ନୂଆଦିଲ୍ଲୀ,୧୧/୦୫; ରବିବାର ଏକ ରୋମାଞ୍ଚକର ମ୍ୟାଚ୍ରେ ଡିଫେଡିଂ ଚାମ୍ପିଅନ୍ ଆରସିବି ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି । ଏହି ମ୍ୟାଚ୍ ମୁମ୍ବାଇ ପାଇଁ ଆଇପିଏଲ୍ ସିଜିନ୍ର ଶେଷ ହୋଇଥିବା ବେଳେ, ଆରସିବି ପ୍ଲେଅଫ୍ର ଆଉ ଏକ ପାଦ ନିକଟତର ହୋଇଛି । ଏହି ମ୍ୟାଚରେ ଏକ ଘଟଣା ଘଟିଲା ଯାହା ଫଳରେ ଆଇପିଏଲ୍ ଦଳର ମୁଖ୍ୟ ପ୍ରଶିକ୍ଷକଙ୍କ ଉପରେ ଏକ ବଡ଼ ଜରିମାନା ଲଗାଇଛି । ଆରସିବି ହେଡ୍ କୋଚ୍ କଣ କରିଦେଲେ ଯାହା ଫଳରେ ତାଙ୍କୁ ଜରିମାନା ଗଣିବାକୁ ପଡିବ ।
ଆରସିବି ମୁଖ୍ୟ ପ୍ରଶିକ୍ଷକ ଆଣ୍ଡି ଫ୍ଲାୱାରଙ୍କୁ ଜରିମାନା- ଆଇପିଏଲ ୨୦୨୬ ଆଚରଣ ସଂହିତାର ସ୍ତର ୧ ଉଲ୍ଲଂଘନ କରିବା ପାଇଁ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ( RCB)ମୁଖ୍ୟ ପ୍ରଶିକ୍ଷକ ଆଣ୍ଡି ଫ୍ଲାୱାରଙ୍କୁ ତାଙ୍କ ମ୍ୟାଚ୍ ଫିର ୧୫ ପ୍ରତିଶତ ଜରିମାନା କରାଯାଇଛି । ଏହି ଘଟଣା ମୁମ୍ବାଇ ଇଣ୍ଡିଆନ୍ସ ବନାମ ବେଙ୍ଗାଲୁରୁ ମ୍ୟାଚ୍ ସମୟରେ ଘଟିଥିଲା । ରାୟପୁରରେ ଖେଳାଯାଇଥିବା ଏହି ମ୍ୟାଚ୍ ଶେଷ ବଲ୍ ପର୍ଯ୍ୟନ୍ତ ଚାଲିଥିଲା ଏବଂ ଆରସିବି ଜିତିଥିଲା । ଫ୍ଲାୱାର ଆଚରଣ ସଂହିତାର ଧାରା ୨.୩ ଉଲ୍ଲଂଘନ କରିଛନ୍ତି, ଯାହା ଏକ ମ୍ୟାଚ୍ ସମୟରେ ଅପମାନଜନକ ଭାଷା ବ୍ୟବହାର ସହିତ ଜଡିତ । RCBର ରନ-ଚେଜ୍ ର ୧୭.୨ ତମ ଓଭରରେ ଏହି ଘଟଣା ଘଟିଥିଲା, ଯେତେବେଳେ ଫ୍ଲାୱାର ଚତୁର୍ଥ ଅମ୍ପାୟାରଙ୍କ ସହ ଯୁକ୍ତିତର୍କ କରିଥିଲେ ।
ଅମ୍ପାୟାରଙ୍କ ସହ ଆଣ୍ଡି ଫ୍ଲାୱାରଙ୍କ ଯୁକ୍ତିତର୍କ- ଆରସିବି ହେଡ୍ କୋଚ୍ ଆଣ୍ଡି ଫ୍ଲାୱାରଙ୍କର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ଅମ୍ପାୟାରଙ୍କ ସହ ରାଗି କଥା ହେଉଥିବାର ଦେଖାଯାଉଛି । ଏବେ ଏହା ପ୍ରକାଶ ପାଇଛି ଯେ, ଫ୍ଲାୱାର ଚତୁର୍ଥ ଅମ୍ପାୟାରଙ୍କ ସହ ରାଗି କଥା ହେବାର ତାଙ୍କର ଭୁଲ ସ୍ୱୀକାର କରିଛନ୍ତି ଏବଂ ମ୍ୟାଚ୍ ରେଫରୀ ଅମିତ ଶର୍ମାଙ୍କ ଦ୍ୱାରା ଦିଆଯାଇଥିବା ଦଣ୍ଡକୁ ଗ୍ରହଣ କରିଛନ୍ତି । IPL ନିୟମ ଅନୁଯାୟୀ, ସ୍ତର ୧ ଉଲ୍ଲଂଘନ ପାଇଁ ଦଣ୍ଡ ଚୂଡ଼ାନ୍ତ ଏବଂ ବାଧ୍ୟତାମୂଳକ ।
🚨 ANDY FLOWER HAS BEEN FINED 15% OF HIS MATCH FEES. 🚨
- Flower spoke aggressively to the 4th umpire during the 18th over. pic.twitter.com/DX9o8bWg3y
— Mufaddal Vohra (@mufaddal_vohra) May 11, 2026
ଏହା ବି ପଢନ୍ତୁ...୨୭୮ ନଟ୍ ଆଉଟ୍ ; 'ତ୍ରିମୂର୍ତ୍ତୀ'ଙ୍କ ନାମରେ ଆଇପିଏଲର ଅଦ୍ଭୂତ ରେକର୍ଡ, ସମାନ ମାଇଲଖୁଣ୍ଟରେ ଧୋନିଙ୍କ ସହ ରୋ-କୋ
ରୋମାଞ୍ଚକର ମ୍ୟାଚ୍ରେ ଶେଷ ବଲ୍ରେ ଜିତିଲା RCB- ଗତକାଲି ରାତିରେ ମୁମ୍ବାଇ ଇଣ୍ଡିଆନ୍ସ ଏବଂ RCB ମଧ୍ୟରେ ଏକ ରୋମାଞ୍ଚକର ମ୍ୟାଚ୍ ଦେଖିବାକୁ ମିଳିଥିଲା । ପ୍ରଥମେ ବ୍ୟାଟିଂ କରି ମୁମ୍ବାଇ ଇଣ୍ଡିଆନ୍ସ ୨୦ ଓଭରରେ ୭ୱିକେଟ୍ ହରାଇ ୧୬୬ ରନ୍ କରିଥିଲା। RCBକୁ ଜିତିବା ପାଇଁ କେବଳ ୧୬୭ ରନ୍ ଆବଶ୍ୟକ ଥିଲା । ଅନୁମାନ କରାଯାଉଥିଲା ଯେ, RCB ମ୍ୟାଚ୍ ଆରାମରେ ଜିତିବ । ଉତ୍ସାହ ଶୀର୍ଷରେ ଥିଲା । ଶେଷ ବଲ ରେ ଆବଶ୍ୟକ ରନ୍ ସଂଗ୍ରହ କରି RCB ମ୍ୟାଚ୍ ଜିତିଥିଲା । ଆରସିବି ଏହି ବିଜୟ ସହିତ ପଏଣ୍ଟ ଟେବୁଲ ଟପରେ ପହଞ୍ଚିଛି । ମୁମ୍ବାଇ ଇଣ୍ଡିଆନ୍ସ ଟୁର୍ଣ୍ଣାମେଣ୍ଟରୁ ବିଦା ହୋଇଛି ।
