ନୂଆଦିଲ୍ଲୀ,୧୭/୦୩: ଆଉ ହାତ ଗଣତି ଦିନ । ଆରମ୍ଭ ହେବ ଆଇପିଏଲ ସିଜିନ୍ ୧୮ । ମାତ୍ର ୪ ଦିନ ବାକି । ଜମିବ ଫଟାଫଟ କ୍ରିକେଟ ଟୁର୍ଣ୍ଣାମେଣ୍ଟ । କ୍ରିକେଟ ଫିବରରେ କମ୍ପିବେ ଫ୍ୟାନ୍ସ । ୧୦ ଟିମ୍ ମଧ୍ୟରେ ଟାଇଟ୍ ହେବ ଫାଇଟ୍ । ୯ ଦେଶୀ ଜଣେ ବିଦେଶୀ କ୍ୟାପ୍ଟେନ ରେଡ୍ଡୀ । ସେନା ବି ତୟାର । ତେବେ ଜାଣିଛନ୍ତି କି ଆଇପିଏଲର ଚଳିତ ସଂସ୍କରରଣ ସବୁଠୁ ଧନୀ କ୍ୟାପ୍ଟେନ କିଏ ? ତାଙ୍କର କେତେ ସମ୍ପତ୍ତି ଅଛି । ପ୍ରପର୍ଟି ଜାଣିଲେ ଉଡିଯିବ ହୋସ୍ । ଜାଣିବାକୁ ପଢନ୍ତୁ ଏହି ରିପୋର୍ଟ ।
ଆଇପିଏଲରେ ୧୦ଟି ଟିମ୍ ରହିଛନ୍ତି । ୯ଟି ଦଳର ଦେଶୀ ଅଧିନାୟକ ରହିଥିବା ବେଳେ ଗୋଟିଏ ଦଳର ଜଣେ ବିଦେଶୀ କ୍ୟାପ୍ଟେନ ଅଛନ୍ତି । ଅକ୍ଷର ପଟେଲ୍ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅଛନ୍ତି । ତାଙ୍କ ପାଖରେ ମୋଟ୍ ୪୯ କୋଟି ଟଙ୍କାର ସମ୍ପତ୍ତି ଅଛି । ମୁମ୍ବାଇ ଇଣ୍ଡିଆନ୍ସ କ୍ୟାପ୍ଟେନ ହାର୍ଦ୍ଦିକ ପାଣ୍ଡ୍ୟା ୯୪ କୋଟି ଟଙ୍କାର ମାଲିକ । ରାଜସ୍ଥାନ ରୟାଲ୍ସ ଅଧିନାୟକ ସଞ୍ଜୁ ସାମସନଙ୍କ ପାଖରେ ୮୭ କୋଟି ଟଙ୍କାର ସମ୍ପତ୍ତି ରହିଛି । ପଞ୍ଜାବ କିଙ୍ଗସ୍ କ୍ୟାପ୍ଟେନ ଶ୍ରେୟସ ଆୟରଙ୍କ ପାଖରେ ମୋଟ୍ ୫୮ କୋଟି ଟଙ୍କାର ସମ୍ପତ୍ତି ରହିଛି । ଲକ୍ଷ୍ନୌ ସୁପରଜାଏଣ୍ଟସର କ୍ୟାପ୍ଟେନ ଋଷବ ପନ୍ତ ୧୦୦କୋଟି ଟଙ୍କାର ମାଲିକ ।
ସେହିପରି ଚେନ୍ନାଇ ସୁପରକିଙ୍ଗସ ଅଧିନାୟକ ଋତୁରାଜ ଗାଏକ୍ବାଡଙ୍କ ପାଖରେ ୩୬ କୋଟି ଟଙ୍କାର ସମ୍ପତ୍ତି ରହିଛି । କୋଲକାତା ନାଇଟ ରାଇଡର୍ସ କ୍ୟାପ୍ଟେନ ଅଜିଙ୍କ୍ୟ ରାହାଣେଙ୍କ ପାଖରେ ୮୦ କୋଟି ଟଙ୍କାର ସମ୍ପତ୍ତି ଅଛି । ଆରସିବି କ୍ୟାପ୍ଟେନ ରଜତ ପାଟିଦାରଙ୍କ ପାଖରେ ପ୍ରାୟ ୧.୬୨ କୋଟି ଟଙ୍କାର ସମ୍ପତ୍ତି ରହିଛି । ଗୁଜୁରାଟ ଜାଏଣ୍ଟସ କ୍ୟାପ୍ଟେନ ଶୁବମନ୍ ଗିଲଙ୍କ ପାଖରେ ୩୪ କୋଟି ଟଙ୍କାର ସମ୍ପତ୍ତି ଅଛି । ସନରାଇଜର୍ସ କ୍ୟାପ୍ଟେନ ପାଟ୍ କମିନ୍ସ ପାଖରେ ମୋଟ ୩୫୦ କୋଟି ଟଙ୍କାର ସମ୍ପତ୍ତି ରହିଛି । ଚଳିତ ଆଇପିଏଲର ସବୁଠୁ ଧନୀ କ୍ୟାପ୍ଟେନ୍ ହେଉଛନ୍ତି ପାଟ୍ କମିନ୍ସ ।
ମାର୍ଚ୍ଚ ୨୨ରୁ ଆରମ୍ଭ ହେବ ଫଟାଫଟ କ୍ରିକେଟ ଇଣ୍ଡିଆନ୍ ପ୍ରିମିୟର ଲିଗ୍ । ୧୦ ଦଳ ମଧ୍ୟରେ ମୋଟ ୭୦ଟି ଲିଗ୍ ମ୍ୟାଚ ଖେଳାଯିବ । ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ କୋଲକାତା ନାଇଟ ରାଇଡର୍ସ ମଧ୍ୟରେ ଉଦଘାଟନୀ ମ୍ୟାଚ ଖେଳାଯିବ । ମେ ୨୫ ତାରିଖରେ ଫାଇନାଲ ଫାଇଟ୍ ହେବ ।
