲେ । ୯୫ ଥର ଦେଶକୁ ପ୍ରତିନିଧିତ୍ୱ କରିଛନ୍ତି । ତାଙ୍କର ତୃତୀୟ SAFF ଟାଇଟଲ ଜିତି ତାଙ୍କର ଆନ୍ତର୍ଜାତୀୟ କ୍ୟାରିୟରକୁ ଶିଖରରେ ପହଞ୍ଚାଇଛନ୍ତି । ତାଙ୍କୁ ଫାଇନାଲ ମ୍ୟାଚ୍ ପାଇଁ ପ୍ରାରମ୍ଭିକ ଏକାଦଶରେ ସାମିଲ କରାଯାଇ ନଥିଲା ଏବଂ ସେ ବଦଳ ଖେଳାଳି ଭାବରେ ଆସିଥିଲେ । ପରେ ତାଙ୍କୁ ଅଧିନାୟକ ଭାବରେ ନିଯୁକ୍ତ କରାଯାଇଥିଲା ଏବଂ ପୁରସ୍କାର ବିତରଣ ଉତ୍ସବରେ ସେ ଟ୍ରଫି ଉଠାଇଥିଲେ ।
