ଭୁବନେଶ୍ୱର ୦୪/୦୩: ଲାଲଗଡ଼ରେ ମାଓବାଦୀଙ୍କ ବର୍ବର କାଣ୍ଡ। ପୁଣି ନରହନ୍ତା ପାଲଟିଲେ ନକ୍ସଲ। ଘରେ ପଶି ବୃଦ୍ଧଙ୍କ ଗଳା କାଟି ବିଭତ୍ସ ଭାବେ କଲେ ହତ୍ୟା। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିବା ସହ ମାମଲା ରୁଜୁ କରିଛି। ଏଭଳିି ଅଭାବନୀୟ ଘଟଣା ଚିନ୍ତାଗୁମ୍ଫା ଥାନା ଅନ୍ତର୍ଗତ ପେଣ୍ଟାପାଡ ଗାଁରେ ଘଟିଛି।
ସୂଚନା ମୁତାବକ, ମାଲକାନଗିରି ଛତିଶଗଡ ସିମାନ୍ତ ସୁକୁମା ଜିଲ୍ଲାରେ ପୁଣି ମାଓ ହିଂସା ଦେଖିବାକୁ ମିଳିଛି। ପୂର୍ବତନ ବିଧାୟକ ମନିଷ କୁଞ୍ଜାମଙ୍କ ସାନ ଶଶୁର କମଲୁ ହିଡମାଙ୍କୁ ମାଓବାଦୀମାନେ ଗଳା କାଟି ହତ୍ୟା କରିଛନ୍ତି । ଚିନ୍ତାଗୁମ୍ଫା ଥାନା ଅନ୍ତର୍ଗତ ପେଣ୍ଟାପାଡ ଗାଁର ନିଜ ଘରେ ୬୫ ବର୍ଷୀୟ ବୃଦ୍ଧ କମଲୁ ଶୋଇଥିବା ବେଳେ ୨୦ ରୁ ୨୫ ଜଣ ମାଓବାଦୀ ତାଙ୍କ ଘରେ ପଶି ଏହି ହତ୍ୟାକାଣ୍ଡ କରିଛନ୍ତି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
