ନୂଆଦିଲ୍ଲୀ,୧୯/୦୪; କୋଲକାତା ନାଇଟ୍ ରାଇଡର୍ସ ଚଳିତ ଆଇପିଏଲରେ ଖରାପ ପ୍ରଦର୍ଶନ କରିଛି । ତିନି ଥର ଚାମ୍ପିଅନ୍ ଏପର୍ଯ୍ୟନ୍ତ ସେମାନଙ୍କର ଖାତା ଖୋଲିପାରିନାହିଁ । କୋଲକାତାର ଦୁର୍ବଳତା ହେଉଛି ସେମାନଙ୍କର ବୋଲିଂ, କିନ୍ତୁ ଏବେ ଏହି ଅଭାବ କିଛିଟା ପୂରଣ ହୋଇପାରେ । କାରଣ ସେମାନଙ୍କର ୧୮ କୋଟି ବୋଲର ଫେରିବାକୁ ପ୍ରସ୍ତୁତ ହେଉଛନ୍ତି । ଏହି ଖେଳାଳି ହେଉଛନ୍ତି ଶ୍ରୀଲଙ୍କାର ମାଥିଶା ପାଥିରାଣା । ଆହତ ହୋଇଥିବା ପାଥିରାଣାଙ୍କୁ ଶ୍ରୀଲଙ୍କା କ୍ରିକେଟ୍ ବୋର୍ଡ ଖେଳିବାକୁ ଏନଓସି ଦେଇନଥିଲା । ବୋଲର ଏବେ ଦଳରେ ଯୋଗ ଦେଇଛନ୍ତି । ଶ୍ରୀଲଙ୍କାର ପେସର ମାଥିଶା ଦଳରେ ଯୋଗା ଦେବାପରେ କେକେଆରର ଭାଗ୍ୟ ଚମକୁଛି ନା ନାହିଁ ତାହା ଦେଖିବା ବାକି ରହିଲା ।
ପରୀକ୍ଷାରେ ପାସ୍- ପଥିରାନା କାଫ୍ ସମସ୍ୟାରେ ରହିଥିଲା । ଏହି କାରଣରୁ ସେ ପଡ଼ିଆରୁ ଦୂରରେ ଥିଲେ । ସମ୍ବାଦ ସରବରାହ ସଂସ୍ଥା ପିଟିଆଇର ଏକ ରିପୋର୍ଟ ଅନୁଯାୟୀ, ପଥିରାନ ଶ୍ରୀଲଙ୍କା କ୍ରିକେଟ୍ ବୋର୍ଡ ଦ୍ୱାରା ପରିଚାଳିତ ଫିଟନେସ୍ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି ଏବଂ ତାଙ୍କୁ ଏନଓସି ପ୍ରଦାନ କରାଯାଇଛି । ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ ପୂର୍ବରୁ ସେ ଦଳରେ ଯୋଗଦେବେ ବୋଲି ଆଶା କରାଯାଉଥିଲା । ସେ ଦଳରେ ଯୋଗ ଦେଇଛନ୍ତି କିନ୍ତୁ ପ୍ଲେଇଂ ଇଲେଭେନରେ ତାଙ୍କର ଚୟନ ଅନିଶ୍ଚିତ । ଏହି ବୋଲରଙ୍କୁ କୋଲକାତା ୧୮ କୋଟି ଟଙ୍କାରେ କିଣିଥିଲା । ଆଶା କରାଯାଉଥିଲା ଯେ ସେ ସିଜିନ୍ ଆରମ୍ଭରୁ ଖେଳିବେ, କିନ୍ତୁ ଆହତ ସମସ୍ୟା କୋଲକାତାର ସମସ୍ତ ଯୋଜନାକୁ ବିଫଳ କରିଥିଲା ।
ଏହା ବି ପଢନ୍ତୁ...IPL 2026: ସୁପର ସନ୍ଡେ'ରେ କୋଲକାତା- ରାଜସ୍ଥାନ ମୁକାବିଲା, ‘କର ବା ମର’ ସ୍ଥିତିରେ ରାହାଣେ ସେନା
ସଙ୍କଟରେ କୋଲକାତା- କୋଲକାତା ପ୍ରଥମ ବିଜୟ ସ୍ୱାଦ ଚାଖିବାକୁ ବ୍ୟାକୁଳ । କୋଲକାତା ଏପର୍ଯ୍ୟନ୍ତ ୬ଟି ମ୍ୟାଚ୍ ଖେଳିଛି, ସେଥିମଧ୍ୟରୁ ୫ଟିରେ ପରାସ୍ତ ହୋଇଛି। ବର୍ଷା ଯୋଗୁଁ ପଞ୍ଜାବ କିଙ୍ଗ୍ସ ବିପକ୍ଷରେ ସେମାନଙ୍କର ମ୍ୟାଚ୍ ବାତିଲ ହୋଇଥିଲା । ଆଜି, ରାଜସ୍ଥାନ ବିପକ୍ଷରେ, ଦଳ ସେମାନଙ୍କର ପ୍ରଥମ ବିଜୟ ଖୋଜିବାକୁ ଚେଷ୍ଟା କରିବ । ଏଥିରେ ବିଫଳ ହେଲେ ପ୍ଲେଅଫ ପାଇଁ କୋଲକାତାର ପଥ କଷ୍ଟକର ହୋଇଯିବ । ଆଜି ୨୮ ତମ ଲିଗ୍ ମ୍ୟାଚରେ ରାଜସ୍ଥାନ ବିପକ୍ଷରେ ଖେଳିବ କୋଲକାତା ନାଇଟ୍ ରାଇଡର୍ସ । ଗୋଟିଏ ବି ମ୍ୟାଚ ଜିତିନାହିଁ କୋଲକାତା । ପଏଣ୍ଟ ଟେବୁଲ୍ ଶେଷରେ ରହିଛି ଟିମ୍ । କର ବା ମର ସ୍ଥିତିରେ ରହିଛି ଟିମ୍ ରାହାଣେ । ଆଜି ଦଳ ପାଇଁ ଶେଷ ସୁଯୋଗ । ୬ଟି ମ୍ୟାଚ ଖେଳିଥିବା କୋଲକାତା ୧ ପଏଣ୍ଟ ଅର୍ଜନ କରିଛି ।
