ନୂଆଦିଲ୍ଲୀ,୪।୩: ଆମେରିକାକୁ ଧମକ ଦେଲେ ଉତ୍ତର କୋରିଆର ନେତା କିମ୍ ଜୋଙ୍ଗ ଉନ୍ଙ୍କ ଭଉଣୀ । ଦକ୍ଷିଣ କୋରିଆରେ ଆମେରିକା ବିମାନ ବାହକ ଯୁଦ୍ଧପୋତ ଓ ଅନ୍ୟ ସାମରିକ ଗତିବିଧିକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି କିମ୍ ଜୋଙ୍ଗଙ୍କ ଭଉଣୀ କିମ୍ ୟୋ ଜୋଙ୍ଗ। ସେ ଆମେରିକା ବିରୋଧରେ କାର୍ଯ୍ୟାନୁଷ୍ଠାନ ଧମକ ଦେଇଛନ୍ତି। କିମ୍ ୟୋ ଜୋଙ୍ଗ ଏହାକୁ ଆମେରିକାର ଉକସାଇବା କାର୍ଯ୍ୟ ବୋଲି କହିଛନ୍ତି।
କିମ୍ ୟୋ ଜୋଙ୍ଗଙ୍କ ଚେତାବନୀର ଅର୍ଥ ଏହା ଯେ, ଉତ୍ତର କୋରିଆ ହତିଆର ପରୀକ୍ଷଣ ଗତିବିଧିକୁ ଆହୁରି ଦ୍ରୁତ କରିବ। ଯେପରି ଆମେରିକା ବିରୋଧରେ ଆହୁରି ଲଢେଇ ଜାରି ରଖିବ। ତେବେ ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ କହିଛନ୍ତି, ସେ କୁଟାନୀତିକୁ ପୁନଃଜୀବିତ କରିବା ପାଇଁ କିମ୍ ଜୋଙ୍ଗ ଉନ୍ଙ୍କ ସହ ଯୋଗାଯୋଗ କରିବେ। ଉଲ୍ଲେଖନୀୟ ଯେ, ଗତ କାର୍ଯ୍ୟକାଳ ବେଳେ ଟ୍ରମ୍ପ ଉତ୍ତର କୋରିଆର ଏକଛତ୍ରବାଦୀ କିମ୍ ଜୋଙ୍ଗ୍ ଉନ୍ଙ୍କ ସହ ସାକ୍ଷାତ ମଧ୍ୟ କରିଥିଲେ।
ସରକାରୀ ଗଣମାଧ୍ୟମର ଖବର ଅନୁସାରେ, କିମ୍ ୟେ ଜୋଙ୍ଗ ଆମେରିକା ଉପରେ ଉତ୍ତର କୋରିଆ ପ୍ରତି ନିଜର ସବୁଠାରୁ ଶତ୍ରୁତାପୂର୍ଣ୍ଣ ଇଛାକୁ ସ୍ପଷ୍ଟ ରୂପରେ ଦେଖାଇବାର ଅଭିଯୋଗ କରିଛନ୍ତି। ସେ କହିଛନ୍ତି, କୋରିଆ ପ୍ରାୟଦ୍ବୀପରେ ଆମେରିକା ରଣନୈତିକ ସଂସାଧନର ମୁତୟନ ଉତ୍ତର କୋରିଆର ସୁରକ୍ଷା ଉପରେ ପ୍ରତିକୂଳ ପ୍ରଭାବ ପକାଇଥାଏ। ରବିବାର ଆମେରିକାର ବିମାନ ବାହନ ପୋତ ୟୁଏସ୍ଏସ୍ କାର୍ଲ ଭିନସନ୍ ଓ ଏହାର ‘ଷ୍ଟ୍ରାଇକ୍’ ସମୁହ ଦକ୍ଷିଣ କୋରିଆରେ ପହଁଞ୍ଚିଛି। କୁହାଯାଉଛି ଯେ, କିଛି ଦିନ ପୂର୍ବରୁ ଉତ୍ତର କୋରିଆ ହତିଆର ପରୀକ୍ଷଣ କରିଥିଲା। ଏହାର ଜବାବ୍ରେ ଡୋନାଲ୍ଡୋ ଟ୍ରମ୍ପ ଦକ୍ଷିଣ କୋରିଆରେ ଯୁଦ୍ଧ ଜାହାଜ ପଠାଇଛି। ଉଲ୍ଲେଖନୀୟ ଯେ, ଟ୍ରମ୍ପ ଏବେ କିମ୍ଙ୍କୁ ସ୍ମାର୍ଟ ଗାଈ ମଧ୍ୟ କହିଥିଲେ। ଯଦିଓ ଏବେ ତାଙ୍କ ସରକାର ଉତ୍ତର କୋରିଆ ବିରୋଧରେ କଡା ପଦକ୍ଷେପ ଉଠାଇଥିଲା। ଏହା ପୂର୍ବରୁ ଅକ୍ଟୋବରରେ କହିଥିଲା ଦକ୍ଷିଣ କୋରିଆର ମନି ମେସିନ୍ ରହିଛି ଓ ଏବେ ତାଙ୍କୁ ପ୍ରତିବର୍ଷ ୧୦ ବିଲିୟନ ଡଲାର ଦେବାକୁ ହେବ। ଆମେରିକାର ୨୮ ହଜାରରୁ ଅଧିକ ଯବାନ ଦକ୍ଷିଣ କୋରିଆରେ ମୁତୟନ ଅଛନ୍ତି।
