ନୂଆଦିଲ୍ଲୀ, ୦୨/୦୫ : ଭାରତର ଆକ୍ସନ ପ୍ଲାନ୍ ପାକିସ୍ତାନରେ ଲିକ୍। ଭୟରେ ପାକ୍ ସରକାର। ପିଓକେରେ ୧୦୦୦ରୁ ଉର୍ଦ୍ଧ୍ଵ ମଦ୍ରାସା ବନ୍ଦ। ଆସନ୍ତା ୧୦ ଦିନ ଯାଏଁ ସମସ୍ତ ଧାର୍ମିକ କାର୍ଯ୍ୟକ୍ରମ ସ୍ଥଗିତ। ଭାରତର ସମ୍ଭାବ୍ୟ ଆକ୍ରମଣ ଆଶଙ୍କାରେ ପାକିସ୍ତାନ ସରକାରଙ୍କ ବଡ଼ ପଦକ୍ଷେପ। ନ୍ୟୁଜ୍ ଏଜେନ୍ସି ରୟଟର୍ସ୍‌କୁ ଏନେଇ ସୂଚନା ଦେଇଛନ୍ତି ପାକିସ୍ତାନୀ ଅଧିକାରୀ ହାଫିଜ୍ ନାଜିର ଅହମଦ। ତେବେ ହିଟ୍ ୱେଭ୍ ପାଇଁ ମଦ୍ରାସା ଗୁଡ଼ିକ ବନ୍ଦ ରଖାଯାଇଥିବା କହିଛନ୍ତି ନାଜିର। 

ପାକିସ୍ତାନୀ ଅଧିକାରୀ ନିଜ ପ୍ରତିକ୍ରିୟାରେ କହିଛନ୍ତି ଯେ, ପାକିସ୍ତାନ ଏବେ ୨ ପ୍ରକାର ହିଟ୍‌ୱେଭ୍‌ର ସାମ୍ନା କରୁଛି। ଗୋଟିଏ ହେଉଛି ପ୍ରଚଣ୍ଡ ରୌଦ୍ରତାପ ଏବଂ ଅନ୍ୟଟି ହେଉଛି ମୋଦି ସରକାରଙ୍କ କ୍ରୋଧ। ତେଣୁ ହିଟୱେଭ୍ କାରଣରୁ ପାକିସ୍ତାନୀ ମଦ୍ରାସା ଗୁଡ଼ିକୁ ବନ୍ଦ ରଖାଯାଇଛି। ପିଓକେରେ ୪୪୫ଟି ପଞ୍ଜିକୃତ ମଦ୍ରାସା ରହିଛି। ଏହି ସବୁ ମଦ୍ରାସା ଗୁଡ଼ିକରେ ୨୬ ହଜାରରୁ ଉର୍ଦ୍ଧ୍ଵ ଛାତ୍ର ଅଧ୍ୟୟନ କରୁଛନ୍ତି। 

ସୂଚନାନୁଯାୟୀ, ଦୀର୍ଘ ଦିନ ହେଲା ପିଓକେରେ ଥିବା ଆତଙ୍କୀ ଲଞ୍ଚ ପ୍ୟାଡ୍ ଏବଂ ପ୍ରଶିକ୍ଷଣ ଉପରେ ଭାରତ ନଜର ରଖିଛି। ଏହି ମଦ୍ରାସା ଗୁଡ଼ିକରେ ଜିହାଦି ପ୍ରଶିକ୍ଷଣ ଦିଆଯାଉଥିବା ନେଇ ବହୁ ଗୁଇନ୍ଦା ଇନପୁଟ୍‌ ସୂଚନା ଦେଇଛନ୍ତି। 

ଏହି ଖବରଟିକୁ ପଢନ୍ତୁ-NIA ରିପୋର୍ଟରେ ବଡ ଖୁଲାସା: 'ଆଇଏସଆଇରୁ ମିଳିଥିଲା ନିର୍ଦ୍ଦେଶ, ବେତାବ ଘାଟିରେ ଲୁଚାଇ ରଖାଯାଇଥିଲା ଅସ୍ତ୍ରଶସ୍ତ୍ର