ବଲାଙ୍ଗୀର,୨୦/୦୫: ବେଆଇନ ଭାବେ ଖଇରକାଠ ହେଉଥିଲା ଚାଲାଣ । ଜବତ କଲା ବନ ବିଭାଗ। ବଲାଙ୍ଗୀର ଜିଲ୍ଳା ସଇଁନ୍ତଳା ପୁଲିସ ଗତକାଲି ରାତିରେ ପାଟ୍ରୋଲିଂ କରୁଥିଲେ । ସେହି ସମୟରେ ମୁରସିଂବିଟ୍ ନିକଟସ୍ଥ ସିକୁଆଁ ଗାଁରୁ ଏକ ପିକଅପ୍ ଭ୍ୟାନ ଯୋଗେ ବେଆଇନ ଭାବେ ଖଇରକାଠ ଚାଲାଣ ହେଉଥିଲା। ଏନେଇ ଖବର ପାଇ ଗାଡ଼ିକୁ ଜବତ କରି ବନ ବିଭାଗକୁ ହସ୍ତାନ୍ତର କରିଛି ପୁଲିସ।
ସଇଁତଲା ବନ ବିଭାଗ ଅଧିକାରୀ ସାଗର ରାଜ ନାଏକଙ୍କ ସୂଚନା ମୁତାବକ, ଗତକାଲି ପୁଲିସ୍ ଖଇରକାଠ ଜବତ କରିବା ପରେ ବନ ବିଭାଗକୁ ହସ୍ତାନ୍ତର କରିଥିଲେ । ବେଆଇନ ଚୋରା ଚାଲାଣ ବେଳେ ଗାଡ଼ିରୁ ବିପୁଳ ପରିମାଣରେ ଖଇରକାଠ ଜବତ ହୋଇଛି । ଏହି କାଠର ଆନୁମାନିକ ମୂଲ୍ୟ ୪୦ ହଜାର ଟଙ୍କାରୁ ଅଧିକ ହେବ ବୋଲି ଅନୁମାନ କରାଯାଉଛି। ଅନ୍ୟପଟେ ଅଭିଯୁକ୍ତ ଫେରାର ହୋଇଯାଇଥିବା ବେଳେ ବଲାଙ୍ଗୀର ଆରଟିଓ କାର୍ଯ୍ୟାଳୟରୁ ଗାଡ଼ିର ମାଲିକ କିଏ ଓ ଖଇରକାଠ କେଉଁଠିକୁ ଚାଲାଣ ହେଉଥିଲା, ସବୁ କିଛି ତନତନ କରି ତଦନ୍ତ କରୁଛି ବନ ବିଭାଗ ।
