ଭୁବନେଶ୍ବର: ୧୪ ବର୍ଷ ପରେ ବ୍ରହ୍ମପୁର ବଡବଜାର ଥାନା ଶ୍ରୀରାମନଗର ଅଞ୍ଚଳର ଧୀର ସାମଲ ହତ୍ୟାକାଣ୍ଡ ଘଟଣାର ରାୟ ପ୍ରକାଶ ପାଇଛି । ଘଟଣାରେ ୫ ଜଣଙ୍କୁ ଆଜୀବନ ଦଣ୍ଡାଦେଶ ଶୁଣାଇଛନ୍ତି ଜିଲ୍ଲା ଓ ଦୌରା ଜଜ । ବିଳମ୍ବରେ ହେଲେ ମଧ୍ୟ ନ୍ୟାୟ ମିଳି ଥିବାରୁ ନ୍ୟାୟର ଜୟ ହୋଇଛି ବୋଲି ପରିବାର ବର୍ଗ କହିଛନ୍ତି । ବ୍ରହ୍ମପୁର ବଡବଜାର ଥାନା ଶ୍ରୀରାମନଗର ଅଞ୍ଚଳରେ ୨୦୧୦ ଜୁଲାଇ ମାସ ୨୨ ତାରିଖରେ ଧୀର ସାମଲକୁ ହତ୍ୟା କରିଥିଲେ ଦୁର୍ବୁତ୍ତ । ଏକ ଚା ଦୋକାନରେ ଚା ପିଉଥିବା ବେଳେ ଦୁର୍ବୁତ୍ତ ମାନେ ଧୀରକୁ ଟାର୍ଗେଟ କରି ଆକ୍ରମଣ କରିଥିଲେ ବୋଲି ମୃତକ ଧୀର ସାମଲଙ୍କ ପୁଅ କହିଛନ୍ତି । ଏହି ହତ୍ୟାକାଣ୍ଡ ଘଟଣାକୁ ୧୪ ବର୍ଷ ବିତିଛି । ଆଜି ଜିଲ୍ଲା ଓ ଦୌରା ଜଜ ରାୟ ପ୍ରକାଶ କରିଛନ୍ତି । ୨୪ ଜଣ ସାକ୍ଷୀଙ୍କ ବୟାନ, ପ୍ରମାଣକୁ ଭିତ୍ତି କରି ଜିଲ୍ଲା ଓ ଦୌରା ଜଜ ୫ ଜଣଙ୍କୁ ଆଜୀବୀନ ଦଣ୍ଡାଦେଶ ରାୟ ଶୁଣାଇଥିବା ସରକାରୀ ଓକିଲ ତ୍ରିଲୋଚନ ପରିଡା କହିଛନ୍ତି ।
କାଳିଆ ସେଠୀ, କୃଷ୍ଣ ପାତ୍ର, ସନିଆ ରାଉତ, ସଞ୍ଜୟ ପ୍ରଧାନ, ପିଙ୍କୁ ପାତ୍ରଙ୍କୁ ଜିଲ୍ଲା ଓ ଦୌରା ଜଜ ଦୋଷୀ ସାବ୍ୟସ୍ତ ରାୟ ଶୁଣାଇଥିବା ବେଳେ ରିଙ୍କୁ ପାତ୍ର, ମଙ୍ଗୁଳୁ ବେହେରା, ସନ୍ତୋଷ ପାତ୍ର ୩ ଜଣ ନିର୍ଦ୍ଦୋଷରେ ଖଲାସ ହୋଇଛନ୍ତି ।
