ଭୁବନେଶ୍ୱର,୨୫/୧୧: ଯୁଗ୍ମ ପ୍ରବେଶିକା ପରୀକ୍ଷା (ଜେଇଇ) ୨୦୨୫ ପାଇଁ ପଞ୍ଜୀକରଣ ଶେଷ ହୋଇଛି । ଚଳିତବର୍ଷ ୧୧ ଲକ୍ଷରୁ ଅଧିକ ଆଶାୟୀ ଜେଇଇ ମେନ୍ ପାଇଁ ପଞ୍ଜୀକରଣ କରିବା ସହ ପରୀକ୍ଷା ଫି ଦାଖଲ କରିଛନ୍ତି । ଏନେଇ ରବିବାର ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ପକ୍ଷରୁ ସାମାଜିକ ଗଣମାଧ୍ୟମ ‘ଏକ୍ସ’ରେ ସୂଚନା ଦିଆଯାଇଛି । ଚଳିତ ଜେଇଇ ମେନ୍ ସେସନ୍ରେ ସର୍ବାଧିକ ଆବେଦନ ହୋଇଛି ବୋଲି ଏନ୍ଟିଏ ପକ୍ଷରୁ କୁହାଯାଇଛି ।
ସୂଚନାଯୋଗ୍ୟ, ଅକ୍ଟୋବର ୨୮ରୁ ଜେଇଇ ମେନ୍ ସେସନ୍-୧ ପାଇଁ ଅନ୍ଲାଇନ ଆବେଦନ ଆରମ୍ଭ ହୋଇଥିଲା । ନଭେମ୍ବର ୨୨ ପର୍ଯ୍ୟନ୍ତ ଆବେଦନ ପାଇଁ ସୁଯୋଗ ଦିଆଯାଇଥିଲା । ୨୬ରୁ ୨୭ ଯାଏ ଫର୍ମ ସଂଶୋଧନ କରିବାକୁ ସୁଯୋଗ ମିଳିବ । ଜାନୁଆରୀ ୨୨ରୁ ୩୧ ମଧ୍ୟରେ ପରୀକ୍ଷା ହେବାକୁ ଯୋଜନା ରହିଛି ।
