ଗୋପାଳପୁର,୪/୫ : ଗୋପାଳପୁର ଥାନା ଅନ୍ତର୍ଗତ ବହାଦୁରପେଟା ଗାଁରେ ଦୁର୍ବୃତ୍ତମାନେ ତାଲା ଭାଙ୍ଗି ୨ଟି ଘରୁ ଲକ୍ଷାଧିକ ଟଙ୍କାର ସୁନା,ରୂପା ଓ ଟଙ୍କା ଲୁଟି ନେଇଥିବା ଥାନାରେ ଲିଖିତ ଅଭିଯୋଗ ହୋଇଛି l ସୂଚନା ଅନୁସାରେ ସେହି ଗ୍ରାମର ପ୍ରତିମା ବେହେରା କରାପଲ୍ଲୀ ଗୋବିନ୍ଦ ନଗରରେ ରହୁଛନ୍ତି l ଶୁକ୍ରବାର ରାତିରେ ବହାଦୁରପେଟାରେ ଥିବା ନିଜ ଘରର ଦୁଇଟି ତାଲା ଭାଙ୍ଗି ଦୁର୍ବୃତ୍ତମାନେ ଆଲମିରାରେ ଥିବା ଜିନିଷ ପତ୍ର ଫିଙ୍ଗାଫିଙ୍ଗି କରିବା ସହ ଏକ ସୁଟକେଶ ଭାଙ୍ଗି ସେଥିରେ ଥିବା ୪ ରୁ ୫ ଲକ୍ଷ ଟଙ୍କା ଚୋରି ହୋଇଥିବା ଥାନାରେ ଅଭିଯୋଗ କରିଥିଲେ l 

ତା’ସହ ପଡ଼ୋଶୀରେ ରହୁଥିବା ରାମକୃଷ୍ଣ ସାହୁଙ୍କ ଘରର ୩ଟି ତାଲା ଭାଙ୍ଗିବା ସହ ଆଲମିରା ଭାଙ୍ଗି ସେଥିରେ ଥିବା ସୁନା ଖାସୁ ଗୋଟିଏ, ୩ଯୋଡ଼ି ସୁନା କାନ ଫୁଲ, ୩ଟି ରୂପା ପାଉଁଜି, ଗୋଟିଏ ରୂପା ଚେନ, ଗୋଟିଏ ରୂପା ଲକେଟ, ଛୋଟିଆ ଛୋଟିଆ ସୁନା ଅଳଙ୍କାର ଚୋରି ହୋଇଥିବା ଅଭିଯୋଗ ହୋଇଛି l ଅଭିଯୋଗ ଅନୁସାରେ କେସ ନମ୍ବର ୧୩୧/୨୫ ମାମଲା ରୁଜୁ କରି ପୋଲିସ, ବ୍ରହ୍ମପୁର ସାଇଣ୍ଟଫିକ ଟିମ ଓ ସନ୍ଧାନୀ କୁକୁର ଘଟଣାସ୍ଥଳରେ ପହଂଚି ନମୁନା ସଂଗ୍ରହ କରିବା ସହ ତଦନ୍ତ କରୁଥିବା ପୋଲିସ କହିଛି l