ଭୁବନେଶ୍ଵର, ୧୮/୦୧ : ତଦନ୍ତକାରୀ ପୋଲିସ ଅଧିକାରୀଙ୍କୁ ମିଳିବ ବାଇକ୍ ଏବଂ ତଦନ୍ତ ସମ୍ପର୍କିତ କିଟ୍। ୬୭୯ ଥାନାକୁ ଦିଆଯିବ ସ୍କର୍ପିଓ ଗାଡି। ପ୍ରଥମ ପର୍ଯ୍ୟାୟରେ ୨୫୦୦ ବାଇକ୍ ଦିଆଯିବ। ଫେବୃଆରୀ ୨୮ ସୁଦ୍ଧା ନୂଆ ଗାଡ଼ି ଥାନାରେ ପହଞ୍ଚିବ। ସେହିପରି ଇନଭେଷ୍ଟିଗେସନ କିଟ୍ରେ ରହିବ ଲାପଟପ୍, ସ୍ମାର୍ଟଫୋନ, ଏବଂ ପେନଡ୍ରାଇଭ୍। ଆଇଆଇସି, ଏସଆଇ ଏବଂ ଏଏସଆଇଙ୍କୁ ମିଳିବ ଏହି କିଟ୍। କେବଳ ସେତିକି ନୁହେଁ ବାଇକ୍ ମେଣ୍ଟେନାନ୍ସ ଏବଂ ପେଟ୍ରୋଲ ଖର୍ଚ୍ଚ ମଧ୍ୟ ଦିଆଯିବ। ଏଥର ରାଜ୍ୟ ବଜେଟ୍ରେ ଏଥିପାଇଁ ସ୍ଵତନ୍ତ୍ର ପ୍ୟାକେଜ୍ ରହିବ। ଏନେଇ ପୋଲିସ ଡିଜି ୱାଇ ବି ଖୁରାନଆ ସୂଚନା ଦେଇଛନ୍ତି।
ଏହି ଖବରଟିକୁ ପଢନ୍ତୁ- ଐତିହ୍ୟ ଗ୍ରାମ ରଘୁରାଜପୁର ବୁଲିଲେ ସିଙ୍ଗାପୁର ରାଷ୍ଟ୍ରପତି
ପୋଲିସ ଡିଜି କହିଛନ୍ତି ଯେ, ଗତ ବର୍ଷ ୨ ଲକ୍ଷ ୧୧ ହଜାର ଅପରାଧିକ ମାମଲା ରୁଜୁ ହୋଇଥିଲା। ଅଧିକାଂଶ ମାମଲା ରାଜ୍ୟ ତଥା ରାଜ୍ୟ ବାହାରକୁ ଯାଇ ପୋଲିସ ତଦନ୍ତ କରିଥିଲା। ଅନେକ ସମୟରେ ଅର୍ଥ ଅଭାବ ଯୋଗୁଁ ତଦନ୍ତରେ ବାଧା ସୃଷ୍ଟି ହେଉଥିଲା। ତେଣୁ ରାଜ୍ୟ ପୋଲିସ ବିଭାଗ ପକ୍ଷରୁ ସରକାରଙ୍କୁ ଏଥିପାଇଁ ପ୍ରସ୍ତାବ ଦିଆଯାଇଛି। ଏହା ସହିତ ଓଡ଼ିଶା ସୀମାରେ ଥିବା ୧୧ଟି ଲୋକ ନଥିବା ଦ୍ଵୀପରେ ଜାତୀୟ ପତାକା ଲଗାଇବ ପୋଲିସ।
