ନୂଆଦିଲ୍ଲୀ,୨୭/୦୪: ଆସନ୍ତା ଜୁନ ୩୦ରୁ କୈଳାସ ମାନସରୋବର ଯାତ୍ରା ଆରମ୍ଭ ହେବ । ଏହା ଅଗଷ୍ଟ ୨୫ ତାରିଖ ପର୍ଯ୍ୟନ୍ତ ଚାଲିବ । ଆବେଦନ ପାଇଁ ବିଦେଶ ମନ୍ତ୍ରଣାଳୟ ପକ୍ଷରୁ ୱେବସାଇଟ୍ ଖୋଲାଯାଇଛି । ଆବେଦନ କରିବାର ଶେଷ ତାରିଖ ମେ ୧୩ ରଖାଯାଇଛି ।
ଚଳିତଥର ଉତ୍ତରାଖଣ୍ଡ ଓ ସିକ୍କିମ ବାଟେ ୧୫ଟି ଟିମ କୈଳାସ ମାନସରୋବର ଯାତ୍ରା କରିବ । ୫ଟି ଟିମ୍ରେ ୫୦ ଜଣ ଲେଖାଏ ଯାତ୍ରୀ ଉତ୍ତରାଖଣ୍ଡର ଲିପୁଲେଖ ଦେଇ ଯାତ୍ରା କରିବେ । ଅନ୍ୟପକ୍ଷରେ ୧୦ଟି ଟିମ୍ରେ ୫୦ ଜଣ ଲେଖାଏ ଯାତ୍ରୀ ସିକ୍କିମର ନାଥୁଲା ଦେଇ ଯିବେ । ଚୀନ୍ର କବ୍ଜାରେ ଥିବା ତିକ୍ରତ ଅଞ୍ଚଳରେ ରହିଛି କୈଳାସ ମାନସରୋବର । ବିଦେଶ ମନ୍ତ୍ରଣାଳୟ ଏହି ଯାତ୍ରାର ଆୟୋଜନ କରିଥାଏ । କିନ୍ତୁ ଚୀନ୍ ଗତ ୫ ବର୍ଷ ହେଲା ଭାରତୀୟଙ୍କୁ ଅନୁମତି ଦେଉ ନଥିଲା । ଦୁଇଦେଶ ମଧ୍ୟରେ ସୀମା ବିବାଦ ଓ କୋଭିଡ ମହାମାରୀ ଏହାର କାରଣ ପାଲଟିଥିଲା ।
