ନୂଆଦିଲ୍ଲୀ,୨।୧୨; ଭାରତର ବିଭିନ୍ନ ସ୍ଥାନରେ ବ୍ୟାଙ୍କ ଏଟିଏମ୍ ଚୋରିର ଘଟଣା ସାମ୍ନାକୁ ଆସୁଛି। ଚୋରମାନେ ଅଭିନବ ଉପାୟରେ ଏଟିଏମ୍ରୁ ଚୋରି କରୁଥିବାର ଦେଖିଥିବେ। ତେବେ କର୍ଣ୍ଣାଟକର ବେଲାଗାଭି ଜିଲ୍ଲାରୁ ଏଟିଏମ୍ ଚୋରିର ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ବେଲାଗାଭି ଜିଲ୍ଲାର ହୋସା ଭେଣ୍ଟାମୁରି ଗାଁରେ ଚୋରମାନେ ଏକ ଗାଡ଼ିରେ ଏଟିଏମ୍ ମେସିନ୍ ଲୋଡ୍ କରି ଚୋରି କରିଛନ୍ତି।
ମିଳିଥିବା ସୂଚନା ଅନୁଯାୟୀ, ବେଲାଗାଭି ଜିଲ୍ଲାରେ ଚୋରମାନେ ଏଟିଏମ୍ ମେସିନକୁ ଠେଲା ଗାଡିରେ ଲଦି ନେଇଯାଇଛନ୍ତି। ତିନି ଜଣ ଚୋରଙ୍କ ଏହି ଦଳ ଜାତୀୟ ରାଜପଥ ୪୮ ରେ ଅବସ୍ଥିତ ୱାନ୍ ଇଣ୍ଡିଆ ଏଟିଏମ୍ କିଓସ୍କକୁ ଲୁଟ୍ କରିଥିଲେ। ଏହାପରେ ସେମାନେ ଏଟିଏମ୍ ମେସିନ୍ କାଢ଼ି ଠେଲାଗାଡିରେ ରଖି ପ୍ରାୟ ୨୦୦ ମିଟର ଚାଲିଚାଲି ଯାଇଥିଲେ। ସେଠାରୁ ସେମାନେ ନିଜ ଗାଡିରେ ଏଟିଏମ୍ ମେସିନ୍ ଲୋଡ୍ କରି ପଳାଇ ଯାଇଥିଲେ।
ବେଲାଗାଭିରେ ଚୋରମାନେ ଏଟିଏମ୍ ନେଇଯିବା ଘଟଣା ସିସିଟିଭି କ୍ୟାମେରାରେ କଏଦ ହୋଇଛି। କୁହାଯାଉଛି ଯେ ଚୋରି ହୋଇଥିବା ଏଟିଏମ୍ ରେ ପ୍ରାୟ ଏକ ଲକ୍ଷ ଟଙ୍କା ଥିଲା ଚୋରମାନେ ଘଟଣାସ୍ଥଳରେ ପହଞ୍ଚିବା ମାତ୍ରେ ସିସିଟିଭି କ୍ୟାମେରା ଡିସକନେକ୍ଟ କରିଦେଇଥିଲେ। ତଥାପି, ଏହା ସତ୍ତ୍ୱେ, ସେମାନଙ୍କ ଆସିବା ସମୟର ସମସ୍ତ ଫଟୋ ଓ ଭିଡିଓ ସିସିଟିଭି ଡିଭିଆରରେ ରେକର୍ଡ ହୋଇଯାଇଥିଲା।
ଏଟିଏମ୍ ଚୋରି ଖବର ପାଇବା ପରେ, କାକାଟି ପୁଲିସ ଘଟଣା ସ୍ଥଳରେ ପହଁଞ୍ଚିଥିଲା। ସିସିଟିଭି ଫୁଟେଜ୍ ଆଧାରରେ, ଏକ ସ୍ୱତନ୍ତ୍ର ପୋଲିସ ଟିମ୍ ଏହି ଏଟିଏମ୍ ଚୋରମାନଙ୍କର ତଦନ୍ତ ଆରମ୍ଭ କରିଛି। ଉଲ୍ଲେଖନୀୟ ଯେ , ଚଳିତ ବର୍ଷ ମାର୍ଚ୍ଚ ମାସରେ, ଜିଲ୍ଲାର ଏକ ଏସବିଆଇ ଏଟିଏମରେ ମଧ୍ୟ ଚୋରି ହୋଇଥିଲା।
