ନୂଆଦିଲ୍ଲୀ,୨୧।୩: ପାକିସ୍ତାନକୁ ପୁଣିଥରେ ଭାରତର ବୈଦେଶିକ ମନ୍ତ୍ରଣାଳୟର କଡ଼ା ସମାଲୋଚନା। ଶୁକ୍ରବାର ସାମ୍ବାଦିକଙ୍କ ସହ କଥା ହୋଇ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ ପଡୋଶୀ ଦେଶର ପ୍ରକୃତ ଚେହେରା ମଧ୍ୟ ଦେଖାଇଛନ୍ତି। ତାଙ୍କୁ ଯେତେବେଳେ ପଚରାଯାଇଥିଲା ପାକିସ୍ତାନ ଜାତୀୟ ଦିବସ ଅବସରରେ ପାକ୍ ହାଇକମିଶନରେ ଆୟୋଜିତ ଇଫତାର ଡିନ୍ରରେ କୌଣସି ଭାରତୀୟ ସରକାରୀ ଅଧିକାରୀଙ୍କୁ ନିମନ୍ତ୍ରଣ କରାଯାଇଥିଲା କି? ଏହାର ଉତ୍ତରରେ ସେ କହିଥିଲେ, ନିମନ୍ତ୍ରଣ ସମ୍ପର୍କ ଉପରେ ନିର୍ଭର କରେ। ସାରା ବିଶ୍ବ ଭଲ ଭାବରେ ଜାଣେ ଯେ ପାକିସ୍ତାନ ସୀମାପାର ଆତଙ୍କବାଦକୁ ପ୍ରୋତ୍ସାହନ ଦେଉଛି। ।
ତେବେ ସେ ଭାରତ ଏବଂ ଆମେରିକା ଦ୍ୱିପାକ୍ଷିକ ବାଣିଜ୍ୟ ଆଲୋଚନାକୁ ଆଗକୁ ନେବା ପ୍ରକ୍ରିୟାରେ ଅଛନ୍ତି। ଉଭୟ ସରକାର BTA ପାଇଁ ଏକ ଢାଞ୍ଚା ସୃଷ୍ଟି କରିବା ପାଇଁ ସକ୍ରିୟ ଭାବରେ କାର୍ଯ୍ୟ କରୁଛନ୍ତି, ଯାହାର ଲକ୍ଷ୍ୟ ବାଣିଜ୍ୟ ବିସ୍ତାର, ବଜାର ପ୍ରବେଶକୁ ପ୍ରୋତ୍ସାହନ, ଶୁଳ୍କ ଏବଂ ଅଣ-ଶୁଳ୍କ ପ୍ରତିବନ୍ଧକ ହ୍ରାସ। ଭାରତ ସରକାର ପାରସ୍ପରିକ ଲାଭକାରୀ ବହୁ-କ୍ଷେତ୍ରୀୟ ଦ୍ୱିପାକ୍ଷିକ ବାଣିଜ୍ୟ ଚୁକ୍ତିନାମାରେ ପହଞ୍ଚିବା ପାଇଁ ବିଭିନ୍ନ ସ୍ତରରେ ଆମେରିକୀୟ ପ୍ରଶାସନ ସହିତ ଯୋଗାଯୋଗରେ ଅଛନ୍ତି।
