ଭୁବନେଶ୍ବର ୧୫/୦୭ : ବଦଳୁଥିବା ସମାଜ ଓ ଜୀବନଶୈଳୀ ସହିତ ଭାରତର ବଡ଼ ସହରଗୁଡ଼ିକରେ ଲିଭ୍-ଇନ୍ ରିଲେସନସିପରେ ରହୁଥିବା ଯୁବ କପଲଙ୍କ ସଂଖ୍ୟା ବଢ଼ୁଛି। କିନ୍ତୁ ଏଭଳି ସମ୍ପର୍କରେ ରହୁଥିବା ଅନେକ ଲୋକଙ୍କୁ ଭଡ଼ା ଘର ଖୋଜିବା ସମୟରେ ବଡ଼ ସମସ୍ୟାର ସାମ୍ନା କରିବାକୁ ପଡ଼ୁଛି। ଅନେକ ସମୟରେ ଘର ମାଲିକ କିମ୍ବା ହାଉସିଂ ସୋସାଇଟିର RWA ଅବିବାହିତ କପଲଙ୍କୁ ଘର ଦେବାକୁ ମନା କରିଦିଅନ୍ତି। ସେମାନେ ସାମାଜିକ ମାନ୍ୟତା, ପଡ଼ୋଶୀଙ୍କ ଆପତ୍ତି କିମ୍ବା ସୋସାଇଟିର ନିୟମକୁ କାରଣ ଭାବେ ଦର୍ଶାନ୍ତି। ଫଳରେ ଅନେକ କପଲଙ୍କୁ ଘର ଖୋଜିବାରେ ବହୁ ସମସ୍ୟାରେ ସମ୍ମୁଖୀନ ହେବାକ ପଡ଼େ । ତେବେ ପ୍ରଶ୍ନ ଉଠୁଛି, ଲିଭ୍-ଇନ୍ ରିଲେସନସିପରେ ରହିବା ଭାରତୀୟ ଆଇନ ଅନୁସାରେ ବୈଧ କି ? ଏବଂ କେବଳ ଏହି କାରଣରୁ କାହାକୁ ଘର ଦେବାକୁ ମନା କରାଯାଇପାରିବ କି ? ଆସନ୍ତୁ ଜାଣିବା ଏହି ସ୍ପେଶାଲ ରିପୋର୍ଟରେ ..
ଭାରତୀୟ ଆଇନ ଦୁଇଜଣ ପ୍ରାପ୍ତବୟସ୍କ ବ୍ୟକ୍ତିଙ୍କୁ ନିଜ ଇଚ୍ଛା ଓ ପରସ୍ପର ସମ୍ମତିରେ ଏକାଠି ରହିବାକୁ ରୋକେ ନାହିଁ। ସମ୍ବିଧାନର ଅନୁଚ୍ଛେଦ ୨୧ ଅନୁସାରେ ପ୍ରତ୍ୟେକ ନାଗରିକଙ୍କର ଜୀବନ ଓ ବ୍ୟକ୍ତିଗତ ସ୍ୱାଧୀନତାର ଅଧିକାର ରହିଛି । ସୁପ୍ରିମକୋର୍ଟ ମଧ୍ୟ ନିଜର ଅନେକ ରାୟରେ କହିଛନ୍ତି ଯେ, ଦୁଇଜଣ ବୟସ୍କ ନିଜ ପସନ୍ଦରେ କିପରି ଜୀବନ ବିତାଇବେ, ତାହା ତାଙ୍କର ବ୍ୟକ୍ତିଗତ ଅଧିକାର। ଲିଭ୍-ଇନ୍ ରିଲେସନସିପକୁ ଅପରାଧ ଭାବେ ଦେଖାଯାଏ ନାହିଁ।
ଆହୁରି ପଢନ୍ତୁ ;- ବଙ୍ଗୋପସାଗରରେ ସୃଷ୍ଟି ହେଲା ଲଘୁଚାପ: ସାରା ଓଡ଼ିଶାରେ ପ୍ରବଳ ବର୍ଷିବ, ୯ ଜିଲ୍ଲାକୁ ଅରେଞ୍ଜ ଓ ୧୦ ଜିଲ୍ଲାକୁ ୟେଲୋ ଆଲର୍ଟ
ଲିଭ୍-ଇନ୍ ରିଲେସନସିପରେ ରହୁଥିବା ମହିଳାଙ୍କ ପାଇଁ ଘରୋଇ ହିଂସାରୁ ମହିଳା ସୁରକ୍ଷା ଆଇନ, ୨୦୦୫ରେ ବିଶେଷ ସୁରକ୍ଷା ବ୍ୟବସ୍ଥା ରହିଛି । ଯଦି ସମ୍ପର୍କରେ ମହିଳାଙ୍କ ସହ ହିଂସା, ମାନସିକ ନିର୍ଯାତନା କିମ୍ବା ଆର୍ଥିକ ଶୋଷଣ ହୁଏ, ତେବେ ସେ ଆଇନର ସହାୟତା ନେଇପାରିବେ।
ସହରୀକରଣ ଓ ପରିବର୍ତ୍ତିତ ଜୀବନଶୈଳୀ ସହିତ ଲିଭ୍-ଇନ୍ ରିଲେସନସିପକୁ ନେଇ ସମାଜର ଦୃଷ୍ଟିଭଙ୍ଗୀ ମଧ୍ୟ ଧୀରେ ଧୀରେ ବଦଳୁଛି। ଯଦିଓ ସାମାଜିକ ସ୍ୱୀକୃତି ଏବେ ବି ଏକ ଚ୍ୟାଲେଞ୍ଜ ରହିଛି, କିନ୍ତୁ ଆଇନ ଦୃଷ୍ଟିରୁ ଦୁଇ ବୟସ୍କଙ୍କ ସମ୍ମତିରେ ଏକାଠି ରହିବା ଅପରାଧ ନୁହେଁ। ଆଇନ ଅନୁସାରେ କେବଳ କେହି ଲିଭ୍-ଇନରେ ରହୁଛନ୍ତି ବୋଲି ତାଙ୍କୁ ଅପମାନ କରିବା କିମ୍ବା ତାଙ୍କର ବ୍ୟକ୍ତିଗତ ଅଧିକାରକୁ ଅସ୍ୱୀକାର କରିବା ଠିକ୍ ନୁହେଁ । ଭାରତୀୟ ଆଇନ ଅନୁସାରେ ଦୁଇଜଣ ବୟସ୍କଙ୍କ ସମ୍ମତିରେ ଲିଭ୍-ଇନ୍ ରିଲେସନସିପରେ ରହିବା ବୈଧ। ସାମାଜିକ ଧାରଣା ଏବେ ବି ଏକ ଚ୍ୟାଲେଞ୍ଜ ହୋଇଥିଲେ ମଧ୍ୟ, ଆଇନ ବ୍ୟକ୍ତିର ସ୍ୱାଧୀନତା ଓ ନିଜ ପସନ୍ଦର ଅଧିକାରକୁ ସୁରକ୍ଷା ଦିଏ।
