ମାଲକାନଗିରି, ୮/୩ (ଆପ୍ର) ଉତ୍ସବ ମୁଖର ହୋଇପଡିଛି ମାଲକାନଗିରି ସହର। ଆନ୍ଧ୍ର, ଓଡିଶା, ଛତିଶଗଡ, ତେଲାଙ୍ଗାନ ଚାରିରାଜ୍ୟ ସୀମାନ୍ତରେ କେଉଁ ଆବାହନକାଳରୁ ମାସେ ତମାମ ଚାଲିଆସୁଥିବା ବଡଯାତ୍ରା ବଡଠାକୁର ଶ୍ରୀ ଶ୍ରୀ କାନମରାଳ(ଶ୍ରୀ କୃଷ୍ଣ), ପୋତରାଳ(ଭୀମ), ବାଲରାଜ(ଅର୍ଜୁନ) ଓ ମା’ ମୁତ୍ୟାଲୁମା(ଦୁର୍ଗା ମାତା) ଶନିବାର ସକାଳେ ମାଲକାନଗିରି ସହର ମୁଣ୍ଡ କନ୍ୟାମାଝି ବନ୍ଧ ମଣ୍ଡପରେ ପହଞ୍ଚି ଭୋଗ ପାଇଛନ୍ତି ।
ପବିତ୍ର ତମସା ନଦୀକୂଳ ଠାରୁ ଶନିବାର ପ୍ରାତଃରୁ ସୁସଜିତ ବିମାନରେ ପୁଜାରୀ ଓ ଲାଠିଧାରି ଭକ୍ତମାନେ ଶୋଭାଯାତ୍ରା ରେ କନ୍ୟାମାଝି ପୁଜା ମଣ୍ଡପନିକଟରେ ପହଁଚାଇଥିଲେ । ରାସ୍ତାତମାମ ଭୋଗପାଇ ବଡଯାତ୍ରା ଠାକୁର ମାଲକାନଗିରି କନ୍ୟା ମାଝିବନ୍ଧ ଠାରେ ପହଁଚିବା ପରେ ବଡଯାତ୍ରା ପାଟପୂଜାରୀ, ପୁଜାକମିଟିର ସଭାପତି ତହସିଲଦାର ଓ ଅନ୍ୟାନ ଅଧିକାରୀ ପୁଜାକମିଟିର ସଦସ୍ୟ ମାନେ ରାଜ ଭୋଗ ଲଗାଇବା ପରେ ଶ୍ରୀ ଶ୍ରୀ କାନମରାଜ, ପୋତରାଜ, ବାଲରାଜ ଓ ମା ମୁତ୍ୟାଲୁମା ଙ୍କୁ ମଣ୍ଡପ ଚାରିପାଖରେ ସାତଭେରା ପରିକ୍ରମା କରିସାରିବା ପରେ ଠାକୁରଙ୍କୁ ପାଳମଣ୍ଡପକୁ ପ୍ରବେଶ କରା ଯାଇଥିଲା। ମାନସିକ ଧାରୀ ଭକ୍ତ ମାନେ ଠାକୁରଙ୍କୁ ଦର୍ଶନକରି ଭୋଗ ଲଗାଇଥିଲେ । କାଳସୀ ନୃତ୍ୟ ସାଙ୍ଗକୁ ଦିଶାରି ପୁଜାରୀ ଗୁଣିଆଙ୍କ ଲାଠିଧାରି ଙ୍କ ନାଟବେଶ ଚମତ୍କାର ଦୃଶ୍ୟ ଦେଖିବାକୁ ମିଳିଥିଲା । ଏହି ଅବସରେ ପୁଲିସ ପ୍ରଶାସନ, ସତ୍ୟସାଇ ସେବା ସଂସ୍ଥା, ଶିବାନନ୍ଦ ଆଶ୍ରମ, କେତକ ସ୍ୱଚ୍ଛାସେବି ଅନୁଷ୍ଠାନ, ଯୁବକ ସଂଘ ପକ୍ଷରୁ ସମସ୍ତ ଭକ୍ତଙ୍କ ପାଇଁ ଦହିପଣା,ଲେମ୍ବୁପାଣି ଓ ଅର୍ନପ୍ରସାଦ ସେବନ ର ବ୍ୟବସ୍ଥା କରିଥିଲେ । ଓଡିଶା, ଆନ୍ଧ୍ର, ତେଲାଙ୍ଗାନା, ଛତିଶଗଡ ଚାରି ରାଜ୍ୟରୁ ଭକ୍ତମାନେ ଉପସ୍ଥିତ ଥିଲେ । ପୁଲିସ ପ୍ରାଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥାର ଆୟୋଜନ କରା ଯାଇଥିଲା । ରାତ୍ରରେ ବଡ ଯାତ୍ରା ଠାକୁରଙ୍କ ବିମାନକୁ ବିରାଟ ଶୋଭାଯାତ୍ରାରେ କନ୍ୟାମାଝି ବନ୍ଧରୁ ମାଣ୍ଡିଆଭଟା ମଣ୍ଡପ ନିକଟକୁ ନିଆଯାଇ ସେଠାରେ ରାଷ୍ଟ୍ର ରହଣି କରାଯାଇଛି ।
ମାଲକାନଗିରି ଜିଲ୍ଲାର ଗଣପର୍ବ ବଡ ଯାତ୍ରା ଦୁଇବର୍ଷ ଅନ୍ତର ରେ ଗତ ୩ତାରିଖ ଠାରୁ ଆନ୍ଧ୍ର, ଓଡିଶା, ଛତିଶଗଡ, ଦେଲାଙ୍ଗାନା ଚାରିରାଜ୍ୟ ସୀମାନ୍ତ ମାନ୍ୟମକୋଣ୍ଡା ପୋଲେରୁ ଠାରୁ ଆରମ୍ଭ ହୋଇଯାଇଛି । ଆନ୍ଧ୍ରପ୍ରଦେଶ ଡାଡାକାରେଉରେ ସ୍ନାନ ଯାତ୍ରା ପରେ ପବିତ୍ର ସିଲେରୁ ନଦୀରେ ବଡଯାତ୍ରା ଚିନିଠାକୁର ଙ୍କ ନୌକାବିହାର ହୋଇଥିଲା । ପୂଜାରି ଦିଶାରୀ ଭକ୍ତମାନେ ଠାକୁରଙ୍କ ବିମାନ କାନ୍ଧେଇ ଦୀର୍ଘ ୧୦୦ କିଲୋମିଟର ପାଦରେ ଚାଲିଚାଲି ମାଲକାନଗିରି ସହର ର ପ୍ରବେଶ ଦ୍ବାର ଏମଭି ୭ ଗ୍ରାମ ତମସା ନିକଟରେ ପହଁଚିଥିଲେ। ଶନିବା ବଡି ଭୋରୁ ଚମାସା ଠାରୁ କନ୍ୟାମାଝୀ ବନ୍ଧ ପୂଜା ମଣ୍ଡପ ନିକଟକୁ ଶୋଭା ଯାତ୍ରାରେ ଠାକରଙ୍କ ବିମାନକୁ ନିଆ ଯାଇଥିଲା ।
କନ୍ୟାମାଝୀ ବନ୍ଧନିକଟକୁ ସହର ଓ ବିଭିନ୍ନ ସ୍ଥାନରୁ ଆସିଥିବା ଦେବା ଦେବିଙ୍କ ବିମାନ କୁ ଏକତ୍ରିତ କରାଯାଇ ରାତ୍ରରେ ସୋଭା ଯାତ୍ରାରେ ମାଣ୍ଡିଆଭଟା ପୁଜା ମଣ୍ଡପ ନିକଟକୁ ନିଆଯାଇଛି । କେଉଁ ଆବାହନ କାଳରୁ ମାସେ ତମାମ ଚାଲିଆସୁଥିବା ବଡଯାତ୍ରା ତିନି ଠାକୁର ଓ ମା’ ମୁତ୍ୟାଲୁମା ଙ୍କ ବିମାନ ମାଲକାନଗିରି ଜିଲ୍ଲାସଦର ମହକୁମା ଠାରେ ପହଁଚିବା ପରେ ଉତ୍ସବ ମୁଖର ହୋଇପଡିଛି ସହର। ଶ୍ରୀ ଶ୍ରୀ କାନମରାଜ, ପୋତରାଜ, ବାଲିରାଜ ଓ ମା ମୁତ୍ୟାଲୁମା ଙ୍କୁ ସୁସଜିତ ବିମାନରେ ପୁଜାରୀ ମାନେ ଓ ବିଭିନ୍ନ ଗ୍ରାମରୁ ଆସିଥିବା ଠାକୁର ବିମାନ, ଲାଠି ଧରି ଭକ୍ତମାନେ ଶୋଭା ଯାତ୍ରା ରାତ୍ରରେ ମାଣ୍ଡିଆଭଟା ମଣ୍ଡପନିକଟରେ ପହଁଚିଛନ୍ତି । ଏହି ଶୋଭା ଯାତ୍ରାରେ ପାରମ୍ପାରିକ କାଳସି ନାଟ କରାଯାଇଥିଲା। ବିଭିନ୍ନ ଅଚଂଳରୁ ଭକ୍ତମାନେ ଆସି ଠାକୁର ଦର୍ଶନ କରିଥିଲେ । ମଣ୍ଡପରେ ଠାକୁର ପ୍ରଦେଶ ପରେ ମାନସିକ ଧାରୀ ଭକ୍ତ ମାନେ ଠାକୁରଙ୍କ ନିକଟରେ ପଶୁ ପକ୍ଷୀ ବଳି ଚଢାଇବାସହ ବାଲ୍ୟ ଭୋଗ ଲଗାଇଥିଲେ । କାଳସୀନୃତ୍ୟ ସାଙ୍ଗକୁ ଦିଶାରି ପୁଜାରୀ ଗୁଣିଆଙ୍କ ଲାଠିଧାରି ନାଚ ବେସ ଚମତ୍କାର ଦୃଶ୍ୟ ଦେଖିବାକୁ ମିଳିଥିଲା । ମାଲକାନଗିରି ସହର ରେ ମିନାବଜାର, ସାଙ୍ଗକୁ ବିଭିନ୍ନ ପ୍ରକାର ଦୋକାନ ବଜାର ଖୋଲା ଯାଇଛି, ସମଗ୍ର ମାଲକାନଗିରି ସହରଭତ୍ସବ ମୁଖର ହୋଇପଡିଛି ।
