କଟକ, ୨୬।୫ ସାବିତ୍ରୀ ବ୍ରତ ଅବସରରେ କଟକ ସହରର ବିଭିନ୍ନ ଦେବାଳୟ ମାନଙ୍କରେ ପ୍ରବଳ ଭିଡ଼ ଜମିଥିଲା ଶ୍ରଦ୍ଧାଳୁମାନଙ୍କର। ସଧବା ନାରୀମାନେ ନିଜର ସ୍ବାମୀଙ୍କ ମଙ୍ଗଳ ଓ ଦୀର୍ଘାୟୁ କାମନା କରି ପୂଜା ଅର୍ଚ୍ଚନା କରିଛନ୍ତି। ସେହିଭଳି ନିଜର ଗୁରୁମାନଙ୍କ ମଙ୍ଗଳ କାମନା କରି ସାବିତ୍ରୀ ବ୍ରତ ପାଳନ କରିଛନ୍ତି କିନ୍ନରମାନେ।
କଟକ ସହରର ଶଙ୍କରପୁର ମା’ ସମଲେଶ୍ଵରୀଙ୍କ ମନ୍ଦିରରେ କିନ୍ନରମାନେ ଏକାଠି ହୋଇ ପୂଜା କରିଛନ୍ତି। ହିନ୍ଦୁ ପରମ୍ପରା ଅନୁଯାୟୀ, ଧୂପ ଦୀପ ନୈବେଦ୍ୟ ଲାଗି କରି ସାବିତ୍ରୀ ବ୍ରତ ଅବସରରେ ନିଜର ଗୁରୁଙ୍କ ଦୀର୍ଘାୟୁ କାମନା କରିଛନ୍ତି କିନ୍ନରମାନେ। ଯେହେତୁ କିନ୍ନର ସମାଜରେ ଗୁରୁମାନଙ୍କ ଭୂମିକା ଅଧିକ ରହିଥାଏ ତେଣୁ ଗୁରୁ ଙ୍କ ପାଇଁ ଏହି ବ୍ରତ ରଖୁଥିବା କଥା କହିଛନ୍ତି କିନ୍ନରମାନେ।
