ନୂଆଦିଲ୍ଲୀ: ପୁଣିଥରେ ଦିଲ୍ଲୀରେ ମାନବିକତାକୁ ଲଜ୍ଜିତ କରିବା ଭଳି ଏକ ଘଟଣା ଘଟିଛି । ଏଠାରେ ଆନନ୍ଦ ବିହାର ଅଞ୍ଚଳରେ ସ୍କୁଲ ବସ୍ରେ ଜଣେ ଛାତ୍ରୀଙ୍କୁ ଯୌନ ନିର୍ଯାତନା ଅଭିଯୋଗ ସାମ୍ନାକୁ ଆସିଛି । ଏହି ଘଟଣାକୁ ଦୃଷ୍ଟିରେ ରଖି ପୋଲିସ ଗାଡିର ଡ୍ରାଇଭର, କଣ୍ଡକ୍ଟର ଏବଂ ସ୍କୁଲ କର୍ମଚାରୀଙ୍କ ବିରୋଧରେ ମାମଲା ଦାଖଲ କରିଛି । ବୁଧବାର ଦିନ ଏ ସମ୍ପର୍କରେ ସୂଚନା ଦେଇ ଜଣେ ଅଧିକାରୀ କହିଛନ୍ତି ଯେ ଏହି ଘଟଣା ସମ୍ପର୍କରେ ଘରୋଇ ବିଦ୍ୟାଳୟ ପୋଲିସ ନିକଟରେ ଅଭିଯୋଗ କରିଛି । ଛାତ୍ରୀ ଜଣକ ଗାଜିଆବାଦର ଇନ୍ଦିରାପୁରମରେ ଥିବା ତାଙ୍କ ଘରକୁ ସ୍କୁଲ୍ ବସ୍ରେ ଯାଉଥିବା ସମୟରେ ଏହି ଘଟଣା ଘଟିଛି।
ଦିଲ୍ଲୀ ପୋଲିସ ଏହାର ବିବୃତ୍ତିରେ କହିଛି ଯେ, ଏହି ମାମଲାରେ ଛାତ୍ରୀଙ୍କ ଅଭିଭାବକ ମାନେ ଘଟଣା ସମ୍ପର୍କରେ ସମ୍ପୂର୍ଣ୍ଣ ସୂଚନା ଦେବା ଏବଂ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଲିଖିତ ଅଭିଯୋଗ ଦେବାକୁ ଆସି ନାହାଁନ୍ତି। ତେବେ ଅପରାଧର ଗମ୍ଭୀରତାକୁ ଦୃଷ୍ଟିରେ ରଖି ଅଭିଯୁକ୍ତ ବସ୍ ଡ୍ରାଇଭର, ବସ୍ କଣ୍ଡକ୍ଟର ଏବଂ ଜଣେ ସ୍କୁଲ କର୍ମଚାରୀଙ୍କ ବିରୋଧରେ ଯୌନ ଅପରାଧରୁ ଶିଶୁ ସୁରକ୍ଷା (POCSO) ଅଧିନିୟମର ଧାରା ୧୦ ଅନୁଯାୟୀ ମାମଲା ରୁଜୁ କରାଯାଇଛି । ଏହି ଘଟଣାରେ ଅଧିକ ତଦନ୍ତ ଚାଲିଥିବା ପୋଲିସ କହିଛି ।
