ଲାହୋର: ଶନିବାର ଭୋର ସମୟରେ ଭାରତୀୟ ସେନାର ମିସାଇଲ ମାଡରେ ପାକିସ୍ତାନର ରାଓ୍ଵାଲପିଣ୍ଡି ଓ ଲାହୋର ସହରରେ ବିସ୍ଫୋରଣର ଖବର ସାମ୍ନାକୁ ଆସିଛି। ରିପୋର୍ଟ ଅନୁଯାୟୀ, ଚକଲାଲାସ୍ଥିତ ନୂର ଖାନ ଏୟାରବେସକୁ ଟାର୍ଗେଟ କରି ସେନା ମିସାଇଲ ଆକ୍ରମଣ କରିଥିଲା।
ମିଳିଥିବା ଖବର ମୁତାବକ, ନୂର ଖାନ ଏୟାରବେସ ନିକଟରେ ଦୁଇଟି ମିସାଇଲ ମାଡ ହୋଇଛି। ମିସାଇଲ ମାଡର ବିସ୍ଫୋରଣ ଏତେ ଭୟଙ୍କର ଥିଲା ଯେ ସ୍ଥାନୀୟ ଅଞ୍ଚଳ ଥରି ଉଠିଥିଲା। ତେବେ ସ୍ଥାନୀୟ ପୋଲିସ ଓ ରେସ୍କ୍ୟୁ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଅଞ୍ଚଳଟିକୁ ଅବରୋଧ କରିଛନ୍ତି। ସୁରକ୍ଷା ସୂତ୍ର ଅନୁଯାୟୀ ଏହି ଆକ୍ରମଣରେ ଏୟାର ବେସ ସମ୍ପୂର୍ଣ୍ଣ ପ୍ରୟାସକୁ ବିଫଳ କରାଯାଇଛି।
ଅନ୍ୟପକ୍ଷରେ, ଲାହୋରରେ ମଧ୍ୟ ଏକାଧିକ ବିସ୍ଫୋରଣର ଖବର ମିଳିଛି। ଯଦିଓ ଏହାର ନିର୍ଦ୍ଦିଷ୍ଟ ସ୍ଥାନ ଓ ବିବରଣୀ ଏପର୍ଯ୍ୟନ୍ତ ଯାଏଁ ସ୍ପଷ୍ଟ ହୋଇପାରିନାହିଁ। ଏହି ଘଟଣା ପରେ ଭାରତ ଓ ପାକିସ୍ତାନ ମଧ୍ୟରେ ସମ୍ପର୍କ ଚରମ ସୀମାରେ ପହଞ୍ଚିଛି। ଯାହା ଦୁଇ ଦେଶ ମଧ୍ୟରେ ସୀମା ସଂଘର୍ଷକୁ ଆହୁରି ତୀବ୍ର କରିବ ବୋଲି ଅନୁମାନ କରାଯାଉଛି।
ପାକିସ୍ତାନର ସୁରକ୍ଷା ବାହିନୀ ଓ ସରକାରୀ ଅଧିକାରୀମାନେ ଘଟଣାର ତଦନ୍ତ ଜାରି ରଖିଛନ୍ତି। ଏଯାଏ ପାକିସ୍ତାନ ପକ୍ଷରୁ କୌଣସି ଆଧିକାରୀକ ତଥ୍ୟ ଜାରି ହୋଇନାହିଁ।
