ନୂଆଦିଲ୍ଲୀ,୯।୭: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମିଳିଛି ହତ୍ୟା ଧମକ । ଏଭଳି ଧମକ ଦେଇଛନ୍ତି, ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଖାମେନିଙ୍କ ବରିଷ୍ଠ ପରାମର୍ଶଦାତା ଜାଭାଦ ଲାରିଜାନି। ସେ କହିଛନ୍ତି, ଟ୍ରମ୍ପ ତାଙ୍କ ବିଳାସପୂର୍ଣ୍ଣ ଘର ମାର-ଏ-ଲାଗୋରେ ସନ୍ ବାଥ୍ କରୁଥିବା ସମୟରେ ଗୁଳି ବାଜିପାରେ।
ଇରାନ ଇଣ୍ଟରନ୍ୟାସନାଲ ୱେବସାଇଟ୍ ଅନୁଯାୟୀ, ସେ କହିଛନ୍ତି, 'ଯେତେବେଳେ ପେଟ ମାଡି ଶୋଇ ସନ୍ ବାଥ୍ କରୁଥିବେ ଏକ ଛୋଟ ଡ୍ରୋନ୍ ତାଙ୍କ ଉପରେ ଆକ୍ରମଣ କରିପାରେ। ଏହା ବହୁତ ସହଜ।' ଉଲ୍ଲେଖନୀ ଯେ, ଲାରିଜାନିଙ୍କୁ ଆୟାତୋଲ୍ଲା ଖାମେନିଙ୍କ ଖୁବ୍ ଘନିଷ୍ଠ ବୋଲି ବିବେଚନା କରାଯାଏ।
ଏହି ବୟାନ ଏଭଳି ସମୟରେ ଆସିଛି ଯେତେବେଳେ ‘ବ୍ଲଡ ପ୍ୟାକ୍ଟ’ ନାମକ ଅନଲାଇନ୍ ପ୍ଳାଟଫର୍ମ ସାମନାକୁ ଆସିଛି। ଯାହାକି ଖାମୋନିଙ୍କୁ ଅପମାନିତ କରିଥିବା ଓ ତାଙ୍କ ଜୀବନକୁ ବିପଦରେ ପକାଇଥିବା ଲୋକଙ୍କ ଉପରେ ପ୍ରତିଶୋଧ ନେବାକୁ ଫଣ୍ଡ ଏକାଠି କରୁଛି। ଓ୍ବେବସାଇଟ୍ର ଦାବି ଅନୁସାରେ, ସେ ୨୭ ମିଲିୟନ ଡଲାରରୁ ଅଧିକ ଜମା କରି ସାରିଛି ଓ ଏହାର ଲକ୍ଷ୍ୟ ୧୦୦ ମିଲିୟନ ଡଲାର ପର୍ଯ୍ୟନ୍ତ ପହଁଞ୍ଚିବା। ଏକ ରିପୋର୍ଟ ଅନୁସାରେ, ଏହି ସଂଗଠନ ଲୋକଙ୍କୁ ପାଶ୍ଚାତ୍ୟ ଦେଶର ଦୂତାବାସ ବାହାରେ ଓ ସହରର କେନ୍ଦ୍ରରେ ବିକ୍ଷୋଭ ପ୍ରଦର୍ଶନ କରିବାକୁ ଅପଇଲ କରିଛି। ଏହା ସହ କହିଛି, ଟ୍ରମ୍ପ ଓ ନେତନ୍ୟାହୁଙ୍କ ଉପରେ ’ମୋହରବେ’ ଭଳି ଇସ୍ଲାମୀ ଆଇନକୁ ଲାଗୁ କରାଯିବା ସରକାର। ’ମୋହରବେ’ ଅର୍ଥାତ ‘ଆଲ୍ଲାଙ୍କ ବିରୋଧରେ ଯୁଦ୍ଧ’ ଏକ ଗମ୍ଭୀର ଅପରାଧ, ଯାହାର ଦଣ୍ଡ ହେଉଛି ମୃତ୍ୟୁ ଦଣ୍ଡ।’
