ଉଲୁଣ୍ଡା,୨୧।୬ (ଆପ୍ର): ସୋନପୁର ସମ୍ବଲପୁର ମୁଖ୍ୟ ରାସ୍ତାର ମାଟିଖାଇ ନୂଆପଡ଼ା ନିକଟରେ ଗୁଳି ମାଡ଼ରେ ଏକ ମାଙ୍କଡ଼ର ମୃତ୍ୟୁ ଘଟିଛି। ତେବେ ମାଙ୍କଡକୁ କିଏ ଗୁଳି କଲା ଏବଂ କାହିଁକି ଗୁଳି କରି ମାରିଲା ତାହା ସ୍ପଷ୍ଟ ହୋଇନଥିବା ବେଳେ ବନବିଭାଗ ତଦନ୍ତ ଜାରି ରଖିଛି l  

ଏକ ମାଙ୍କଡ  ରାସ୍ତାରେ ରକ୍ତାକ୍ତ ଅବସ୍ଥାରେ ପଡ଼ିଥିଲା l  ସେହି ସମୟରେ ଆସୁଥିବା ଅଗ୍ନିଶମ ବାହିନୀର କର୍ମଚାରୀମାନେ ମାଙ୍କଡ ପଡ଼ିଥିବା ଦେଖି ବନବିଭାଗକୁ ଖବର ଦେଇଥିଲେ l ତେବେ ବନବିଭାଗ ଟିମ୍ ଘଟଣା ସ୍ଥଳରେ ପହଞ୍ଚିଥିଲେ l ସେଠାରେ ଦେଖିଲା ପରେ ମାଙ୍କଡକୁ ଗୁଳି କରି ମାରି ଦିଆଯାଇଥିବା ସ୍ପଷ୍ଟ ଜଣାପଡ଼ିଥିଲା l ସେଠାରୁ ବନବିଭାଗ ମାଙ୍କଡର ମୃତଦେହ ଜବତ ସହ ବ୍ୟବଚ୍ଛେଦ ପରେ  ପୋତି ଦେଇଥିଲା l