ପରେ ଗ୍ରୀନ୍ ମଧ୍ୟଆକ୍ରମଣାତ୍ମକ ଢ଼ଙ୍ଗରେ ବ୍ୟାଟିଂ କରି ୧୦ ବଲରୁ ୧୮ ରନ୍ କରିଥିଲେ । ମାତ୍ରପରେ ରଘୁବଂଶୀ ରାହାଣେଙ୍କ ସାଥ୍ ଦେଇଥିଲେ । ସେ ୨୯ ବଲରୁ ୫୧ ରନ କରିଥିଲେ । ଫଳରେ କେକେଆର ୪ ଓ୍ବିକେଟ୍ ବିନିମୟରେ ୨୨୦ ରନ୍ କରିବାରେ ସକ୍ଷମ ହୋଇଥିଲା ।ସେପଟେ ମୁମ୍ବାଇ ପକ୍ଷରୁ ସାର୍ଦ୍ଧୁଲ୍ ଠାକୁର ୩ ଓ୍ବିକେଟ୍ ଅକ୍ତିଆର କରିଥିଲେ । ଏହାସହ ମୁମ୍ବାଇ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଓ୍ବିକେଟ୍ନେଇଥିଲେ ।
ମୁମ୍ବାଇର ଷ୍ଟାର ବୋଲର ଜଶପ୍ରିତ୍ ବୁମାର ଆଜିର ମ୍ୟାଚରେ ଓ୍ବିକେଟ୍ ଲେସ୍ ହୋଇଛନ୍ତି । ଏହାସହ ମହଙ୍ଗା ସାବ୍ୟସ୍ତ ହୋଇଛନ୍ତି । ୪ ଓଭରରେ ୩୫ ରନ୍ ବ୍ୟୟ କରିଛନ୍ତି ।କେକେଆର ପକ୍ଷରୁ ରିଙ୍କୁ ସିଂହ କମାଲ ବ୍ୟାଟିଂ କରିବା ସହ ୨୧ ବଲରୁ ୩୩ ରନ୍ କରି ଅପରାଜିତ ରହିଥିଲେ । ଶେଷ ଓଭର ଗୁଡ଼ିକରେ ମୁମ୍ବାଇ ବୋଲରଙ୍କୁ ଧୂଲେଇ କରିଥିଲେ ।
ଏହାସହ ପଢ଼ନ୍ତୁ : ଆଇପିଏଲ ୨୦୨୬ : ରେକର୍ଡ କଲେ ସୁନୀଲ ନାରାୟଣ
ମୁମ୍ବାଇ : ଘରୋଇ ମାଟିରେ ବଡ଼ ବିଜୟ । ଆଇପିଏଲ ୨୦୨୬ : ବିଜୟରୁ ଅଭିଯାନ ଆରମ୍ଭ କରିଛି ମୁମ୍ବାଇ ଇଣ୍ଡିଆନ୍ସ । କୋଲକାତାକୁ ୬ ଓ୍ବିକେଟ୍ ହରାଇ ପ୍ରଥମ ବିଜୟ ବିଜୟ ହାସଲ କରିଛି ପାଣ୍ଡ୍ୟା ବାହିନୀ । ୨୨୧ ରନର ବିଜୟ ଲକ୍ଷ୍ୟକୁ ୫ ବଲ ବାକିଥାଇ ଜିତି ନେଇ ମୁମ୍ବାଇ । ନମନ ଧିର ଏକ ସୁନ୍ଦର ଚୌକା ମାରି ଦଳକୁ ବିଜୟ ଭେଟି ଦେଇଛନ୍ତି । ସେପଟେ ଆଜି କେକେଆରର ବୋଲରମାନେ ମହଙ୍ଗା ସାବ୍ୟସ୍ତ ହୋଇଥିଲେ । ନାରାୟଣ, କାର୍ତ୍ତିକ ତ୍ୟାଗୀ ଏବଂ ବୈଭବ ଅରୋରା ଗୋଟିଏ ଲେଖାଏଁ ଓ୍ବିକେଟ୍ ନେବାରେ ସକ୍ଷମ ହୋଇଥିଲେ ।
