ନୂଆଦିଲ୍ଲୀ,୦୮/୦୫: IPL 2026 ର ୫୧ ତମ ମ୍ୟାଚରେ, ଦିଲ୍ଲୀ କ୍ୟାପିଟାଲ୍ସ ଏବଂ କୋଲକାତା ନାଇଟ୍ ରାଇଡର୍ସ ଦଳ ମୁହାଁମୁହିଁ ହେଉଛନ୍ତି। ଏହି ମ୍ୟାଚଟି ଅରୁଣ ଜେଟଲି ଷ୍ଟାଡିୟମରେ ଖେଳାଯାଉଛି। କୋଲକାତା ନାଇଟ୍ ରାଇଡର୍ସ ଅଧିନାୟକ ଅଜିଙ୍କ୍ୟ ରାହାଣେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଦିଲ୍ଲୀ କ୍ୟାପିଟାଲ୍ସ ପ୍ରଥମେ ବ୍ୟାଟିଂ କରିବାକୁ ମଇଦାନକୁ ଓହ୍ଲାଇବ। ଦିଲ୍ଲୀ ଆଜି ଏହାର ପ୍ଳେଇଙ୍ଗ ଇଲେଭେନରେ ଦୁଇଟି ପରିବର୍ତ୍ତନ ସହିତ ମଇଦାନକୁ ଓହ୍ଲାଇବ। କେକେଆର ଦଳରେ ମଧ୍ୟ ପରିବର୍ତ୍ତନ କରାଯାଇଛି।
ଟସ୍ ପରେ, କୋଲକାତା ନାଇଟ୍ ରାଇଡର୍ସ ଅଧିନାୟକ ଅଜିଙ୍କ୍ୟ ରାହାଣେ କହିଥିଲେ, "ଆମେ ପ୍ରଥମେ ବୋଲିଂ କରିବୁ। ଗତ ତିନୋଟି ମ୍ୟାଚ୍ ରେ, ୱିକେଟକୁ ବୁଝିବା ଏବଂ ସେହି ଅନୁସାରେ ଖେଳିବା ଗୁରୁତ୍ୱପୂର୍ଣ୍ଣ ଥିଲା। ୱିକେଟକୁ ପଢିବା କଷ୍ଟକର; ଆମକୁ ଭଲ ଖେଳିବାକୁ ପଡ଼ିବ। ବିରତି ସମୟରେ ପରିବେଶ ଉତ୍କୃଷ୍ଟ ଥିଲା, ଏବଂ ଖେଳାଳିମାନେ ଭଲ ପ୍ରଦର୍ଶନ କରୁଛନ୍ତି।"
ଅଧିକ ପଢ଼ନ୍ତୁ: IPL 2026: ଆଉ ଭିଡିଓ କରିପାରିବେ ନାହିଁ ଅର୍ଶଦୀପ ସିଂହ; ଖେଳାଳିଙ୍କ ପରିବାର ଉପରେ ରୋକ୍ ଲଗାଇଲା ଦିଲ୍ଲୀ କ୍ୟାପିଟାଲ୍ସ
ଟସ୍ ପରେ, ଦିଲ୍ଲୀ କ୍ୟାପିଟାଲ୍ସ ଅଧିନାୟକ ଅକ୍ଷର ପଟେଲ କହିଥିଲେ, "ଆମେ ପ୍ରଥମେ ବୋଲିଂ କରୁ କି ବ୍ୟାଟିଂ କରୁ ତାହା ଗୁରୁତ୍ୱପୂର୍ଣ୍ଣ ନୁହେଁ। ବୋର୍ଡରେ ରନ୍ ରଖିବା ଆମ କର୍ତ୍ତବ୍ୟ। ଆଜିର ମ୍ୟାଚ୍ ପାଇଁ ଆମେ ଆମ ଦଳରେ ଦୁଇଟି ପରିବର୍ତ୍ତନ କରିଛୁ। ଦିଲ୍ଲୀ ପିଚ୍ ସ୍ପିନରମାନଙ୍କୁ ବେଶ ସୁହାଏ, ଅବଶ୍ୟ ଦ୍ରୁତ ବୋଲରମାନେ ଯଦି ଧୀର ବଲ୍ ପକାନ୍ତି, ତେବେ ଏଥିରୁ କିଛି ଲାଭ ମିଳିପାରେ।"
କୋଲକାତା ନାଇଟ୍ ରାଇଡର୍ସର ଚୁଡ଼ାନ୍ତ ଏକାଦଶ: ଅଜିଙ୍କ୍ୟା ରାହାଣେ (ଅଧିନାୟକ), ଅଙ୍ଗକ୍ରୀଶ ରଘୁବଂଶୀ (ୱିକେଟ୍ କିପର), କାମେରନ୍ ଗ୍ରୀନ୍, ରୋଭମାନ ପାଓ୍ବେଲ, ମନୀଷ ପାଣ୍ଡେ, ରିଙ୍କୁ ସିଂହ, ସୁନୀଲ ନାରିନ, ଅନୁକୁଲ ରୟ, କାର୍ତ୍ତିକ ତ୍ୟାଗୀ, ବୈଭବ ଆରୋରା ଏବଂ ବରୁଣ ଚକ୍ରବର୍ତ୍ତୀ
ଦିଲ୍ଲୀ କ୍ୟାପଟାଲ୍ସର ଚୁଡ଼ାନ୍ତ ଏକାଦଶ: ପଥୁମ୍ ନିସାଙ୍କା, କେ.ଏଲ୍ ରାହୁଲ (ୱିକେଟ୍ କିପର), ନୀତୀଶ ରାଣା, ସମୀର ରିଜଭି, ଟ୍ରିଷ୍ଟନ୍ ଷ୍ଟବ୍ସ, ଅକ୍ଷର ପଟେଲ (ଅଧିନାୟକ), ଆଶୁତୋଷ ଶର୍ମା, ବିପରାଜ ନିଗମ, ମିଚେଲ ଷ୍ଟାର୍କ, ଲୁଙ୍ଗି ଏନଗିଡି ଏବଂ ମୁକେଶ କୁମାର।
ଏହି ଖେଳାଳିମାନଙ୍କ ମଧ୍ୟରୁ ଜଣେ ହେବେ ଦିଲ୍ଲୀ କ୍ୟାପିଟାଲ୍ସର ଇମ୍ପାକ୍ଟ ପ୍ଲେୟାର: କରୁଣ ନାୟାର, କୁଲଦୀପ ଯାଦବ, ଟି. ନଟରାଜନ, ଅଭିଷେକ ପୋରେଲ, କିମ୍ବା ଡେଭିଡ୍ ମିଲର।
ଏହି ଖେଳାଳିମାନଙ୍କ ମଧ୍ୟରୁ ଜଣେ ହେବେ କୋଲକାତା ନାଇଟ୍ ରାଇଡର୍ସର ଇମ୍ପାକ୍ଟ ପ୍ଲେୟାର: ରମନଦୀପ ସିଂହ, ଫିନ୍ ଆଲେନ୍, ତେଜସ୍ୱୀ ଦାହିୟା, ନବଦୀପ ସାଇନି, କିମ୍ବା ଟିମ୍ ସେଫର୍ଟ।
ପ୍ରମେୟ ପୃଷ୍ଠାର ପ୍ରମୁଖ ଖବର: ଟିମ୍ ଇଣ୍ଡିଆରେ ହେବ ବଡ଼ ପରିବର୍ତ୍ତନ, ସରପଞ୍ଚ ସାହେବ ଶ୍ରେୟସଙ୍କୁ ମିଳିବ ବଡ଼ ଦାୟିତ୍ୱ
