ମୁମ୍ବାଇ,୨୯/୦୭: ବଲିଉଡ଼ ଅଭିନେତା ଅକ୍ଷୟ କୁମାର । ସେ ତାଙ୍କର ବ୍ୟକ୍ତିଗତ ଓ ବୃତ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି । ଆଉ ଏହାରି ମଧ୍ୟରେ ତାଙ୍କୁ ନେଇ ସାମ୍ନାକୁ ଆସିଛି ଆଉ ଏକ ଖବର। ଅଭିନେତା ମୁମ୍ବାଇର ବୋରିଭାଲିରେ ଥିବା ତାଙ୍କର ଦୁଇଟି ବିଳାସପୂର୍ଣ୍ଣ ପ୍ଲାଟକୁ ବିକ୍ରି କରିଛନ୍ତି। ଯେଉଁଥିରୁ ସେ ଭଲ ଲାଭ ପାଇଛନ୍ତି। 

ତେବେ ଅକ୍ଷୟ କୁମାର ତାଙ୍କର ଦୁଇଟି ଫ୍ଲାଟକୁ ୭.୧୦ କୋଟି ଟଙ୍କାରେ ବିକ୍ରି କରିଛନ୍ତି। ଏହି ଦୁଇଟି ଫ୍ଲାଟ ଓବେରୟ ରିଅଲିଟିର ହାଇ-କ୍ଲାସର ସ୍କାଏ ସିଟି ପ୍ରୋଜେକ୍ଟରେ ଅଛି, ଯାହା ୨୫ ଏକର ଜମିରେ ବିସ୍ତାରିତ। ଏହି ଚୁକ୍ତି ଜୁନ୍ ୨୦୨୫ରେ ପଞ୍ଜୀକୃତ ହୋଇଥିଲା ଏବଂ ପ୍ରପର୍ଟି ପ୍ଲାଟଫର୍ମ ସ୍କୋୟାର ୟାର୍ଡସ୍ ଏହା ବିଷୟରେ ସୂଚନା ଦେଇଥିଲା। ପ୍ରଥମ ସମ୍ପତ୍ତି ୧,୧୦୧ ବର୍ଗଫୁଟର, ଯାହାକୁ ଅକ୍ଷୟ କୁମାର ୫.୭୫ କୋଟି ଟଙ୍କାରେ ବିକ୍ରି କରିଥିଲେ। ଏହାକୁ ସେ ୨୦୧୭ରେ ୩.୦୨ କୋଟି ଟଙ୍କାରେ କିଣିଥିଲେ, ଅର୍ଥାତ୍ ଏଥିରେ ପ୍ରାୟ ୯୦% ବୃଦ୍ଧି ହୋଇଛି। 

ଏଥିରେ ୩୪.୫୦ଲକ୍ଷ ଟଙ୍କା ଷ୍ଟାମ୍ପ ଡ୍ୟୁଟି ଏବଂ ୩୦ ହଜାର ଟଙ୍କା ପଞ୍ଜୀକରଣ ଫି' ଥିଲା। ଏହି ସମ୍ପତ୍ତିରେ ଦୁଇଟି କାର ପାର୍କିଂ ସ୍ଥାନ ମଧ୍ୟ ରହିଛି। ଦ୍ୱିତୀୟ ସମ୍ପତ୍ତିଟି ୨୫୨ ବର୍ଗଫୁଟ, ଯାହାକୁ ୧.୩୫ କୋଟି ଟଙ୍କାରେ ବିକ୍ରି କରାଯାଇଛି। ଏହାକୁ ୨୦୨୧୭ ରେ ୬୭.୯୦ ଲକ୍ଷ ଟଙ୍କାରେ କିଣାଯାଇଥିଲା, ଯାହା ୯୯% ବୃଦ୍ଧି ଦର୍ଶାଉଛି। ଏହି ଚୁକ୍ତିରେ ୬.୭୫ ଲକ୍ଷ ଟଙ୍କା ଷ୍ଟାମ୍ପ ଡ୍ୟୁଟି ଥିଲା। 

ବୋରିଭାଲି ପୂର୍ବ ମୁମ୍ବାଇର ଏକ ପଶ ଅଞ୍ଚଳ, ଯାହା ପଶ୍ଚିମ ଏକ୍ସପ୍ରେସ ହାଇୱେ, ମେଟ୍ରୋ ଲାଇନ 7 ଏବଂ ଉପନଗରୀୟ ରେଳପଥ ଦ୍ୱାରା ଭଲ ଭାବରେ ସଂଯୁକ୍ତ। ଏହା ସଞ୍ଜୟ ଗାନ୍ଧୀ ଜାତୀୟ ଉଦ୍ୟାନ ନିକଟରେ ଅବସ୍ଥିତ ଏବଂ ଗୋରେଗାଓଁ, ମାଲାଡ ଭଳି ବ୍ୟବସାୟିକ କେନ୍ଦ୍ର ନିକଟରେ ମଧ୍ୟ ଅବସ୍ଥିତ। ସ୍କାଏ ସିଟିରେ 3BHK, ଷ୍ଟୁଡିଓ ଏବଂ ଡୁପ୍ଲେକ୍ସ ଆପାର୍ଟମେଣ୍ଟ ଅଛି। ସ୍କୋୟାର ୟାର୍ଡସ ଅନୁଯାୟୀ, ଏହି ପ୍ରକଳ୍ପରେ ଅଗଷ୍ଟ 2024 ରୁ ଜୁଲାଇ 2025 ପର୍ଯ୍ୟନ୍ତ 100 ଟି ଡିଲ୍ ରୁ 428 କୋଟି ଟଙ୍କାର ବିକ୍ରୟ ହୋଇଛି। ଅକ୍ଷୟଙ୍କ ବ୍ୟତୀତ ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନ ମଧ୍ୟ ମେ 2024 ଠାରୁ ଏହି ପ୍ରକଳ୍ପରେ ଅନେକ ସମ୍ପତ୍ତି କିଣିଛନ୍ତି। ଅକ୍ଷୟଙ୍କ ଫିଲ୍ମ 'କେସରୀ 2' ସମ୍ପ୍ରତି ମୁକ୍ତିଲାଭ କରିଛି।