ମୁମ୍ବାଇ,୦୫/୦୪: ପଞ୍ଚଭୂତରେ ବିଲୀନ ହୋଇଛି ବଲିଉଡ଼ କିମ୍ବଦନ୍ତୀ ଅଭିନେତା ତଥା ନିର୍ଦ୍ଦେଶକ ମନୋଜ କୁମାରଙ୍କ ପାର୍ଥିବ ଶରୀର । ରାଷ୍ଟ୍ରୀୟ ମର୍ଯ୍ୟାଦା ସହିତ ମୁମ୍ବାଇ ସ୍ଥିତ ଭିଲେ ପାର୍ଲେରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଛି । ପୁଅ କୁନାଲ ଗୋସ୍ୱାମୀ ମୁଖାଗ୍ନୀ ଦେଇଛନ୍ତି । ଲୁହ ଭିଜା ଆଖିରେ ଭାରତ କୁମାରଙ୍କୁ ବିଦାୟ ଦେଇଛି ବଲିଉଡ଼ ।

ମନୋଜ କୁମାରଙ୍କ ଶେଷ ଦର୍ଶନ କରିଥିଲେ ବଲିଉଡ଼ର ବହୁ ଅଭିନେତା ଅଭିନେତ୍ରୀ । ପୂର୍ବାହ୍ନ ପାଖାପାଖି ସାଢ଼େ ୧୦ଟାରେ ବାସ ଭାବନରୁ ଶେଷଯାତ୍ରାରେ ବାହାରିଥିଲେ ମନୋଜ କୁମାର । ଅମିତାଭ ବଚ୍ଚନ ଓ ତାଙ୍କ ପୁଅ ଅଭିଷେକ ବଚ୍ଚନ,ରାଜପାଲ ଯାଦବ, ବିନ୍ଦୁ ଦାରା, ସଂଙ୍ଗୀତ ନିର୍ଦ୍ଦେଶକ ଅନୁ ମଲ୍ଲିକ, ଅଭିନେତା ପ୍ରେମ୍ ଚୋପ୍ରା ମନୋଜଙ୍କ ଶେଷକୃତ୍ୟରେ ସାମିଲ ହୋଇଥିଲେ । ମହାରାଷ୍ଟ୍ର ମନ୍ତ୍ରୀ ପ୍ରତାପ ସରନେକଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ମନୋଜ କୁମାରଙ୍କ ଅନ୍ତିମ ଯାତ୍ରାରେ ଯୋଗ ଦେଇଥିଲେ ।

#WATCH | Mumbai, Maharashtra | State honour being accorded to actor Manoj Kumar

Legendary actor and film director Manoj Kumar passed away yesterday. At around 11:30 am today, Manoj Kumar's last rites will be performed at a cremation ground in Juhu. pic.twitter.com/Oxl3NImKsV

— ANI (@ANI) April 5, 2025

ଅଧିକ ପଢନ୍ତୁ...ମନୋଜ କୁମାରଙ୍କ ପାକିସ୍ତାନ କନେକ୍ସନ...ଜାଣନ୍ତୁ କିପରି ବନିଥିଲେ 'ଭାରତ କୁମାର'

ବାର୍ଦ୍ଧକ୍ୟଜନିତ ସ୍ୱାସ୍ଥ୍ୟ ସମସ୍ୟା ସହ ଲିଭର ସିରୋସିସ ରୋଗରେ ପୀଡ଼ିତ ଥିଲେ ମନୋଜ କୁମାର । ସପ୍ତାହେ ହେବ ହସ୍ପିଟାଲରେ ଚିକିତ୍ସାଧୀନ ଥିଲେ । ଗତକାଲି (ଶୁକ୍ରବାର) ମନୋଜ କୁମାରଙ୍କର ଦେହାନ୍ତ ହୋଇଥିଲା । ୮୭ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଥିଲେ ମନୋଜ କୁମାର । ଦେଶଭକ୍ତି ପାଇଁ ବଲିଉଡ଼ର ଭାରତ କୁମାର ନାମରେ ପରିଚୟ ପାଇଥିଲେ । ହିନ୍ଦୀ ସିନେମା ପ୍ରତି ତାଙ୍କର ଅତୁଳନୀୟ ଅବଦାନ ରହିଛି । ପଦ୍ମଶ୍ରୀ ସମେତ ଦାଦା ସାହେବ ଫାଲକେ ସମ୍ମାନରେ ସମ୍ମାନିତ ହୋଇଥିଲେ । ଫିଲ୍ମ 'ଉପକାର' ର ମେରେ ଦେଶ କୀ ଧରତୀ... ଗୀତ ଆଜି ବି ସର୍ବୋତ୍ତମ ଦେଶଭକ୍ତି ଗୀତ ମଧ୍ୟରୁ ଅନ୍ୟତମ ଭାବରେ ଗଣାହୁଏ । ମନୋଜ କୁମାରଙ୍କ ବିୟୋଗରେ ବଲିଉଡ଼ରେ ଶୋକର ଛାୟା ଖେଳିଯାଇଛି । ଲୁହ ଭିଜା ଆଖିରେ ତାଙ୍କୁ ବିଦାୟ ଦେଇଛି ବଲିଉଡ଼ ।