ନୂଆଦିଲ୍ଲୀ,୦୩/୦୪: ବର୍ଦ୍ଧିତ ଉତ୍ପାଦନ ଖର୍ଚ୍ଚକୁ ନଜର ରଖି କାର୍ ନିର୍ମାତା ମାରୁତି ସୁଜୁକି ଏହାର ବିଭିନ୍ନ ମଡେଲ୍ ଦରରେ ବୃଦ୍ଧି ଘୋଷଣା କରିଛି । ଏପ୍ରିଲ ୮ରୁ କାର୍ଗୁଡ଼ିକର ଦର ବଢ଼ିବ ।
ମାର୍ଚ୍ଚ ୧୭ରେ କମ୍ପାନି ଘୋଷଣା କରିଥିଲା ଯେ, ୨୦୨୫ ଏପ୍ରିଲରୁ ଏହାର ଗାଡ଼ିଗୁଡ଼ିକର ଦର ୪% ପର୍ଯ୍ୟନ୍ତ ମହଙ୍ଗା ହେବ । ଚଳିତବର୍ଷ ଜାନୁଆରୀରେ ବି କମ୍ପାନି ସମାନ ମାତ୍ରାରେ ବୃଦ୍ଧିକୁ ଲାଗୁ କରିଥିଲା । ଫେବ୍ରୁଆରୀରେ ମଧ୍ୟ କମ୍ପାନି ଏହାର ନିର୍ଦ୍ଧିଷ୍ଟ ମଡେଲ ଦରରେ ୧୫୦୦ରୁ ୩୨,୫୦୦ ଟଙ୍କା ପର୍ଯ୍ୟନ୍ତ ବୃଦ୍ଧି କରିଥିଲା । ବର୍ତ୍ତମାନର ଏହି ବୃଦ୍ଧି ଫଳରେ ମାରୁତି ସୁଜୁକି ଗ୍ରାଣ୍ଡ୍ ଭିଟାରା ସବୁଠାରୁ ଅଧିକ ୬୨,୦୦୦ ଟଙ୍କା ପର୍ଯ୍ୟନ୍ତ ମହଙ୍ଗା ହେବ । ଇକୋ ୨୨,୫୦୦ ଟଙ୍କା ପର୍ଯ୍ୟନ୍ତ, ୱାଗନ୍- ଆର୍ ୧୪,୦୦୦ ଟଙ୍କା ପର୍ଯ୍ୟନ୍ତ, ଆର୍ଟିଗା ୧୨,୫୦୦ ଟଙ୍କା ପର୍ଯ୍ୟନ୍ତ, ଏକ୍ସଏଲ୍୬ ୧୨,୫୦୦ ଟଙ୍କା ପର୍ଯ୍ୟନ୍ତ, ଡିଜାୟାର୍ ଟୁର୍ ଏସ୍ ୩,୦୦୦ ଟଙ୍କା ପର୍ଯ୍ୟନ୍ତ ଏବଂ ଫ୍ରଙ୍କ୍ସ ୨,୫୦୦ ଟଙ୍କା ପର୍ଯ୍ୟନ୍ତ ମହଙ୍ଗା ହେବ ।
