କଟକ,୨୬/୦୭: ବାଲେଶ୍ୱର ଏଫ୍ଏମ୍ କଲେଜ ଛାତ୍ରୀଙ୍କୁ ବଞ୍ଚାଇବାକୁ ଉଦ୍ୟମ କରି ପୋଡ଼ିଯାଇଥିବା ଜ୍ୟୋତିପ୍ରକାଶ ବିଶ୍ୱାଳ ଏସ୍ସିବି ମେଡିକାଲରୁ ଖୁବ୍ ଶୀଘ୍ର ଡିସ୍ଚାର୍ଜ ହେବେ । ତାଙ୍କୁ ଚିକିତ୍ସା କରୁଥିବା ଡାକ୍ତରୀ ଟିମ୍ର ବୈଠକ ଆସନ୍ତା ସୋମବାର ହେବାର ରହିଛି । ମେଡିକାଲ୍ ଟିମ୍ର ମତାମତ ନିଆଯାଇ ଜ୍ୟୋତିପ୍ରକାଶଙ୍କୁ ଡିସ୍ଚାର୍ଜ କରିବାକୁ ପଦକ୍ଷେପ ନିଅଯିବ । ପ୍ଲାଷ୍ଟିକ୍ ସର୍ଜରୀ ବିଭାଗ ତରଫରୁ ଜ୍ୟୋତିଙ୍କ ଅବସ୍ଥା ସୁଧୁରିଥିବା ନେଇ ରିପୋର୍ଟ ଦିଆଯାଇଛି । କିନ୍ତୁ ଅନ୍ୟ ବିଭାଗର ବିଶେଷଜ୍ଞଙ୍କ ପ୍ରତିକ୍ରିୟା ଏବେ ଯାଏ ମିଳିନାହିଁ । ତାଙ୍କ ଅବସ୍ଥା ସ୍ଥିର ଥିବା ଏସ୍ସିବି ଅଧୀକ୍ଷକ ଡା. ଗୌତମ ଶତପଥୀ କହିଛନ୍ତି ।
ସୂଚନାଯୋଗ୍ୟ, ଏଫ୍ଏମ୍ କଲେଜ ଛାତ୍ରୀ ସୌମ୍ୟାଶ୍ରୀ ବିଶିଙ୍କୁ ନିଆଁରୁ ବଞ୍ଚାଇବାକୁ ଯାଇ ଜ୍ୟୋତିପ୍ରକାଶଙ୍କ ଶରୀରର ୧୫% ପୋଡ଼ିଯାଇଥିଲା । ତାଙ୍କୁ ଏସ୍ସିବିରେ ଚିକିତ୍ସା କରାଯାଉଥିବା ବେଳେ ଘଟଣା ବାବଦରେ କ୍ରାଇମ୍ବ୍ରାଞ୍ଚ୍ ପଚରାଉଚରା କରିଛି । ପୀଡ଼ିତା ଦେହରେ ନିଆଁ ଲାଗିଥିବା ସମୟରେ ଜ୍ୟୋତି ମୋବାଇଲରେ ଭିଡିଓ କରିଥିଲେ । ଜ୍ୟୋତିଙ୍କ ମୋବାଇଲ୍ରୁ ଡିଲିଟ୍ ହୋଇଥିବା ଭିଡିଓକୁ ରିଟ୍ରିଭ୍ କରାଯାଉଥିବା ଜଣାପଡ଼ିଛି ।
