ନୂଆଦିଲ୍ଲୀ,୧୦/୦୬: ନରହନ୍ତା ସ୍ତ୍ରୀ ନେଲା ସ୍ବାମୀର ଜୀବନ । ହନିମୁନ ଯିବା ପରେ ପ୍ରେମିକ ସହ ମିଶି ରଚିଥିଲା ଷଡଯନ୍ତ୍ର । ହତ୍ୟା ପାଇଁ ଦେଇଥିଲେ ସୁପାରି । ଯାହା ହାତ ଧରି ବିବାହ ପରେ ଖୁସିରେ ହନିମୁନ୍ ପାଇଁ ଇନ୍ଦୋରରୁ ମେଘାଳୟ ବାହାରିଯାଇଥିଲେ ସେ ହିଁ ତାଙ୍କୁ ଦେଇଛନ୍ତି ଯନ୍ତ୍ରଣାପୂର୍ଣ୍ଣ ମୃତ୍ୟୁ । ବହୁଚର୍ଚ୍ଚିତ ଇନ୍ଦୋର ନବଦମ୍ପତି ହନିମୁନ୍ ପାଇଁ ମେଘାଳୟ ଯିବା ଏବଂ ସେଠାରୁ ସ୍ୱାମୀ ରାଜା ରଘୁବଂଶୀଙ୍କ ମୃତଦେହ ଉଦ୍ଧାର ହେବା ଘଟଣାର ଆଉ ଏକ ଆଶ୍ଚର୍ଯ୍ୟକର ତଥ୍ୟ ସାମ୍ନାକୁ ଆସିଛି। ହତ୍ୟାକାରୀ ସୋନମ୍ ବିବାହର ୪ ଦିନ ପରେ ବାପଘରକୁ ଆସି ସ୍ବାମୀକୁ ହତ୍ୟା କରିବା ପାଇଁ ଷଡ଼ଯନ୍ତ୍ର ରଚିଥିବା ଜଣାପଡ଼ିଛି।
ଦେଶବ୍ୟାପୀ ଚର୍ଚ୍ଚା ପାଲଟିଥିବା ଘଟଣାର ତଦନ୍ତ ପାଇଁ ପୁଲିସ SDRF,NDRF ଏବଂ କେନ୍ଦ୍ର ଓ ରାଜ୍ୟ ଗୁଇନ୍ଦା ୟୁନିଟଗୁଡ଼ିକୁ ନେଇ ଏକ SIT ଗଠନ ମାମଲା ଖୋଳତାଡ଼ କରିଥିଲା । ରଘୁବଂଶୀଙ୍କ ହତ୍ୟାକାରୀ ସ୍ତ୍ରୀ ସୋନମଙ୍କୁ ୟୁପିର ଏକ ଢାବାରୁ ପୁଲିସ ଗିରଫ କରିବା ସହ ତାଙ୍କ ଅଭିଯୁକ୍ତ ପ୍ରେମିକ ରାଜ କୁଶୱାହା ସମେତ ଚାରି ଜଣ ସନ୍ଦିଗ୍ଧଙ୍କୁ ଗିରଫ କରିଥିଲା। ଆଜି ସ୍ୱାମୀହନ୍ତ ସୋନମ୍ ୩ ଦିନିଆ ଟ୍ରାନଜିଟ୍ ରିମାଣ୍ଡରେ ଯାଇଥିବା ଜଣାପଡ଼ିଛି। ମେଘାଳୟ ପୋଲିସ ଟ୍ରାନ୍ଜିଟ୍ ରିମାଣ୍ଡରେ ନେଇ ପଚରାଉଚରା କରିବ । ୟୁପି ଗାଜିପୁରରୁ ଶିଲଂକୁ ନେଇ ପୁଲିସ କରୁଛି ତନାଘନା ।
ପୁଲିସର କହିବା ମୁତାବକ, ସୋନମଙ୍କ ପରିବାର ରାଜଙ୍କ ସହିତ ତାଙ୍କ ସମ୍ପର୍କ ବିରୋଧରେ ଥିଲେ। ଶେଷରେ ରାଜାଙ୍କ ସହିତ ତାଙ୍କର ବିବାହ ସ୍ଥିର ହୋଇଥିଲା। ବିବାହର ମାତ୍ର ଚାରି ଦିନ ପରେ, ସୋନମ ବିବାହ ପରବର୍ତ୍ତୀ ରୀତିନୀତି ପାଇଁ ତାଙ୍କ ପିତାମାତାଙ୍କ ଘରକୁ ଆସିଥିଲେ। ଆଉ ସେହି ଗସ୍ତ ସମୟରେ ସେ ରାଜଙ୍କ ସହିତ ମିଶି ତାଙ୍କ ସ୍ୱାମୀଙ୍କ ହତ୍ୟାର ଷଡଯନ୍ତ୍ର କରିଥିଲେ ବୋଲି ଜଣାପଡ଼ିଛି।
