ଭୁବନେଶ୍ବର, ୨।୩ : ଯାଜପୁର ଧର୍ମଶାଳାରେ ଚାଲିଛି ଖଣି ଲୁଟ। ଆଉ ଏହି ଖଣି ଲୁଟକୁ ପ୍ରଶୟ ଦେଉଛନ୍ତି ଡିଡିଏମ। ପ୍ରଶାସନର ଛତ୍ରଛାୟା ତଳେ ଚାଲିଛି ଲୁଟ ବୋଲି ସାମ୍ବାଦିକ ସମ୍ମିଳନୀ ଜରିଆରେ ଏମିତି ଅଭିଯୋଗ ଆଣିଛନ୍ତି ଧର୍ମଶାଳାର ପୂର୍ବତନ ବିଧାୟକ ପ୍ରଣବ ବଳବନ୍ତରାୟ।
ଧର୍ମଶାଳାରେ ୮୪ ଟି ପଥର ଖଣି ରହିଥିବା ବେଳେ ସରକାରୀ ସୂତ୍ର ରେ ୨୦ ଟି ଖଣି ଚାଲୁଛି। ଅନ୍ୟ ଖଣି କୁ ଲିଜ ସୂତ୍ର ରେ ଦିଆ ଯାଉ ନଥିବା ବେଳେ ଚୋରି କୁ ପ୍ରଶୟ ଦେଉଛନ୍ତି ଜିଲ୍ଲା ପ୍ରଶାସନ। ଅନ୍ୟପଟେ ଖିଲାପ ଲିଜଧାରୀ ଓ ଜୋରିମାନା ବାକି ଥିବା ଲୋକଙ୍କୁ ଲିଜ ଦିଆ ଯାଉଥିବା ବେଳେ ଯେଉଁ ମାନେ ଟଙ୍କା ପୈଠ କରୁଛନ୍ତି ସହମତି ପ୍ରକାଶ କରୁଛନ୍ତି ସେମାନଙ୍କୁ ଲିଜ ଦିଆ ଯାଉନି । ଲିଜ ପ୍ରଦାନ କରିବାରେ ପାତର ଅନ୍ତର କରାଯାଉ ଥିବା ଅଭିଯୋଗ କରିଛନ୍ତି ପ୍ରଣବ।
ଆରୁହା, ବିଛଖଣ୍ଡି, ରହାଡପୁର, ଡଙ୍କାରି ପ୍ରମୁଖ ଖଣିରୁ ବେଧଡକ ଚାଲିଛି କଳାପଥର ଲୁଟ। ଧର୍ମଶାଳା ବିଧାୟକ ଦେଇଥିବା ପ୍ରତିଶ୍ରୁତି ଫେଲ ମାରିଛନ୍ତି।ଆଗାମୀ ଦିନରେ ଏହି ଲୁଟ ଉପରେ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆ ନଗଲେ ସାଧାରଣ ଲୋକେ ରାଜ ରାସ୍ତାକୁ ଓହ୍ଲାଇବେ ବୋଲି ପୂର୍ବତନ ବିଧାୟକ ପ୍ରଣବ ବଳବନ୍ତରାୟ କହିଛନ୍ତି ।
