ସାନଖେମୁଣ୍ଡି, ୨୧/୭: ରବିବାର ବିଳମ୍ବିତ ରାତିରେ ପ୍ରଧାନ ଶିକ୍ଷକଙ୍କ ଘରେ କଳା କନା ବୁଲାଇଲେ ଦୁର୍ବୁର୍ତ୍ତ। ତାଲା ଭାଙ୍ଗି ଆଲମାରୀ ତାଡ଼ି ନେଇଗଲେ ସୁନା ଗହଣା ଓ ଟଙ୍କା। ଗଞ୍ଜାମ ଜିଲ୍ଲା ପାଟପୁର ଥାନା ଖଣ୍ଡଦେଉଳି ଗାଁରେ ଏହି ଘଟଣା ଘଟିଛି। ପ୍ରଧାନ ଶିକ୍ଷକ ଟୁକୁନା ପ୍ରଧାନ ଓ ଅନ୍ୟ ଜଣଙ୍କ ଘରେ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି।
ପ୍ରଧାନ ଶିକ୍ଷକଙ୍କ ଘରୁ ପାଞ୍ଚ ଭରି ସୁନା ଅଳଙ୍କାର, ଟଙ୍କା ନେଇଯାଇଥିବା ବେଳେ ଅନ୍ୟ ଜଣଙ୍କ ଘରୁ ଆଠ ହଜାର ଟଙ୍କା ସହ ଆସବାବପତ୍ର ନେଇଯାଇଥିବା ଥାନାରେ ଅଭିଯୋଗ ହୋଇଛି। ଏପରିକି ପ୍ରଧାନ ଶିକ୍ଷକଙ୍କ ମାଆ ସଜନି ପ୍ରଧାନଙ୍କ ବେକରୁ ଅଳଙ୍କାର କୌଶଳକ୍ରମେ ଛିଣ୍ଡାଇ ନେଇଛନ୍ତି। ଅଭିଯୋଗ ପରେ ପାଟପୁର ଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
