ବ୍ରହ୍ମପୁର,୦୩/୦୪: ମାଆ ବୁଢୀ ଠାକୁରାଣୀଙ୍କ ଦ୍ୱିବାର୍ଷିକ ଯାତ୍ରା ଆଜିଠାରୁ ଆରମ୍ଭ ହେବ । ଏ ନେଇ ମଧ୍ୟାହ୍ନ ୧୨ ଟାରେ ଯାତ୍ରା ମୁଖ୍ୟ ପରିଚାଳକ ତଥା ବାପା ପାତର୍ଲା ଦୁର୍ଗା ପ୍ରସାଦ ଦେଶୀ ବେହେରା ମାଆଙ୍କୁ ନିମନ୍ତ୍ରଣ ଦେଇଛନ୍ତି । ମଧ୍ୟାହ୍ନ ୧୧.୩୦ ରେ ଦେଶୀବେହେରା ସାହିରୁ ପାରମ୍ପରିକ ବାଜା ସହ ପଟୁଆରରେ ବାହାରିଥିଲେ। ପ୍ରଥମେ ମାଆ ବୁଢୀ ସାଆନ୍ତାଣୀ ମନ୍ଦିରରେ ପହଞ୍ଚିଥିଲେ । ସେଠାରେ ମାଙ୍କୁ ନିମନ୍ତ୍ରଣ ଦେଇଥିଲେ। ରାତିରେ ବିରାଟ ପଟୁଆରରେ ଆସି ବାପ ଘରକୁ ସାଥିରେ ନେବେ। ଏହାପରେ ସବ୍ ରେଜିଷ୍ଟ୍ରାର ଅଫିସ୍ ନିକଟ ସାନ ଠାକୁରାଣୀଙ୍କ ମନ୍ଦିରରେ ପହଞ୍ଚି ମାଆଙ୍କୁ ନିମନ୍ତ୍ରଣ ଦେଇଥିଲେ ।
ସୂଚନା ଥାଉକି, ବୁଢୀ ସାଆନ୍ତାଣୀ ଶାଶୁ ଘର ହୋଇଥିବା ବେଳେ ସାନ ଠାକୁରାଣୀ ବୋହୂଙ୍କ ମନ୍ଦିର। ନିମନ୍ତ୍ରଣ ସମୟରେ ଦେଶୀବେହେରାଙ୍କ ସମେତ ପତ୍ନୀ ପି. ଦେବକୀଙ୍କ ସମେତ ବହୁ ପରିବାର ସଦସ୍ୟ ଉପସ୍ଥିତ ଥିଲେ।
