ନୂଆଦିଲ୍ଲୀ,୨୩/୧୧: ସଜେଇ ହେବାକୁ ଝିଅମାନେ ପସନ୍ଦ କରିଥାନ୍ତି । ତେଣୁ ତାଙ୍କ ଭ୍ୟାନିଟି ବ୍ୟାଗରେ କଣ ରହିଥାଏ । ବିଶେଷ କରି ମେକପ ଜିନିଷ । ଫେସିଆଲ ୱାଇପସ ରହିବାଟା ତ ନିଶ୍ଚିତ । ମେକଅପ ପୋଛିବାକୁ ୱାଇପସର ବ୍ୟବହାର କରନ୍ତି ଝିଅ । ତେବେ ଜାଣିଛନ୍ତି ୱାଇପସ କେତେ ସୁରକ୍ଷିତ । ୱାଇପସ ବ୍ୟବହାର ଦ୍ବାରା ସ୍କିନ ଉପରେ କଣ ପ୍ରଭାବ ପଡିଥାଏ । ଜାଣନ୍ତୁ ଏହି ରିପୋର୍ଟରୁ ।

କୌଣସି ଫଙ୍କସନ ହେଉ କି ବିବାହ ଝିଅମାନେ ସୁନ୍ଦର ଭାବେ ସଜେଇ ହୋଇଥାନ୍ତି । ମୁହଁରେ ମେକଅପ ଲଗାନ୍ତି । ଆଉ ଏହା ପରେ ମେକଅପ ପୋଛିବାକୁ ୱାଇପସର ବ୍ୟବହାର କରନ୍ତି । ଏବେ ବଜାରରେ ଓଦା ୱାଇପସ ମିଳୁଛି । ମେକଅପ ପୋଛିବାରେ ଏହାର ବ୍ୟବହାର ହେଉଛି । ଏହା ମେକଅପ ପୋଛିବାରେ ସହାୟକ ହୁଏ ସତ ମାତ୍ର ଏଥିରେ ଥିବା କେମିକାଲ ଚର୍ମ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ । ୱାଇପସରେ  ଅନେକ କେମିକାଲ ରହିଛି ଯାହା ସ୍କିନ ପାଇଁ ହାନିକାରକ ।

ୱାଇପସ୍ ବ୍ୟବହାର କଣ ହୁଏ- ଫେସିଆଲ ୱାଇପସ ଅନେକ ସାମଗ୍ରୀର ମିଶ୍ରଣ ହୋଇଥାଏ । ଏହା ଚର୍ମକୁ ଶୁଷ୍କ କରିଦିଏ । ୱାଇପସ ବାଛିବା ପୂର୍ବରୁ ବିଭିନ୍ନ ଦିଗ ଉପରେ ଧ୍ୟାନ ଦେବାକୁ ହେବ । ୱାଇପସ ବ୍ୟବହାର ପରେ ମୁହଁ ଧୋଇ ଦିଅନ୍ତୁ । ବଜାରରେ ବିଭିନ୍ନ ପ୍ରକାର ୱାଇପସ ମିଳେ । ତେଣୁ କେଉଁ ୱାଇପସ ବ୍ୟବହାର କରିବେ ତାହା ଉପରେ ଗୁରୁତ୍ବ ଦିଅନ୍ତୁ ।

ୱାଇପସର ବ୍ୟବହାର ନେଇ ଜଣେ ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି, ଅତି ଜରୁରୀ ନ ପଡିଲେ ୱାଇପସର ବ୍ୟବହାର କରନ୍ତୁ ନାହିଁ । ଯେତେବେଳେ ତୁମ ମୁହଁ ଶୁଷ୍କ ହେଇଯାଉଛି ପାଖରେ ପାଣି ନାହିଁ ସେବେ ହିଁ ଏହାର ବ୍ୟବହାର କରନ୍ତୁ । ୱାଇପସରେ ଆଲୋବେରା, ଭିଟାମିନ ଭଳି ତତ୍ତ୍ବ ଥିବା ସୁନିଶ୍ଚିନ୍ତ କରନ୍ତୁ ।