ନୂଆଦିଲ୍ଲୀ,୧୮/୧୧: ଯାହା ଅନୁମାନ କରାଯାଉଥିଲା ତାହା ହେଲା । ଗତକାଲି ଆପ୍ ଛାଡିଥିଲେ । ଆଜି ବିଜେପିରେ ମିଶିଲେ । ୨୪ ଘଣ୍ଟା ନପୁରୁଣୁ ପଦ୍ମ ଶିବିରରେ ଯୋଗ ଦେଇଛନ୍ତି ଦିଲ୍ଲୀ ପୂର୍ବତନ ମନ୍ତ୍ରୀ କୈଳାସ ଗେହଲଟ । ଦିଲ୍ଲୀ ବିଜେପି କାର୍ଯ୍ୟାଳୟରେ କେନ୍ଦ୍ରମନ୍ତ୍ରୀ ମନୋହର ଲାଲ ଖଟର ଓ ଅନ୍ୟ ବିଜେପି ନେତାଙ୍କ ଉପସ୍ଥିତିରେ ପଦ୍ମ ଧରିଛନ୍ତି କୈଳାଶ ।
ବିଜେପିରେ ଯୋଗ ଦେବା ପରେ ପ୍ରତିକ୍ରିୟା ଦେଇ କୈଳାଶ ଗେହଲଟ କହିଛନ୍ତି, ଆମ ଆଦମୀ ପାର୍ଟି ଛାଡିବା ସହଜ ପଦକ୍ଷେପ ନଥିଲା । ଗୋଟିଏ ରାତିରେ ନିଷ୍ପତ୍ତି ନେଇନାହିଁ । ଇଡି ଓ ସିବିଆଇ ଚାପରେ ଦଳ ଛାଡିନାହିଁ । ଯେଉଁମାନେ ଏହାକୁ କାହାଣୀ କରୁଛନ୍ତି ସେ ସବୁ ଭୁଲ । ମୁଁ କେବେ କାହା ଚାପରେ ଆସି କାମ କରିନାହିଁ । ୨୦୧୫ରୁ ମୋ ରାଜନୈତିକ ଜୀବନରେ କାହା ଚାପରେ କେବେ କିଛି କରିନାହିଁ । ଓକିଲାତି ଛାଡି ଆମ ଆଦମୀ ପାର୍ଟିରେ ଯୋଗ ଦେଇଥିଲି । ଦଳର ଶକ୍ତିରେ ଆଶା ଦେଖା ଦେଇଥିଲା । ମୋ ଉଦ୍ଦେଶ୍ୟ କେବଳ ଲୋକଙ୍କ ସେବା କରିବା ଥିଲା ।'
#WATCH | Delhi: After joining BJP, Kailash Gahlot says "I joined AAP with the purpose of serving the people of Delhi. The values for which we joined the Aam Aadmi Party were being completely compromised in front of my eyes. These may be my words but I guarantee that behind… pic.twitter.com/aNNBEcWpiO
— ANI (@ANI) November 18, 2024
ଦିଲ୍ଲୀ ସରକାରରେ ପରିବହନ ମନ୍ତ୍ରୀ ଥିବା କୈଳାଶ ଗେହଲଟ ଗତକାଲି (ରବିବାର) ଆପରୁ ଇସ୍ତଫା ଦେଇଥିଲେ । ସେ ବିଜେପିରେ ଯୋଗ ଦେବେ ବୋଲି ଅନୁମାନ କରାଯାଉଥିଲା । ୨୪ ଘଣ୍ଟା ନପୁରୁଣୁ ସେ ବିଜେପିରେ ଯୋଗ ଦେଇଛନ୍ତି । ଆଗକୁ ଦିଲ୍ଲୀରେ ବିଧାନସଭା ନିର୍ବାଚନ ହେବ । ଏହା ପୂର୍ବରୁ ବିଜେପିରେ କୈଳାଶ ମିଶିବା ଆପ୍ ପାଇଁ ମହଙ୍ଗା ସାବ୍ୟସ୍ତ ହୋଇପାରେ । ସେପଟେ କୈଲାଶ ଗେହଲଟ ମନ୍ତ୍ରୀ ପଦ ଛାଡ଼ିବା ପରେ ଏହି ସ୍ଥାନ ଖାଲି ପଡିଥିଲା । ଏହି ସ୍ଥାନରେ ଆପ୍ ନେତା ରଘୁବିନ୍ଦର ସୋକିନଙ୍କୁ ଦିଲ୍ଲୀର ପରିବହନ ମନ୍ତ୍ରୀ ପଦ ମିଳିଛି ।
